عدد المساهمات : 252 تاريخ التسجيل : 21/08/2009 الموقع : قلبي مدينه الاحزان
موضوع: قصه .. حيرتنى أنا شخصياً ... الثلاثاء 17 نوفمبر 2009, 2:21 pm
بسم الله الرحمن الرحيم
السلام عليكم
القصه دى حقيقية
لقيتها ف احد المنتديات
وهى بنت بتحكى قصتها وحياتها مع الحب
انا بصراحه قولت البت دى مجنونه
او عندها حاله نفسيه
بس فعلا حاجه تحير
شوف القصه للاخر
ويارب نلاقى حل لحيرتها دى
اسيبكم مع القصه [b]انا تعبت والله العظيم تعبت انا هحكيلكم قصتى ويا رب الاقى حل عندكو انا مشكلتى مع الحب انا بحب بسرعه اوى بطريقه مرضيه ويا ريت كده بس انا بنسى كمان بسرعه هقولكو يعنى ايه بدات اول قصه حب فى حياتى من اعدادى حبيت ولد معايا فى الدرس وبقيت المحله انى بحبه لغايه ما حبنى واول ما صرحنى بحبه حصلى حاجة غريبه اوى لقيت نفسى مش طايقاه وبأرف منه ومش بطيق اشوفه وطبعا ببعد عنه وهو طبعا بيستغرب اذا كان انا اللى كنت هموت عليه ومن بعدها وانا حياتى كلها بقيت كده ممكن واحد يعجبنى فى الشارع اعد اسبله وابينله انى هموت عليه لغايه ما يحبنى او ممكن يكون محبنيش ممكن اوى تسليه مبتفرقش معايا بلاقى نفسى لو كملت معاه يومين اسبوع بالكتير بعدها بتخنق منه ومش بطيقه واغير رقم تليفونى عشان مسمعش صوته مش قادرة اقولكو اشتريت كام خط فى حياتى اكتر من 50 خط ب50 قصه حب والغريب انى احب واحد واكرهه وبعدين اشوف صحبه وصحابه كلهم ونفس الحكايه اكرههم انا عايزة افهمكو حاجة عشان متفهموش غلط انا محدش فيهم لمسنى ولا مسكه ايد ولا اى حاجة علاقتى معاهم بتبقى بخرج معاهم مرتين بالكتير واسمع منه كام كلمه حب بعدها بلاقى نفسى مش طايقاه لدرجه انى لو شفته بعدها ببقى هررجع (اتقيأ) انا مش عارفه حالتى دى ايه ؟ هل انا عندى نقص حنان وبحب اسمع كلام كويس من الناس؟ ولا انا بحب اتسلى بمشاعر الناس؟ ولا انا قليله الادب ؟ طب لو قليله الادب ليه بلاقى نفسى مفيش اسبوع ومش بطيقهم كره غير عادى ؟ انا مش عايزة اقولكو انا سمعتى بقت عامله ازاى دلوقتى انا مشهوووووورة فى الكليه والشارع بتاعى وكل الناس عرفين انى صايعه رغم انى والله العظيم ولا واحد فيهم لمسنى ولا شعرة منى انا مقصدش اقول انى معملتش حاجة غلط بس انا حاسه ان ده مرض نفسى مش قله ادب واللى مخوفنى وهيموتنى ان معنى كده انى لما ربنا يرزقنى بزوج مهما كنت بحبه هكرهه بعدكده وممكن اخونه دانا ممكن اخونه مع اخوه انا مش عيزة ابقى خاينه مش عايزة ابقى خايناااااااااه بس نسيت اقولكو حاجة انا طبعا فيه منهم اللى لمحتله وملقتش استجابه منه سعتها بئة بفضل متعلقه بيه وببقى عايزاه بأى طريقه لغايه ما بجيبه يعنى اللى ملتزم اوى ومتدين بدخله بسكه والروش المدلع بدخله بسكه واللى عايز واحده كسوفه اوى واللى عايز واحده روشه ومجنونه والغريب انى بعرف اتقن كل الادوار دى انا ممثله بارعه وبعد ما بجيبه بردو برجع اكرهه اختى بتقولى انى صنف زباله يجرى ورا اللى يرميه ويكره اللى يحبه وبتقولى انى مش هبقى مرتاحه مع جوزى الا لو احتقرنى وعملنى وحش لانى بكره اللى يحبنى ويعملنى حلو بالله عليكو قولولى اعمل ايه اروح لدكتور نفسى ولا ايه انا بجد تعبببببببببت
ايه ريكم ف الحكايه دى ؟؟
وهل ليها حل ؟؟
انا بصراحه محتاره قصه غريبه فعلا
ربنا يهدى
منتظر ردودكم
Remo صاحب مكان
عدد المساهمات : 1658 تاريخ التسجيل : 11/05/2009 العمر : 30
موضوع: رد: قصه .. حيرتنى أنا شخصياً ... الثلاثاء 17 نوفمبر 2009, 3:02 pm
عدد المساهمات : 2390 تاريخ التسجيل : 15/08/2009 العمر : 32 الموقع : بـــــــــيـــــــــــتــــــــــنا
موضوع: رد: قصه .. حيرتنى أنا شخصياً ... الأربعاء 18 نوفمبر 2009, 11:10 am
ريمو أوفت بردها لكن هى فعلا ممكن تبقى محتاجة للحب والحنان وممكن مش تبقى حساه فى بيت أهلها ومعنى اللى هى بتعمله إنها بعيده عن أهلها يعنى أهلها مش مقربيين ليها لكن ده مش دافع إنها تتصرف كده فى بنات كتير مش قرييبيبن لأهلهم لكن بيحسنوا التصرف هى ممكن تعرض نفسها على دكتور نفسى أكيد هو اللى هايعالجها
Remo صاحب مكان
عدد المساهمات : 1658 تاريخ التسجيل : 11/05/2009 العمر : 30
موضوع: رد: قصه .. حيرتنى أنا شخصياً ... الخميس 19 نوفمبر 2009, 12:49 pm
انا معاكى ياروميساء انها محتاجة الحب والحنان وبتدور عليه
فلنفرض كدة اكيد هتكتفى بحب وحنان شخص واحد مش كل يوم تغير واحد
كأنها كل يوم بتغير طقم لبساه ده مينفعش اصلا دى كدة هتضيع نفسها
انا كمان بقترح انها تروح لطبيبة نفسية مش طبيب علشان دى المفروض مش تتعامل مع الجنس الاخر خالص