Remo صاحب مكان
عدد المساهمات : 1658 تاريخ التسجيل : 11/05/2009 العمر : 30
| موضوع: خرمنا الربع جنيه وسديناه الجمعة 23 أكتوبر 2009, 2:44 am | |
|
احكلكم حكاية سريعة كدة
في قديم .. قديم الزمان ......... يجي من عشرييييين سنة كدة
كانت توجد عملة تسمي الربع الجنية
[ندعوك للتسجيل في المنتدى أو التعريف بنفسك لمعاينة هذه الصورة]
وكانت تتم صناعتها من الورق مع اضافة زخارف ليها و كانت الورقة ماشاء الله قد كف اليد لعيل عنده 15 سنة
وكان الناس بتتبسط بيها وبيستعملوها في شراء مناديل فاين
او شراء مصاصتين او مستيكة تشكلتس
وكان في اطفال تجمعها في العيد عشان بتبقي لسه جديده
ومترضاش تصرفها
وبعدين كشئ طبيعي ومنطقي حصل تغيير في الشعب ( وليس في النظام )
ونتيجة لده ظهر الي بعده ربع جنية لكن معدن
وفيه خرم
وابتدا الناس تتجاهله في الاول ومترضاش تاخده
ومنهم الي يتعارك مع السواق لو اداله الباقي في
ربع جنيه مخروم
[ندعوك للتسجيل في المنتدى أو التعريف بنفسك لمعاينة هذه الصورة]
لكن كان في ناس بتاخده وتحب تحطه في الميداليه لغايه لما تتملي
ويبقي مبلغ محترم
وناس ابتدت تجمع اتنين منه وتشتري مناديل فاين ( بقيت 50 صاغ )
او يجمعو 4 منه ويشتروا مصاصة ( بقت 1 جنى )
وطبعا مننساش السمكرية الي كان بيستعملوه بدل الوردة في المسامير
المهم دوام الحال من المحال وحسب التطور الطبيعي للحاجة الساقعة
ناس اتشالت وناس اتحطت
ناس اتخرجت من الكليات وناس لسه
ناس بتشرب شاي وناس بتشرب ينسون وواحد هناك بيشرب بيريل [ندعوك للتسجيل في المنتدى أو التعريف بنفسك لمعاينة هذه الصورة]
كل الظروف دي ادت لظهور
الربع جنيه بدون خرم
[ندعوك للتسجيل في المنتدى أو التعريف بنفسك لمعاينة هذه الصورة]
ربع جنيه ظريف كده تبصله تبقي عايز تضحك
المهم دلوقتي هما منزلينه .. يتجاب بيه ايه ؟
وبعدين من غير خرم مش هيتحط في ميدالية او وردة مسمار؟
لكن كل ده مش مهم [ندعوك للتسجيل في المنتدى أو التعريف بنفسك لمعاينة هذه الصورة]
المهم
الثلات انواع موجودين في الاسواق وبيتم التعامل بيهم حاليا
ومن الممكن الحصول عليهم من اي تاجر او محل عصير
او سواق ميكروباص
وبكده كملت العيلة
الجنيه المعدن / النصف جنية المعدن / الربع جنيه بدون خرم المعدن / الربع جنيه بخرم المعدن / العشرين قرش المعدن/ العشرة قروش المعدن / الشلن المعدن
[ندعوك للتسجيل في المنتدى أو التعريف بنفسك لمعاينة هذه الصورة]
وقريبا الخمسة جنيه المعدن
وان شاء الله في اول السنة الجايه .. العشرة جنيه والخمسين المعدن
وهنمشي كلنا بجراب للموبيل وجراب للدنانير قصدي الفلوس
والي يروح البنك يروح بشوال او كيس قماش زي بتاع الخضار
وهنا يجيلي سؤال في غاية اللذاذة والظرافة واللطافة
هل في بلد غيرنا فيها تداول لعملة واحدة ليها ثلاث اشكال في نفس ذات الوقت ؟
سؤال يطرح نفسه | |
|
روميساء صاحب مكان
عدد المساهمات : 2390 تاريخ التسجيل : 15/08/2009 العمر : 32 الموقع : بـــــــــيـــــــــــتــــــــــنا
| موضوع: رد: خرمنا الربع جنيه وسديناه الجمعة 23 أكتوبر 2009, 2:55 am | |
| جميل ياريمو وبعدين ده مكسب لينا بدل ما ناخد مثلا مصروف 10 جنيه هاتبقى 50 جنيه الحديد زيها زى الربع جنيه فناخد 50 جنيه ويبقى ضربنا عصفورين بحجر | |
|
Remo صاحب مكان
عدد المساهمات : 1658 تاريخ التسجيل : 11/05/2009 العمر : 30
| موضوع: رد: خرمنا الربع جنيه وسديناه الجمعة 23 أكتوبر 2009, 2:58 am | |
| بس ساعتها هيكون الخمسين جنيه دى يادوب سعر كيس شيبسى او مصاصا | |
|
الفارس نجم المنتدى
عدد المساهمات : 3021 تاريخ التسجيل : 01/08/2009 العمر : 35 الموقع : www.youtube.com
| موضوع: رد: خرمنا الربع جنيه وسديناه الجمعة 23 أكتوبر 2009, 3:56 am | |
| احسن ياريمو انهم سدوا الخرم وخلوه ربع جنيه من غير خرم الواحد كنا
بيشيله فى جيبه خايف لينقط عليه اكمنه مخروم ههههههههههههههههههههههههههههههههههههههههههه | |
|
MEMO MOR عضو نشط
عدد المساهمات : 251 تاريخ التسجيل : 09/10/2009
| موضوع: رد: خرمنا الربع جنيه وسديناه الجمعة 23 أكتوبر 2009, 4:44 am | |
| انا ليا رأى جاد شويه انا شايف ان العمله المعدنيه دى ادت لتدهو فى اقتصدنا اكتر هى مش نتيجه لهبوط سعر الجنه فى مصر لكن احنا اللى بنقلل من قيمة الجنيه بأدينا وبعد ده كله تلقيه بتفرض عليك يا جماعه كل ما العملة الورقيه بتتحول لمعدن بتفقد قيمتها لدى الفرد ما بالك فى الأقتصاد نفسه واستر يارب لما ال5 جنيه تطلع احنا عمالين نتريق ونقول هنشيل سره من الدنانير وكلام من ده لكن الفاجعه اننا بنهدم اقتصدنا بأدينا وياريت اكون اصبت فى ظنى تحياتى | |
|
Mohamed Elsokkary نجم المنتدى
عدد المساهمات : 4174 تاريخ التسجيل : 01/09/2009 العمر : 30 الموقع : Quelque part comme
| موضوع: رد: خرمنا الربع جنيه وسديناه الجمعة 23 أكتوبر 2009, 10:40 am | |
| | |
|