المسيو و الشباب
إهلا بيك زائرنا الكريم الرجاء التسجيل


منتدى المســــــــــــــــيو
 
الرئيسيةالرئيسية  التسجيلالتسجيل  دخولدخول  

شاطر | 
 

 قالها الوداع قلتله قشطه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Remo
صاحب مكان
avatar

عدد المساهمات : 1658
تاريخ التسجيل : 11/05/2009
العمر : 24

مُساهمةموضوع: قالها الوداع قلتله قشطه   الإثنين 29 يونيو 2009, 5:47 pm

*بعد ماعرفوا بعض بأسبوعين......

هو: أنا عايز اقولك على سر شلته فى قلبى سنين
هى: قول مالك؟
هو: أنا بحبك وانتى عمرى وبحلم بيكى كل ليلة 7 مرات ونص وبصحى على صوتك ياحياتى
هى: وأنا كمان ياحبيبى بحبك بقالى 3 شهور و5تيام و6ساعات وربع
هو: صحيح؟ يااااااااااه ...ده احلى يوم فى حياتى
هى: وأنا كمان..بس هنعمل ايه؟ واهلى واهلك والدنيا والناس؟
هو: هحبك وتحبينى ياعمرى وكفاية نبقى سوا
هى: طب ياحبيبى أنا بقول كده برضه بس مانطولش فى الحكاية ماشى؟

*فاتت سنة غرام وهيام وأحلى كلام.........

هى: احنا هنفضل كده كتير ياحبيبى واهلينا مايعرفوش؟
هو: ليه ياحبيبتى أنا بسش اظبط نفسى فى الشغل واجى اتقدملك على طوووووووول
هى: امتى بقى يحصل ده؟....يااااه ده أنا هبقى أحلى كركوبة فى الدنيا
هو: قريب ياحبيبتى قريب كلها 12 سنه بالكتير

*فاتت كمان سنة وهو ولا هنا وهى هتطق من الغيظ......

هى: حبيبى الحكاية طولت اوى احنا هنفضل كده كتير؟ -تعبت قلبى الله يحرقك-
هو: كده ازاى ياحبيبتى؟ مااحنا اشطه اهو وآخر تمام
هى: تمام ايه وهمام ايه؟ هو احنا هنفضل تحت شجرة الجرجير ومقضيينها عصير لمون؟
هو: تقصدى ايه ياروحى؟ اصبرى بكره يبقى عندنا بيت وأولاد
هى: ده عند أمه ياادهم ... أنا متقدملى عريس كويس وإذا مالحقتنيش هيخطفونى منك
هو: لاااااااااا ده أنا كنت ارمى نفسى من فوق المكتب الى فى الشغل...ده انا كنت اقطع شرايينى
هى: لأ انا مش عايزاك تعمل كده أنا هكلم بابا وماما وانت تاخد خطوة بقى

*أسبوع...اتنين...تلاته.تليفونه غير متاح...مابيردش ....وأما رد....

هى: انت فين مش لاقياك؟
هو: معلش تليفونى كان فاصل شحن وكنت بشحنه
هى: بقاله شهر فاصل شحن وبتشحنه؟! ليه انت كنت بتشحنه غاز؟
هو: خلصنا بقى..قصرى ..خير؟
هى: وهييجى منين الخير ياروحى وانت مانفذتش اللى اتفقنا عليه؟
هو: هو احنا اتفقنا على حاجه؟!
هى: نعم ياروح أمك؟ امال تقطيع شرايينك واوردتك وشرب مية النار ده كان ليه؟
هو: كنت مجنون وعقلت ياروحى..وخطبت البت ماهيتاب بنت عمى الجمعة اللى فاتت الساعة اتناشر وخمسه الضهر
هى: ياواطى ياندل....ماهيتاب؟!!!! طب وأنا؟
هو: ماتغلطيش بس وانسى الجرجير واللمون...انتى مش فاهمه حاجة
هى: انسى؟ ده اخر كلام عندك؟..اصلى مش ناوية افهم
هو: اه ياروحى...بس صدقينى انتى أكتر حاجة حبيتها فى حياتى حتى اكتر من المكرونه البشاميل...لكن أهلى قالولى إما ماهيتاب أو الطرد من البيت
هى: اوك..اشطه يامان...سى يو...باى

