مسلسل سعديه و ميدو (متجدد) هتمووت من الضحك و التثبيت للموضوع

يااااااااااا عم كريم انا مش بتااااااااااااع انتظــــــــــــــــــ ونى ـــــــــــــــــــــــــــر كمل يا عم

كمل بقى كمل

ايـــــه اللي هيحصل
يلا كـــــــمــــــل

كمل يا كريم عايزين نعرف اللى حصل

كمل يا كريم بس بسرعه بقى عشان احنا قربنا نمتحن انا ادامى اسبوعان بالكتير و مش هدخل المنتدى لوقت كبير اوى

الحلقه الرابعه عشر
تانى يوم الصبح راحت سعديه الجامعه قابلت ندى وسلمت عليها
وهم قاعدين يتكلموا جات جنى وميدو
جنى : هاى جود مورنينج
سعديه : قال يا جاعدين يكفيكوا شر الجايين جود مورنينج ورحمه الله وبركاته
اهلا ياختى
ميدو : ازيكوا عاملين ايه
ندى: الحمد لله كويسين
سعديه : تعالوا ندخل المحاضره احسن من الرغى ده
ميدو : هى ابتديت
سعديه : نموسيتك كحلى انت بتسال هتبتدى دلوجتى يلا بينا
دخلوا المحاضره واعدوا ميدو الاول وجمب منه جنى وجمبها سعديه وجمبها ندى
دخل الدكتور وبدا الشرح سعديه اعده متغاظه مش عارفه ايه السبب
سعديه : يادى اليوم لاسود ايه الدكتور المهبب ده ده ميت اربع مرات جبل كده
وجاى يموت الخامسه هنا فى وشنا بت يا جنى انتى فاهمه حاجه
جنى : يا ستى ده كله فى الكازوزه محاضره وهتعدى
سعديه : كازوزه الله على ده تعليم انا عارفه ايام بيبسى وسفن اب كمان
بت يا ندى انتى فاهمه حاجه
ندى : والله يا سعديه مش فاهمه اوى بس يلا نبقى نزاكر احنا من الكتاب وخلاص
سعديه : لا والله انا معرفش كده اما يشرح كويس اما يتهبب يموت ولا يشوفله
جبر جبل اما الجبور تغلى وتبجى بفلوس
جنى : ما تسكتى بقى صدعتينى وخلاص عامله فيها عالمه يعنى هتطلعى احمد زويل ياختى
سعديه : والله انا فى محاضره ومش عايزه اازيكى يا كلبه
جنى : انا كلبه
سعديه : ايوه كلبه فعلا كلبه
جنى : طيب انا هوريكى يا انتى
الدكتور شافهم طبعا وهمه عمالين يرغوا وشادين مع بعض
الدكتور : هو فيه ايه انتوا لتنين اقفوا قلولى فيه ايه
سعديه : بصوت واطى يادى النيله هو ميت اصلا ردت فيه الروح علشان يشوفنا
انا جولت انها ايام طين وهباب
جنى : انا معملتش حاجه يادكتور هى الى بتتخانق معايا
الدكتور: من غير سبب يعنى
سعديه : لا يا دكتور بسبب
هى بتجلى انها مش فاهمه منك حاجه خالص وانا علشان بكن لحضرتك
كل حب وتجدير ما استحملتش انها تتكلم
عليك فا زعجتلها وجولتلها الدكتور نابغه من نوابغ الزمن فلته مفيش منه اتنين
الدكتور: شكرا يا بنتى ربنا يحميى
سعديه : بصوت واطى وياخدك جول امين
جنى : دى كدابه يا دكتور دى هى الى بتقول كده
الدكتور : اخرسى واخرجى بره
سعديه فرحانه طبعا وجنى بتطرد بره خرجت جنى وبعد اما خلصت المحاضره
راحوا سعديه وندى وميدو الكافتريا كانت هناك جنى
جنى : على فكره انا مش هعديلك الى حصل ده انتى متعرفيش انا بابا مين وخالوا يبقى مين
سعديه : اهدى يا حجه انتى انا ما بتهددش اهدى كده واجعدى خديلك سندوتش
ولا كوبايه عصير تهدى اعصابك
ميدو : هى بتهرج معاكى معلش يا جنى محصلش حاجه
جنى : يعنى انت عجبك الى حصل ده
ندى : معلش بقى
سعديه: بصى يا با انتى اوعى تانى تجولى بابا ولا خالى خلخل نيبانك وكسر دروسك ياختى
ميدو: ما خلاص بقى يا سعديه هو فيه ايه
ندى وميدو هدوا الموقف وانتهى اليوم وهمه ماشيين جنى ندهت على ميدو
جنى : ميدو
ميدو : نعم يا جنى
جنى : انا عايزاك فى حاجه مهمه اوى
ميدو : طيب قولى يا جنى
جنى : لا يا حبيبى ماينفعش هنا انا اشوفك فى النادى بقى اخر النهار
ميدو: اوك بس انتى مش تتاخرى
جنى : اوك يلا باى
هنشوف بقى بكره هى جنى عايزه ميدو فى ايه وشكلها الاحداث هتطور والموضوع هيكبر
اما نشوف بقى الحلقه الجايه

الحلقه الخامسه عشر

وجه معاد المقابله واتقابلوا جنى وميدو فى النادى

جنى : ميدو انت بتحبنى ولا لا

ميدو : طبعا يا جنى يا حبيبتى ليه بتسالى كده

جنى : اصل انا الفتره الى فاتت دى لقيتك مهتم بسعديه دى فكرت انك بتحبها

ميدو : انا احب سعديه لا سعديه دى زى اختى وكمان سعديه مش دماغى خالص

جنى : طيب يبقى لازم نعمل خطوبه

ميدو : مش دلوقتى يا جنى بلاش استعجال احنا لسه فى اول الطريق

جنى : بصراحه كده بابا عايز يجوزنى ابن صاحبه معتبرنى صفقه من صفقاته

وانت لازم تيجى تخطبنى

ميدو : مش عارف يمكن بابا ميوافقش

جنى: انت لو بتحبنى هتقنعه اتصرف بقى

ميدو : حاضر هتصرف

ميدو رجع البيت وكلم باباه فى الموضوع ميدو طبعا دلوعه ماما وبابا

ووافقوا من غير اى نقاش وقالوا انهم هيروحوا يتقدموا لجنى تانى يوم

وطبعا ميدو اتصل بجنى وقالها وفرحت جدا وهمه لتنين مش راحوا الجامعه

تانى يوم وندى وسعديه كانوا قلقانين عليهم

ندى : هو ميدو وجنى مجوش ليه

سعديه : معرفش يختى يمكن يكوانوا متواعدين وراحوا يصيعوا فى اى مكان

ندى : تصدقى بجد انا شاكه انهم كانوا متواعدين بجد لانهم امبارح

اعدوا يتكلموا واحنا مروحين

سعديه : الهى يكون طسهم قطر ولا اتوبيس همه لتنين ونرتاح منهم

ندى : يا شيخه حرام عليكى استنى اما يجوا بكره ونعرف فيه ايه

سعديه : قلبى مش مطمن ربنا يستر

سعديه وندى قضوا يومهم زى العاده ومشيوا وجم تانى يوم طبعا دخلت سعديه

لقت نص شباب وبنات الجامعه واقفين مع جنى وميدو وبقلولهم الف مبروك

سعديه ندهت على ندى وبتسالها

سعديه : ندى هو فيه ايه

ندى: تعالى باركى لميدو وجنى

سعديه : ليه همه كسبوا الدورى

ندى : اتخطبوا لبعض

سعديه جاتها حاله زهول وصمت فضلت ساكته ندى تكلمها

وهى مش مركزه معاها خالص

ندى : سعديه سعديه مالك

سعديه : لا مفيش مصدعه شويه

ندى : طيب تعالى باركيلهم

سعديه : ماشى

راحت سعديه تباركلهم الهانم جنى طبعا مش لازم تعدى اليوم على خير

سعديه : الف مبروح يا جنى الف مبروك يا ميدو

ميدو : الله يبارك فيكى يا قمر عقبالك

جنى : عقبال يا سعديه شفتى ميدو جابلى ايه

سعديه : حلو

جنى : حلو ايه ده يجنن انتى ما بتفهميش فى الزوق ولا ايه

سعديه : لا بتفهمى انتى ياختى

جنى : طبعا انتى اخرك دبله صفيح من ام ربع جنيه ويجيبهالك واحد فلاح من عندكوا

سعديه : يا مسهل يا رب ده يوم مفترج عليكى لمى نفسك انتى يا سحليه يا عصايه النقاريه

ميدو : جنى عيب كده بقى

ندى اخدت سعديه وراحوا الكافتريا هناك سعديه اعده ساكته خالص

ندى: سعديه هو مالك انهرده

سعديه : مالى ايه مفيش يا بت

ندى : لا ساكته وشكلك مش طبيعى انتى زعلى اما عرفتى ان جنى وميدو اتخطبوا

سعديه : لا يا بنتى وهزعل ليه

ندى : اوعى تكونى بتحبى ميدو

سعديه : انا لا ميدو مين الى احبه ده انا تعبانه وماشيه يلا سلام

سعديه روحت طبعا وهى مش فى حالتها الطبيعيه دخلت الاوضه وقفلت على نفسها

وبدأت تحاسب نفسها وتقول هو انا زعلت ليه كده هو انا حبيته ولا ايه ــــــــــ

لالالالالالالالالا احب مين ده عيل تافه ورمه وملوش شخصيه ـــــــــــــ

بس منكرش انى اتشديتلوا واعجبت بيه ـــــــــ لا اعجلى يا سعديه

ده مش ليكى ــــــــــــــــ بس هو طيب جوى ـــــــــ يا وجعه سوده ومهببه

كانى حبيته بجد ــــــــــــ يا بت اعجلى انتى جايه تتعلمى مش تحبى احترمى نفسك

وفضل حوار طويل بين سعديه ونفسها بقى وبردو حست انها حبيته واتشدت ليه

يا ترى هيحصل ايه بعد كده هنشوف الحلقه الجايه

انتظــــــــــــــــــ ونى ــــــــــــــــــــــــر
[ندعوك للتسجيل في المنتدى أو التعريف بنفسك لمعاينة هذه الصورة]

كمل يا مان

ياله يا كريم كمل عايزين نعرف اللى حصل ومتتاخرش علينا فى كتابة الحلقة

جامد ياعم المخرج
بس انا عاوز اعرف حاجه ممكن
؟؟؟؟؟؟؟؟؟؟؟؟؟؟؟؟؟

الحلقه السادسه عشر

سعديه بقى بعد اما روحت بيت عمها حست انها مخنوقه ومدايقه ومش عارفه تعمل اى حاجه خرجت لعمها واستاذنت منه انها تروح البلد عند اهلها تقعد 15 يوم تفك عن نفسها وتسلم على امها وابوها واخواتها اصلهم وحشوها وفعلا عمها وصلها لمحطه القطر وركبت سعديه وروحت بلدهم وبعد اما وصلت البيت وسلمت على ابوها ومامتها واخواتها واعدت بقى تحكيلهم على مصر وكمان على الى شافته فى الرحله وهمه مندهشين بقى وباباها
عمال يوصيها بقى
الحج سليمان ابو سعديه
الحج سليمان : بت يا سعديه تاخدى بالك من نفسك ومن شباب مصر دول علشان دول جولالات خشى ولا يخافوا ربنا اوعى حد يغويكى ويضحك عليكى
سعديه :يغوينى ايه يابا دول ولا يفرجوا حاجه عن البنات مستحيل ابص لحد فيهم متخافش يابا معاك راجل
الحج سليمان :عارف يا بتى وعلشان كده امنت عليكى وسبتك تسافرى تتعلمى وحدك
وفى اثناء الحوار دخل ابن عمها الى بيحب سعديه وعايز يتجوزها اسمه محمدين
محمدين : السلام عليكم ازيكم يا جماعه
سعديه : فى سرها ( يا جاعدين يكفيكوا شر الجايين ابو الفصاد جه يادى اليوم لاسود ) اهلا يا محمدين
محمدين :ازيك يا سعديه يا بنت عمى نورتى البلد كيف احوالك
سعديه : الحمد لله يا محمدين كويسه
محمدين :ايه يا بنت عمى امتى امتحاناتك علشان نعمل فرحنا
سعديه : فرح مين انت يا ابو فرح اصوم اصوم وافطر على بصله ادى الى ناجص اخدك انت
محمدين :ليه يا سعديه هو انا بصله
سعديه : ايوه وبصله مصننه كمان ووبشراشير طويله وهبله ومعفنه وريحتها وحشه كمان
محمدين : عيب كده يا سعديه تشكرى يا بت عمى بس اعملى حسابك مش هتاخدى غيرى انا
الحج سليمان ابو سعديه اعد مش عاجبه الوضع
الحج سليمان : انتى يا بت مش هتاخدى غير ابن عمك اخرسى مش هتاخدى غير محمدين
سعديه : ومالك يابا فرحان جوى كده وانت بتجول محمدين على اساس ان الدوبل مش محمد واحد اتنين فى بعض ولا على اساس انه رئيس الوزراء
الحج سليمان : انا جولتها كلمه وهشوف كلام مين الى هيمشى
وسابها وخرج هو ومحمدين واعدت هى ومامتها الست عطيات
الست عطيات :ايه يا سعديه التعليم خلاكى تعلى علينا يا بتى
سعديه :تعليم ايه ونيله ايه يا امه ده مش بيعرف الالف من كوز الدوره ولا حتى بيعرف يكتب اسمه
الست عطيات :ده ابن عمك وعارك يا بتى
سعديه : على اساس ان انا الراجل وهو الست عارى وهعلمه ايه بس ياما علشان انا مش ناجصه وكرهت البلد من بوزه الفجرى ده الى شبه الشبشب المجلوب ولو كلمه تانى هسيب البلد وهمشى انهرده مش هبات فيها
الست عطيات :خلاص يا بتى انا سكت اهو بس انتى لازم تراجعى نفسك ربنا يهديكى
سعديه بقى اعدت هتموت ومش طايقه اى حد وبدأت تفكر
( محمدين مين ده الى هتجوزه انا كنت بقول محمد لا طلعلى محمدين واهو كمان محمد خطب البت ام سحلول الى اسمها جنى ربنا ياخدها وجنى يركبها ولا يعرفوا يطلعوه منها بس انا مش ممكن اوافج على ابو الفصاد ده ولا يمكن اتجوزه ادى الى ناجص اخد واحد جاهل وكمان فجرى وشه يجطع الخميره من البيت انا هجدى ايامى دى على خير وعلى ما تاجى الاجازه اكون لجيت حل والاجازة خلصت وراحت مصر تانى..........

الطيرالحزين كتب:: جامد ياعم المخرج
بس انا عاوز اعرف حاجه ممكن
؟؟؟؟؟؟؟؟؟؟؟؟؟؟؟؟؟

اتفضل...

الحلقه السابعة عشر

دى بقاااااااااااااا المفجأه هههههههههه

صوره سعديه فى الاستايل الجديد

[ندعوك للتسجيل في المنتدى أو التعريف بنفسك لمعاينة هذه الصورة]

اول اما دخلت سعديه الجامعه قابلت ميدو ميدو بيبصلها وبيشبه هى دى سعديه ولا لا
سعديه : صباح الخير يا محمد
ميدو : انتى سعديه صح
سعديه : ايوه سعديه يا ولا امال خيالها ولا ايه ولا يكونش العفريت بتاعها
ميدو : ايه الى انتى عملتيه فى نفسك ده
سعديه : ماله يا ولا وحش ولا ايه
ميدو : وحش ايه ده انتى بقيتى قمر فى يوم وليله كده
سعديه : انا جمر من الاول بس انت الى ما بتشوفش
ميدو : ده انتى كنتى مدفونه فى كوم قش بس بجد بجد قمر
سعديه : خلاص يا ولا هتجعد تجول جمر كده للصبح ولا ايه المحاضرات هتخلص ومش هنحضر ولا وحده يلا نشوف البت ندى وندخل المحاضره
ميدو : اوك يلا بينا
راحوا طبعا خدوا ندى ودخلوا المحاضره وبعد اما خرجوا من المحاضره لقوا طبعا الهانم جنى مستنياهم فى الكافتريا ومحضرتش المحاضره
جنى : ازيكوا يا جماعه عاملين ايه
ميدو : الحمد لله انتى اتاخرتى ليه ومحضرتيش المحاضره
جنى : معلش راحت عليا نومه بقى لانى كنت سهرانه
سعديه : هو انتى فالحه غير فى كده
جنى : بتبص اوى لسعديه
هى مين دى
سعديه : ايه يا بت مش عارفه مين دى انتى انتصيتى فى نظرك
جنى : سعديه مش معقول ايه الى عمل فيكى كده يابنتى ده مش استايلك ليه تلبسى حاجه مش ليكى
سعديه : شكلك كده موتك على يدى وجولتهالك الف مره مش احسن من الى انتى لبساه يا ام سحلول
ميدو : ليه يا جنى دى سعديه بجد بقت قمر بقت عسوله اوى
ندى : طبعا سعديه قمر من الاول بس هو تغيير بسيط
سعديه : اصل يا بتى همه مش بيشوفوا مش بيهتموا غير بالمظاهر وانا حبيت اثبتلهم انى احسن منهم بس بردو باحترامى
ميدو : طبعا يا سعديه بجد انتى قمر من غير حاجه
جنى : طبعا متنرفزه اوى من ميدو
ومالك كده بتقول قمر وانت بتبصلها اوى كده ليه تكونش معجب بيها
ميدو : ايه يا جنى الى بتقوليه ده اعقلى
جنى : لا مش هعقل وعندك سعديه اشبع بيها
سعديه : ايه يشبع بيها دى على اساس انى ساندوتش ولا برتوجاله انتى عيله معفنه وانا سيبالك المكان بالى فيه علشان مش ارتكب جنايه
ندى : ميدو روح صالح جنى بقى وانا هروح ورى سعديه اشوفها رايحه فين
ميدو : اوك قولى لسعديه متزعلش
ندى جريت ورى سعديه
ندى : سعديه استنى
سعديه : مش هستنى ولا حاجه
ندى : بت استنى شفتى الى حصل شكله الاخ وقع على جدور رقابته
سعديه : جدور ايه وعيدان ايه ده مش بيهمه غير المظاهر انا عايزاه يحبنى لشخصى لسعديه نفسها مش لشكلها
ندى : اصبرى يا ستى وحده وحده واحنا اهم حاجه دخلنا من الباب الى بيهتم بيه وبعد كده هنخليه يحب سعديه لشخصها
طيب اما نشوف
واثناء الحوار ميدو جه هو وجنى
ميدو : يا جماعه انا عازمكوا بعد بكره عيد ميلادى
طبعا هتيجوا كلكوا الى مش هيجى هزعل
سعديه : انا مش هروح عند حد ولا عيد ميلاد ولا اى حاجه انا هزاكر عليا امتحانات
ندى : يعنى انتى عليكى امتحانات واحنا لا تعالى معانى مش هتخسرى حاجه
سعديه : انا مش مستعده لكده
ندى : يا بنتى بكره الجمعه ويوم السبت هاجى اقضى اليوم كله معاكى ونروح انا وانتى عيد الميلاد سوى ويمكن يتغير حاجه افهمى بقى
ندى : ميدو خلاص ان شاء الله احنا جايين
ميدو : خلاص اوك بس لو مش جيتوا هزعل
وقضوا اليوم وخلصوا محاضراتهم ورواحوا وجه يوم الجمعه الى سعديه اعدت تفكر فيه طول اليوم يا ترى هتعمل ايه بكره وهتلبس ايه وهتتصرف ازاى وكان يوم طويل من التفكير وجه يوم السبت ندى اتصلت بسعديه وقالتلها انا جايه علشان يجهزوا لعيد الميلاد

كمل يا مان

مشكوووووووووووووور يلا كمل

مشكور كتير تسلم الايادى

كمل ومتتاخرش علينا فى كتابة الحلقات

كريم انت ليه وقفة حلقة مسلسل سعدية و ميدو انت مش قولة انهم 25 حلقة انت مذعتش غير 17 حلقة انا عندى فضول اعرف بقيت المسلسل

كمل يا كرييييييييييييييييييييييييييييييييييييم اخلص يلا

[ندعوك للتسجيل في المنتدى أو التعريف بنفسك لمعاينة هذه الصورة] الحلقه الثامنةعشر [ندعوك للتسجيل في المنتدى أو التعريف بنفسك لمعاينة هذه الصورة]

وصلت ندى عند سعديه واعدوا يتكلموا يا ترى هنلبس ايه
ندى : يا بنتى احنا هنلبس فساتين سواريه لان عيد الميلاد هيبقى باليل ومش هينفع اى لبس كاجول
سعديه : انتى يا بت يا هبابه فساتين ايه العريانه دى الى انتى جيباها لا انا مش هلبسها
ندى :يا سعديه قفليه محجب
سعديه : بردو لا ده مشخلع ياختى
ندى : طيب بصى البسى جربى ولو مش عجبك بلاش منه
ندى لبست سعديه الفستان وقفلتهولها محجب وكانت جميله اوى وفعلا اقتنعت سعديه بيه ولبسوا وجهزوا

صوره سعديه وندى

[ندعوك للتسجيل في المنتدى أو التعريف بنفسك لمعاينة هذه الصورة]

ونزلوا اشتروا طبعا الهدايا وراحوا عيد الميلاد سعديه طبعا داخله وهى مكسوفه اوى ومش عارفه تتحرك قابلهم ميدو

صوره ميدو

[ندعوك للتسجيل في المنتدى أو التعريف بنفسك لمعاينة هذه الصورة]

ميدو : اهلا يا جماعه نورتوا والله
ندى : كل سنه وانت طيب يا ميدو
سعديه :كل سنه وانت طيب
ميدو :وانتوا طيبين بس بجد انتوا قمر انهرده
سعديه : شوفى كل مره يجول جمر انهرده على اساس اننا نجوم الايام الى فاتت
ميدو :هههههههه بجد يا سعديه انتى بقيتى قمر الفستان هينطق عليكى
سعديه : شكرا يا محمد
اثناء الحوار حضرت الانسه جنى من داخل الحفله

صوره جنى

[ندعوك للتسجيل في المنتدى أو التعريف بنفسك لمعاينة هذه الصورة]

سعديه : الحجى يا بت يا ندى شوفى البت جنى دى لابسه ايه
ندى : ماهى طول عمرها بتلبس كده مش جديد عليها
سعديه :بس شوفى ضهرها عامل ازاى مش عارفه ايه مزاجها الزباله دى فى انها تبين جسمها
ندى : هههههههه خلاص ياسعديه احنا ملناش دعوه
وجات جنى
جنى : اهلا يا جماعه نورتوا ايه الحاجات الحلوه دى
ندى : ميرسى يا جنى
سعديه : فى سرها ( بترحب بينا على اساس انها صحبت الحفله )
اتفضل يا ميدو وكل سنه وانت طيب
ادت سعديه ميدو الهديه وكمان ندى جنى مسكت هديه سعديه واعدت تبص فيها
جنى : هى ايه دى تلاقيها هديه ب 2 ونص من السوق
سعديه : يا مسهل يا رب انا ماسكه اعصابى بالعافيه علشان متوترش عليكى واحنا فى بيوت الناس ربنا يهدك هده جويه وياخد اجلك جادر يا كريم
ندى : سعديه متروديش عليها خليكى انتى احسن منها
ميدو : كفايه يا جنى انتى زودتيها اوى بصراحه انتى بقيتى مستفزه اوى احترمى ضيوفى بقى
جنى : ماشى عموما كلامنا مش دلوقتى
المهم الحفله بدأت وكان عيد ميلاد جميل اوى لكن جنى واخده ركن لوحدها فى البلكونه واعده ميدو دخل علشان يصالحها لقاها بتتكلم فى التليفون فسمعها بتكلم واحد
جنى : ايوه بجد انا مكنتش فاكراك امور ودمك خفيف اوى كده انا لو اعرف انك انت كده من الاول مكنتش اتخطبت لميدو وكنت حبيتك انت بس على فكره لسه فيه فرصه
لالالالالالالالا ميدو ده مكنتش اتوقع انه كده ده فلاح بيهتم ببنات فلاحه زيه
ميدو ده مش استايلى خالص انا كنت غلطانه
متخافش انا هحاول اخلع منه
معلش بقى يا بيبى انا هقفل دلوقتى وابقى اكلمك اما اروح
علشان محدش يعرف حاجه
يلا بقى باى
ميدو بقى سمع كل الكلام وهو ماسك اعصابه بالعافيه
ياتري ايه اللي هيحصل؟؟؟؟؟

[ندعوك للتسجيل في المنتدى أو التعريف بنفسك لمعاينة هذه الصورة] أنتــــــــــظرونـــــي [ندعوك للتسجيل في المنتدى أو التعريف بنفسك لمعاينة هذه الصورة]

كمل يا كريم الحلقة اللي بعديها

يلا مستنيينك

كمل يا كريم احنا منتظرين بقيت الحلقات

الحلقه التاسعة عشر

ميدو : ايه كنتى بتكلمى مين يا جنى
جنى : لا مفيش يا ميدو دى وحده صحبتى
ميدو : مين دى انا اعرف كل صحباتك
جنى : وحده وخلاص انت لازم تعرفها
ميدو : انتى كنتى بتكلمى شاب صح
جنى : انت مالك شىء مش يخصك
ميدو : يعنى ايه مش يخصنى
انتى نسيتى نفسك ولا ايه انا خطيبك
جنى : الخطوبه ممكن تنتهى عادى اتفضل دبلتك
جنى رمت الدبله فى وش ميدو وطلعت تجرى روحت
ندى وسعديه لا حظوا كده راحوا يشوفوا حصل ايه
ندى : ميدو فيه ايه
ميدو : مفيش الزباله الخاينه هى متستاهلش اصلا انى افكر فيها مفيش يلا نخلص عيد الميلاد علشان محدش يلاحظ حاجه بعدين ابقى افهمكوا
دخلوا طبعا والحفله خلصت بس ميدو طبعا فى مركز فى اى حاجه
تانى يوم راحوا الجامعه ملقوش ميدو ولا جنى
كل يوم على كده لمده اسبوع
ندى فكرت هى وسعديه انهم يروحوا يزوروا ميدو يعرفوا الحكايه وفعلا فى اجازه نهايه الاسبوع راحت ندى وسعديه يزورا ميدو
مامت ميدو رحبت بيهم وندهتلهم ميدو طبعا حالته زفت خالص ومش فى المود
ندى :ايه يا ميدو مالك كده
ميدو : مفيش يا ندى الخاينه لقيتها بتعرف واحد غيرى وبتكلمه
طبعا ميدو حكالهم الى حصل
سعديه : ايه يا ولا دور الدراما ده الى انت عايش فيه وعاملى فيها فيلم درامى ولا مجتل هنادى هى اصلا متستاهلش جوم كده وركز فى كليتك ومزاكرتاك الامتحانات بعد اسبوع ولازم تزاكر وتشوف مستجبلك
ندى : فعلا كلام سعديه صح هى اصلا متستاهلش وحده فكرت فى حد تانى يبقى متستاهلش وهى الخسرانه
سعديه : ايوه وكمان تغنيلها هانى شاكر انما انتى هتخسرى
جوم يلا وبطل الهبل ده
ميدو : ده انا معرفش اى حاجه فى المنهج بتاعنا ولا اى كلمه هدخل الامتحان ازاى
سعديه : انا هعرفك يلا هكسب فيك ثواب بعد المحاضرات نجعد ساعتين فى المكتبه واعرفك الحاجات المهمه ونزاكر سوى
ندى : يلا ياعم حد لاقى صعيديه زى القمر كده تعرفه وتزاكرله
ميدو : انا مش عارف اشكركوا ازاى بجد انتوا احسن اصدقاء شفتهم فى حياتى
وطبعا الاستاذ ميدو بدأيمارس حياته بشكل طبيعى وسعديه بدات تزاكرله ووقفت جمبه وكان اجمل اسبوع وبدأت الامتحانات ودخلوا اول يوم
ميدو : انا خايف
سعديه : جول يا رب ومتخافش ان شاء الله الامتحان سهل
دخلوا اللجنه ومن حسن الحظ ندى وسعديه وجنى وميدو فى لجنه وحده ازاى محدش يسالنى
ههههههههههههههه
بدأ الامتحان وكلهم بدأ يحلوا وواضح ان الامتحان سهل بس الهانم جنى طبعا اعده مش فاهمه حاجه ولا عارفه تحل ولا كلمه جنى ندهت على سعديه
جنى : سعديه ممكن تقوليلى السؤال الاول
سعديه : طبعا بصوتها كله
لالالالالالالا انا مش بغشش حد بصى فى ورجتك يا ختى
طبعا المراقب جه وسالها فيه ايه
سعديه : عايزه تخلينى اغششها
المراقب طبعا خد الورق من جنى وطردها بره
بعد نص ساعه ندة عليها ميدو
ميدو : سعديه السؤال الاخير ده ايه اجبارى ولا اختيارى
سعديه : يادى الوجعه المهببه الزفت التانى عايز يغش ده انا جايلاله السؤال ده الف مره بس انا بحبه مجدرش اضره
بص يا ولا بص جدامك حل الى تحله مش هغششك من غشنا فى ليس منا واحترم نفسك بجى
ميدو : هههههههههه طيب اوك مش هغش انا خلصت اصلا
طبعا خلصت الامتحانات كلها وكانت اجمل ايام قضوها سوى وكان فاضل اسبوع على النتيجه سعديه قررت انها تقضى الاجازه هى وميدو و ندى وتنزل بعد اما النتيجه تظهر بلدهم فى الصعيد
ونشوف بقى الحلقه الجايه حصل ايه فى الاجازه دى
***************
*********
*****
**
*

يا تره ايه اللى حصل كمل يا كريم خلينا نعرف انا متشوقة اعرف اللى حصل

يلا كمل اخلص بسرررررررررررررررررررررررررعة

اكمل يا برنس

يلاااااااااااااااااااااااااااااااااااااااااااااااااااا كمل

مشكووووووووووووووووووووووووووووووووور

*الحلقه [ندعوك للتسجيل في المنتدى أو التعريف بنفسك لمعاينة هذه الصورة] العشرون*

وفى الاجازه كان اجمل اسبوع راحوا الاهرامات وركبوا الجمال واتصوروا هناك وراحوا القلعه وزاروا حدائق كتير وراحو سينما ومسرح واماكن جميله جدا وفى اخر يوم كانوا اعدين فى نادى وبيتكلموا فجأه ندى قالت انها رايحه تجيب حاجه واعدت سعديه هى وميدو يتكلموا فجأه ميدو بص لسعديه اوى
سعديه : مالك يا ولا بتبصلى ليه جوى كده انت هتاخدلى صوره ولا ايه
طيب استنى اما اظبط نفسى علشان تطلع حلوه
ميدو : انت حلوه من غير ما تظبطى حاجه
سعديه : وىوىوىوى اعتبر ده غزل ولا ايه انت بتغازلنى يا منيل
ميدو : ومغازلكش ليه انتى الوحيده الى تستحقى كده
سعديه :ازاى يا ولا مش فهماك
ميدو : سعديه انا بجد حسيت انى غلطان الفتره الى فاتت دى كلها وانى كنت مغفل اما بصيت لجنى دى وفكرت فيها
سعديه : اينعم الاعتراف بالحج فضيله يا منيل
ميدو : ههههه لا بجد انا فعلا اكتشفت ان الوحيده الى تستحق حبى ده هى انسانه وحده وقفت جمبى وساعدتنى ومتخليتش عنى هى بجد لو اعدت طول عمرى احبها مش هوفيها حقها
سعديه : انا عرفتها اكيد الست الوالده ايوه لازم نحب ابونا وامنا ونخلصلهم
ميدو : لا يا سعديه انتى فاهمه انا بتكلم عن مين
سعديه الانسانه دى هى انتى
سعديه : انا ايه يلا يادى النيله
ميدو : انا بحبك انتى بجد
سعديه فى سرها اخيرا ابو الهول نطج ازغرتله ده ولا اعمله ايه
انت بتجول ايه بتحبنى انا ازاى
سعديه : زى الناس بجد انا عمرى ما شفت الطيبه دى ولا الروح الحلوه وكمان جدعه بجد ومحترمه انا عشت طول حياتى عمرى ما هلاقى زيك
سعديه : بس يا ولا انا كده ممكن اتغر ومش اشوف حد جدامى بعد كده
ميدو : لا هى دى الحقيقه بس انا عايز اعرف شعورك انتى من ناحيتى ايه
سعدية كل ده ومعرفتش متفهم يا منيل امال انا عملت معاك كل ده ليه
ميدو : يعنى افهم من كده انك بتحبينى
سعديه : ما بلاش احراج بجى ايوه بحبك خلاص
ميدو طبعا سعيد جدا وكمان سعديه جات ندى وقالولها على الى حصل وانهم اعترفوا لبعض انهم بيحبوا بعض وانا بكره بعد النتيجه هيشوفوا هيعملوا ايه
تانى يوم راحوا يشوفوا النتيجه طبعا التلاته نجحوا وبتقديرات كويسه جدا لكن جنى طبعا لا وبعد اما شافوا النتيجه راحوا اعدوا فى الكافتريا شويه قبل اما سعديه تسافر
ميدو : سعديه انا دلوقتى عايز اروح اخطبك انا ممكن اسافر معاكى
سعديه : لا متتتسرعش كده استنى انا امهدلهم الموضوع الاول
ميدو : ليه همه ممكن يرفضونى
سعديه : مش حكايه يرفضوك انت همه عايزين يجوزونى ابن عمى محمدين وراسهم والف جزمه جديمه ما اخدش غيره
ميدو : لا انا هروح واكلم اهلك واقنعهم
ندى : بص يا ميدو سيبها هى تمهد الموضوع الاول والاهم اننا نخلص من الاستاذ محمدين ده وبعد كده انت تروح تخطب سعديه من غير مشاكل
سعديه : والى لازم افكر فيه دلوجتى هو حاجه وحده ازاى اخلص من محمدين واخليه ينشغل باى حد او يحب اى حد غيرى
ميدو : خلاص انا موافق بس لو معرفتيش تتصرفى اتصلى بيا او بندى واحنا هنحاول نتصرف
سعديه : ايوه انا جبت موبيل علشان اكلمكوا واجلكوا الاخبار اول باول وان شاء الله خير
وبعد اما خلصوا كلام سعديه راحت عند بيت عمها وخدت شنطتها وسلمت عليهم وكان مستنيها تحت ميدو وندى ووصلوها لغايه المحطه ووصلت سعديه البلد بالسلامه تعالوا نشوف حصل ايه
الحلقه الحادية والعشرون

اول اما وصلت سعديه البلد وراحت على بيتهم كل واحد يشوفها فى طريقها يبصلها اوى والستات بردو بس مش بيكلموها سعديه مستغربه اوى همه مالهم كده فا ماشيه بتكلم نفسها
سعديه : يادى النيله همه اهل البلد مالهم كده تكونش دماغهم ضربت ولا حاجه لالالالالالالا ده اكيد مش عارفينى بس انا متغيرتش جوى يعنى دى كلها شويه هدوم بس يلا معلش مسيرهم يتعودوا على شكلى كده
وصلت سعديه بيت اهلها وسلمت عليهم لكن كلهم اما شفوها كانوا مندهشين اوى
ام سعديه : انتى يا بتى ايه الى انتى عملتيه فى نفسك ده ايه الاوبهه دى كلها
سعديه : حلو يا امى ده عجبك
ام سعديه : ايوه يا بتى بجيتى حلوه جوى استنى اما ابخرك احسن حد يحسدك
ابو سعديه : يحسدوها على ايه يا وليه على المسخره الى هى عملاها دى
سعديه : مسخره ايه يابا انت شايفنى لابسه المحزج والملزج ده لبس محترم وكمان مش مكشوف ومحترم جوى
ابو سعديه : وليه غيرتى هدمتك يا بتى لبسك كان ماله
سعديه : يابا لازم كده علشان الجامعه والطلبه الى فيها محدش يشوفنى اجل منه
ابو سعديه : عموما احنا خلصنا من الموضوع ده بس اعملى حسابك الخميس الى جاى فاتحتك على ابن عمك محمدين
سعديه : يا ابا مش انا جلتلك محمدين ده مينفعنيش ده مش متعلم وميعرفش الالف من كوز الدوره اتجوزه ازاى مينفعش يابا
ابو سعديه : انا جولتها كلمه ولو رسيت على جتلك حتى
سعديه طبعا زعلت اوى ودخلت اوضتها وقفلت على نفسها واتصلت بميدو وقالتله وكمان اتصلت بندى اعدوا يفكروا همه التلاته لغايه اما ندى وصلت لحل وقالته لسعديه
ندى : سعديه بصى هو محمدين معاه موبيل
سعديه : لا يا بت مش معاه
ندى : طيب بصى انا هبعتلك موبيل بالخط بتاعه واديه لمحمدين على اساس انه هديه وانا هشغلهولك هخليه يجى يقلك مش عايزك
سعديه : يخرب بيتك والله فكره جنان وكمان ده واد اهطل كده وهيصدج على طول بس يا رب تجدرى تعملى حاجه
ندى : متخافيش انا على ما يجى الخميس اكون ظبطلك كل حاجه بكره الموبيل هيكون عندك
ندى طبعا بعتت الموبيل لسعديه سعديه اما جه محمدين ابن عمها
اعدت اتكلمت معاه وادته الموبيل
محمدين : ازيك يا سعديه منوره البلد
سعديه : ربنا يخليك يا ابن عمى ده نورك
محمدين : امال ايه الاوبهه الى انتى فيها دى كلها
سعديه : ايه عجبك
محمدين : ايوه جوى جوى يا بت عمى
سعديه : محمدين انا جبتلك هديه حلوه جوى معايا يا رب تعجبك
محمدين : هديه ليا انا
سعديه : ايوه ليك انت ايه رايك فى التليفون ده موبيل
محمدين : اه محمول عارفه ربنا يخليك يا بت عمى
سعديه طبعا عرفت محمدين يشغله ازاى وكده
وبعدها بيوم اتصلت بندى وقالتلها ان التليفون خلاص بقى مع محمدين اتصلت ندى بمحمدين
ندى : الو
محمدين : الو ايوه مين انت
ندى : انا وحده
محمدين : وحده مين يوه ده انتى صوتك حلو جوى
ندى : وحده معجبه بيك ونفسها كمان انت تعجب بيها
سعديه : معجبه فيه ازاى وانتى تعرفينى منين
ندى : انا اعرفك كويس وشفتك كتير قبل كده واول ما انت جبت تليفون انا اخدت رقمك علشان اكلمك واقولك انى بحبك
محمدين : يا بووووووووى بتحبينى انا
ندى : ايوه وكمان عايزه اتجوزك
محمدين : ايو بس انا هتجوز سعديه بنت عمى دى بجت حلوه جوى
ندى : امال لو شفتنى انا هتعمل ايه سعديه دى بالنسبالى وحشه اوى انا هبعتلك صورتى على الموبيل وقلى رايك ايه
بعتت ندى صوره ممثله اجنبيه لمحمدين محمدين طبعا شافها مصدقش نفسه وكان فرحان اوى ان وحدهزى دى تحبه وعايزه تتجوزه وفضلت ندى تكلم محمدين كل يوم لغايه ما خلاص دماغه مبقتش تفكر غير فى الانسانه الى بتكلمه ونسى سعديه اصلا وجه يوم الاربع الى هو بكره قرايه فاتحه سعديه ومحمدين
و كده انا خلصت لغايه الحلقه 21 و بكده يبقى باقي 4 حلقات بس هحطهم الاسبوع الجاي
بس عاوز ردود حلوة عشان احطهم
و ان شاء الله بعد ما يخلص المسلسل ده هعمل موضوع جديد و مسلسل جديد احلى منه و ان شاء الله هيعجبكوا زي المسلسل ده بس يللا شجعوني عشان اعملكوا مسلسلات كتير
انا عندي حوالي 8 مسلسلات هعملهملكوا كلهم باذن الله بس نخلص الاول سعديه و ميدو
يللا بقى باااااي مع ال4 حلقات الاخيرة

يلا يا كييييييييييييييييييييييييييييييييييييييييييييييييييييييييييييييييييييييمو كمل المسلسل بسررررررررررررررررررررررررررررررررررررررررررررررعة

يلااااااااااااااااااااااااااايا كريم كمل يا مان

يلاااااااااااااااااااااااااااااااااااااااااااااااااااااااااااااااااااااااااااا بسرعه

كمل

المسلسل حلو كتير مشكور كتير تسلم الايادى

احنا كمان منتظرين منك المزيد من المسلسلات ومنتظرين كمان باقى ال4 حلقات

مشـــــــــــــــــكور كتـــــــــــــــــــــــير تســـــــــــــــلم

احلى مسا على الناس الكويسه

النهارده اليوم المنتظر من الجميع يوم ال 3 حلقات الاخيرة من المسلسل الجامد جدا

سعديه و ميدو

الحلقه 22

ندى كلمت محمدين فى التليفون يوم الاربع طبعا محمدين قالها ان بكره قرايه فاتحته على بنت عمه سعديه

محمدين: انا بكره هجرى الفاتحه على بنت عمى سعديه

ندى : ازاى يا محمدين انت بتحب مين انا ولا هى

محمدين : لا انا بحبك انتى بس جوليلى اعمل ايه

ندى: بص تروح لعمك كده وبكل شجاعه تقله انا مش عايز اتجوز بنتك انا بحب وحده تانى

محمدين : بس عمى كده هيزعل منى

ندى : لا مش هيزعل منك وحتى لو زعل كم يوم وتصالحه عادى وبعدين سعديه كتير

يتقدمولها وتتجوز اهم حاجه احنا مش نضيع من بعض يا حبيبى

محمدين : اه يا بوى جولى حبيبى كده تانى

ندى : حبيبى

محمدين : ده انا ازعل الناس كلاتها علشان الكلمه دى طيب اجفلى دلوجتى وانا هروح اجول لعمى

خرج طبعا محمدين من بيتهم وكله حماس وراح لعمه علشان يصارحه بالمفاجأه

محمدين : السلام عليكم ازيك ياعمى

ابو سعديه : اهلا يا محمدين وعليكم السلام يا ولدى منور الدار

محمدين : ربنا يخليك ياعمى

محمدين ساكت شويه ومش عارف يتكلم الى فتح الكلام عمه ابو سعديه

ابو سعديه : هتاجى بكره الساعه كم ان شاء الله علشان نعملوا حسابنا

محمدين : لا احنا مش هناجى بكره ياعمى

ابو سعديه : ليه يا ولدى كفا الله الشر حصل حاجه

محمدين : محصلش حاجه بس ياعمى متزعلش منى سعديه متنفعنيش

ابو سعديه : ايه الى بتجوله ده انت شارب حاجه يا واد ولا ايه

محمدين : ياعمى سعديه كويسه وكل حاجه بس هى مش ليه

ابو سعديه : وعرفت امتى الحديت ده اشمعنى دلوجتى جاى تجوله

محمدين : معلش ياعمى انا بحب وحده تانيه ومجدرش اسيبها يا بوى

ابو سعديه : ايوه كده جول انك شفتلك شوفه تانيه بركه يا جامع

والله البت مكانتش موافجه وانا الى غاصب عليها انت الى زيك ميستاهلش النعمه

يلا اخرج بره وانت لا ابن اخوى ولا اعرفك اخوى مات وخلاص على كده يلا بالسلامه بره

محمدين : انا خارج يا عمى بس مسيرك تعرف ان الى انا عملته ده هو الصح

ومش هتزعل منى انا ميرضينيش زعلك

ومشى محمدين لكن كان حاسس بالزنب وابو سعديه زعلان اوى اتكلمت سعديه مع ابوها

سعديه : يابا متزعلش انا مكنتش عايزاه ده مينفعنيش انت الى كان لازم يناسبك

واحد متعلم شخصيه كويسه له مركز كبير ومتزعلش منه هو مهما كان ابن اخوك

وانا فرحانه بصراحه علشان حصل كده هدت سعديه ابوها وحاولت تصلح الموقف بينه

وبين محمدين لانها هى السبب طبعا

اتصلت سعديه بندى وميدو وقالتلهم على الى حصل وكانوا فرحانين جدا بس سعديه

قالت لندى انها تفضل تكلم محمدين عادى لغايه ابوها ما يوافق على ميدو وتتخطبله

وفعلا ندى نفزت الكلام ده واتفقت سعديه هى وميدو عبلى

اليوم الى جاى يخطبها فيه وقالت ان هى هتفاتح ابوها فى الموضوع وتمهدله شويه

بعد كم يوم اعدت سعديه تتكلم مع ابوها

سعديه : يابا لو جالى عريس من مصر توافج

ابو سعديه : وليه الغربه دى يا بتى

سعديه : غربه ايه يابا ماهو عمى هناك ومصر جريبه مش بعيده جوى يعنى

ابو سعديه : اهم حاجه يكون ابن ناس ومحترم يا بتى

سعديه : انا اجولك يابا فيه واحد زميلى فى الجامعه شافنى واعجب بيا وجالى انه عايز يخطبنى

ابو سعديه : اوعى تكونى مشيت معاه يا سعديه يبجى اخر يوم فى عمرك

سعديه : مشيت ايه يابا ده مكلمنيش انا ده كلم وحده صحبتى انا مكلمتوش خالص

ابو سعديه : اذا كان كده كويس جوى ياجى ونشوف حكايته ايه

وطبعا سعديه منتظره اليوم ده الى هنشوف هيحصل فيه ايه
الحلقه 23

وجه اليوم المنتظر اليوم الى جاى ميدو يخطب فيه سعديه

دخل ميدو وسلم على ابو سعديه واعد معاه يتكلم

ميدو : ازيك يا عمى اخبارك ايه

ابو سعديه : الحمد لله يا ولدى بخير وانت صحه الوالد عامله ايه

ميدو : الحمد لله تمام

ابو سعديه : امال هو مجاش معاك ليه ينورنا

ميدو : معلش انا قلت اجى انا الاول وبعد كده بابا يجى اما اعرف رايى حضرتك

ابو سعديه : خير يا ولدى ان شاء الله سعديه حكتلى وجالتلى انك انت رايدها وعايز تخطبها

ميدو : ايوه يا عمى وده شىء يشرفنى طبعا انى اطلب منك ايد سعديه

ابو سعديه : ربنا يخليك يا ولدى بس جلى الاول انت بتشتغل ايه

ميدو : ياعمى انا ليه شركه كبيره باسمى بس انا متابعها بس علشان الدراسه

ابو سعديه : يعنى انت لسه طالب مينفعش يا ولدى وبعدين الشركه دى بتاعت ابوك

ميدو : لا ياعمى الشركه دى بتاعتى انا وباسمى انا منكرش ان بابا هو الى عملهالى

علشان مطلبش منه حاجه ياعمى انا منكرش انى كنت مستهتر لكن اما عرفت سعديه

احترمتها جدا وحبيت اسبتلها انى حاجه والحمد لله الدراسه انا ماشى فيها كويس

والشركه من دلوقتى همسك الاداره بتاعتها ولازم اثبت ليكوا كلكوا ان استاهل سعديه

ابو سعديه : كل ده كلا جميل جوى يا ولدى ويطمن بس انا بردو خايف على بتى

وخايف تتعب فى يوم من الايام

ميدو : ياعمى انا بحب سعديه وشاريها انا شفت فيها البنت المحترمه الى قادره تحافظ على نفسها

حتى لو كانت وسط الف شاب وده الى شجعنى انا اجى واطلب ايدها ويا ريت ياعمى توافق

ابو سعديه : والله يا بنى انا مصدجك بس تعاهدنى جودام ربنا انك انت تحافظ عليها وتصونها

ويوم ما تعرف ان العيشه معاها بجت صعبه تسيبها بالمعروف من غير ما تضرها ولا تهينها

ميدو : وانا اعهدك قدام ربنا ان سعديه فى عنيا لتنين وان احافظ عليها زى عنيا وعمرى ما هزعلها

ابو سعديه : خلاص على خيره الله يا ولدى

ميدو : نقرى الفاتحه بقى

ابو سعديه : لا يا ولدى الفاتحه دى اجراها مع ابوك انت تروح تجيبه وتاجى نجرى الفاتحه ونتفج على كل حاجه

ميدو : خلاص يا عمى الخميس الجاى ان شاء الله نكون عندك ونقرى الفاتحه استانك انا بقى السلام عليكم

ابو سعديه : لا يا ولدى لازم تاخد واجبك الاول والله ما تمشى امال فين كرم الضيافه خد

واجبك الاول بعدين امشى اتفضل اجعد

اعد ميدو طبعا وهو الفرحه مش سايعاه وسعديه كمان فرحانه جدا وخد احلى واجب

وبعد كده مشى علشان يقول لباباه علشان يجى يقرى الفاتحه

وصل ميدو بيتهم ومتحمس اوى يفتح الموضوع مع باباه

ميدو : السلام عليكم ماما فين بابا

مامت ميدو : بابا فى المكتب

ميدو : اوكى انا داخله

دخل ميدو لباباه

ميدو : بابا ازيك

ابو ميدو : اهلا يا ميدو تعالى

ميدو : بابا انا عايز افاتحك فى موضوع

ابو ميدو : اتفضل يا بنى انا سامعك

ميدو : انا عايز اخطب يا بابا

ابو ميدو : مين دى يا بنى سعيده الحظ

ميدو : وحده صحبتى فى الجامعه بس هى مش من هنا يابابا من الصعيد بس بنت محترمه جدا وكويسه اوى

ابو ميدو : ياه من الصعيد وليه كده يا ميدو بنات القاهره كلها مش عاجباك

ميدو : يا بابا دى بنت محترمه جدا بصراحه عمرى ما عرفت زيها والله انا بحبها عمرى ما تجرأت

امسك ايدها من احترامها لنفسها واما تعرفها هتحبها اوى

ابو ميدو : خلاص يابنى واحنا مش عايزين غير كده طيب انت اتكلمت مع اهلها

ميدو : ايوه اتكلمت مع باباها ووافق بس رفض يقرى الفاتحه غير اما انت تحضر وتكون موجود

ابو ميدو : لا واضح ان همه ناس يعرفوا الاصول وناس محترمه فعلا خلاص حدد معاهم معاد ونروح انا وانت

ميدو : خلاص يا بابا يوم الخميس الجاى

ابو ميدو : خلاص على خيره الله

طبعا ميدو الفرحه مش سايعاه سمعت الكلام مامت ميدو

مامت ميدو : ميدو انت بتقول ايه هتاخد وحده فلاحه انت مجنون

ميدو : ماما دى مش فلاحه دى احسن من اى وحده انا اعرفها ومش هتجوز غيرها وبلاش تقفى فى طريق سعادتى

مامت ميدو : واضح انك اتجننت خلاص

ميدو : يا ماما شوفيها الاول وبعدين قررى

ابو ميدو : دى حياته وهو حر فيها انتى مش هتعيشى معاه انتى تقولى مبروك وخلاص

مامت ميدو : هو حر انا مليش دعوه

ميدو : يا حبيبتى دى من ناس كويسه جدا وعيله كبيره اوى وهى البنت محترمه جدا

واموره اوى هتشوفيها وتحبيها اوى

ابو ميدو : خلاص يا بنى اتصل بالناس وقلهم جايين ان شاء الله يوم الخميس علشان قرايه الفاتحه
الاخيرة

وجه يوم الخميس وسافر ميدو وباباه ومامته واما وصلوا طبعا الناس رحبوا بيهم اوى

وسعديه قعدت مع مامت ميدو واعدت تتكلم معاها ومامت ميدو اعجبت بيها اوى وحبتها جدا

وقعد ابو سعديه وابو ميدو وميدو واتفقوا على كل حاجه وقروا الفاتحه واتفقوا على ان الفرح فى اجازه الصيف

وطبعا الزغاريط ملت البيت والفرحه ملت قلب ميدو وسعديه وكانوا فرحانين اوى

بس كان شرط الجواز ان ميدو وسعديه ينجحوا وبيتفوق وطبعا سعديه وميدو وعدوهم بكده

وقضوا يوم كان جميل جدا من اجمل ايام حياتهم ومشيوا وطبعا ندى اتصلت بسعديه

وعرفت منها الاخبار الجميل دى وفرحت جدا

ندى : خلاص انتى كده اطمنتى يا سعديه مبروك يا حبيبتى

سعديه : الله يبارك فيكى عقبالك

ندى : ميرسى ربنا يخليكى بصى بقى احنا لازم ننهى موضوع محمدين

سعديه : ايوه اتصرفى شوفى هتعملى ايه

ندى : انا هكسر الخط خالص وكمان الصوره الى بعتهالى دى بتاعت وحده اجنبيه يعنى الشخصيه الى بيحبها دى من الخيال وخلاص موضوع وانتهى

سعديه : تعرفى على كد منا فرحانه على كد ما انا صعبان عليا جوى

ندى : معلش بقى ربنا يسامحنا على الى عملناه وان شاء الله ربنا يرزقه بوحده كويسه

سعديه : ان شاء الله

وخلصت اجازه سعديه فى بيت اهلها وسافرت عند عمها

وبدا الدراسه وسعديه وميدو كانوا واخدين بالهم اوى من مزاكرتهم وكانوا عايشين ايام جميله اوى سوى مع بعض

وجنى كل اما تشوفهم مع بعض كانت بتموت من الحسره وبتندم الف مره على الى عملته

لكن سعديه راحت لها واعتذرتلها على الى حصل بينهم زمان وقالتلها متزعلش منها لان هى بتعصب بسرعه ومبتحبش حد ينرفزها وان احنا اخوات ومش ممكن نزعل من بعض ابدا

وجنى تقبلت ده وتقبلت اعتذارها وكمان سعديه عزمتها على الفرح وجنى وعدتها انها تيجى وبقوا اصحاب اوى

وجات طبعا ايام الامتحانات وامتحنوا وخلصوا وظهرت النتيجه ونجحوا بتفوق وحددوا معاد الفرح

وبدأت سعديه تجهز لاجمل ليله ليله العمر وكمان ميدو جهز اجمل شقه لاجمل سعديه

وندى استازنت من باباها وسافرت مع سعديه تقضى معاها الايام الى قبل الفرح علشان تجهز معاها

وعزموا كل زميلاتهم

وجه اجمل يوم يوم زفاف سعديه وميدو وطبعا كان فرح جميل جدا وليله من اجمل ليالى العمر

والمفاجاه ان جنى راحت الفرح وباركت لهم واعدت معاهم الفرح كله وكان يوم كله سعاده

وفى اخر السهره ميدو خد سعديه وسافروا يقضوا اجمل شهر عسل

وطبعا سعديه اختارت شرم الشيخ لان كان فيها زكريات جميله اوى ليهم

وبكده تكون انتهت حكايتنا ويا رب تكون عجبتكوا ومكونش طولت عليكوا

يلا اللى بعدو كريم

الف حمدلله عالسلامة كيمو

ونهايه سعيده ومتوقعه

يلا بقى مسلسل جديد

مشكور كتـــــــــــــــير يا كريم مسلسل حلو كتــــــــير

منتظرين منك مسلسل جديد تســـــــــــلم

مشكور كتـــــــــــــــير يا كريم ياعسل إنت
مسلسل حلو كتــــــــير في انتظار الجديد

» والله هتموتو من الضحك
» وميات سعديه الصعيديه وميدو الاستايل‏
» ميدو نت . مش هتقدر تغمض عنيك
» قصة تموت من الضحك
» انطلاقه اتمنى التثبيت