الخلاصة

- مابنى على باطل فهو باطل
- كلمة بحبك بقت اسهل كلمة بتتقال واسهل كلمة بتتنسى
التوقيع
الرجوع الى أعلى الصفحة اذهب الى الأسفل
القلب الطيب
عضو فعال
avatar

عدد المساهمات : 109
تاريخ التسجيل : 09/06/2009

مُساهمةموضوع: رد: قالها الوداع قلتله قشطه   الإثنين 29 يونيو 2009, 10:24 pm

على فكرة دى بنت إشطة خالص
هلهوطة أوى ومش وعية لنفسها
الرجوع الى أعلى الصفحة اذهب الى الأسفل
فرى مان
عضو فعال
avatar

عدد المساهمات : 55
تاريخ التسجيل : 03/06/2009
العمر : 27

مُساهمةموضوع: رد: قالها الوداع قلتله قشطه   الإثنين 29 يونيو 2009, 11:13 pm

قشطة
بس مش إشطة بالهبل
دى إشطة على الهبل
الرجوع الى أعلى الصفحة اذهب الى الأسفل
كيمو كونو
عضو فعال
avatar

عدد المساهمات : 68
تاريخ التسجيل : 30/06/2009

مُساهمةموضوع: رد: قالها الوداع قلتله قشطه   الثلاثاء 30 يونيو 2009, 3:20 pm

احلى ما فى القصة الخلاصةوالبنت دلوقتى مش بالسذاجة دى
الرجوع الى أعلى الصفحة اذهب الى الأسفل
الفارس
نجم المنتدى
avatar

عدد المساهمات : 3021
تاريخ التسجيل : 01/08/2009
العمر : 29
الموقع : www.youtube.com

مُساهمةموضوع: رد: قالها الوداع قلتله قشطه   السبت 01 أغسطس 2009, 10:21 pm

قشطه جدا و الديك بيدن
الرجوع الى أعلى الصفحة اذهب الى الأسفل
http://www.youtube.com
شموس
نجم المنتدى
avatar

عدد المساهمات : 5818
تاريخ التسجيل : 27/05/2009
العمر : 25
الموقع : avec mes rêves

مُساهمةموضوع: رد: قالها الوداع قلتله قشطه   الأربعاء 28 يوليو 2010, 12:54 pm

بنت تمام

*_*_*_*_*_*_*_*_*_*_*_*_*_*_*_*_*_*_*_*_*_*_*

Sad احيــــآناً . . نفقــــد أشخاص للأبــــد . .ليســــوا أمــــــوآتا .!
لــــكن . .
مـــآتت فيهم الصفـــآت القديمـــة التي .. آحببنـــــآها .. . Sad
الرجوع الى أعلى الصفحة اذهب الى الأسفل
بحر المودة
صاحب مكان
avatar

عدد المساهمات : 1351
تاريخ التسجيل : 10/12/2009
العمر : 24
الموقع : every where & every time beside you

مُساهمةموضوع: رد: قالها الوداع قلتله قشطه   الخميس 29 يوليو 2010, 6:19 pm

مشكورة علي القطة
الرجوع الى أعلى الصفحة اذهب الى الأسفل
ميدو 2008
عضو ماسى
avatar

عدد المساهمات : 831
تاريخ التسجيل : 17/04/2010

مُساهمةموضوع: رد: قالها الوداع قلتله قشطه   السبت 28 أغسطس 2010, 4:22 pm

الرجوع الى أعلى الصفحة اذهب الى الأسفل
 
قالها الوداع قلتله قشطه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
المسيو و الشباب :: الباب المفتوح :: على المصطبة-
انتقل الى: