ازاي تتأكد انك في مصـــــر؟؟

اكيد كل واحد فينا حاسس اوى بمصر الايام دى علشان موضوع الجزائر وكدة والظاهر كدة انى الواحد طلع وطنى جدا ومكنش يعرف
بس احنا لم نقوال على التصرفات السالبية اللى احنا بنقبلها فى حياتنا
اكيد علشان الناس تفوق شوية وتتغير وتبقى احسن لينا كلنا بس
اكيد لم توقف ساعة وانتين فى الطريق يبقى انت اكيد فى مصر
واكيد كمان لم تخش على اى موظف حتى لو بتاع شؤون الطلابة اللى فى الجامعة لزم يترسم ويحسسك انك بتكلم سكرتير الوزير ولا حاجة كدة يعنى كفاية كدة انهاردة علشان منروحش وراة الشمس
مونى موضوعك جميل اوى بجد دة اطول كومنت اكتبة فى حياتى

لما تلاقى ناس حاضرها هو ماضيها كل همها الكلام عن الماضى وعراقة الأجداد وعظمتهم.
لما تلاقى مسلمين من غير إسلام وتلاقى هم الناس كله توافه الأمور.
لما تلاقى شباب عايزين يهاجروا لدول تانية لأسباب ملهاش حصر.

يبقى إنت أكيد ف مصر

بحس اني في مصر

لما بحس بالامان و الحب و الحنان و لما بلاقي اهلي و عائلتي كلها حولي بنضحك و نهزر و نناقش مشاكل بلدنا اللي احنا عملنها بايدينا

بحس برده اني في بلدي لما بكون مضيقة و الاقي اصدقائي بيخففو همي

بحس اني في بلدي لما امشي في الشارع و الاقي رجل ضرير و الشباب بيسعدوه
من الاخر كل لما بحس ان في حاجة حلوة بتأكد اني في بلدي
اصل البلد مش وحشة بس احنا الغلط

نعيب زماننا و العيب فينا *** و ما لزماننا عيبا سوانا
ونهجو ذا الزمان بغير ذنب *** و لو نطق الزمان لنا هجانا

ويبقى انت اكيد اكيد فى مصر

1/لما تروح تخلص ورق من اى مصلحه حكوميه وتلاقى الروتين

واكل دماغ الموظفين ويقولولك روح اختم الورق ده وتعالى لينا

نمضيها من هنا ويرجعوك تختمها تانى من نفس المكان اللى كنت فيه

ويطلعوا عينك وعين اللى خلفوك يبقى انت اكيد فى مصر.


2/ لما تكون ماشى فى الشارع وتلاقى كوبرى مخصص للمشاه

والناس تسيبه وتعدى وسط العربيات يبقى انت اكيدفى مصر.

3/ وانت معدى على فرن عيش ولقيت طابور طويل عريض

متستغربش لانك اكيد فى ام الدنيا.


4/ لما تركب وسيله مواصلات وتتكلم مع صاحبك فى موضوع خاص

بيكم وتلاقى اللى جنبك دخل فى الحوار من غير استئذان وشويه

وتلاقى اللى ادامك بقى يتكلم عادى معاكم وبقى موضوعك انت

وصاحبك قضيه رايى عام هههههههه يبقى انت اكيد فى ايجيبت.


5/ لما تدخل مكتب حكومى او مدرسه على الصبح وتلاقى الموظفين

قاعدين حولين مكتب واحد وفى وسطهم فول وطعميه وخس وقاعدين

يفطروا يبقى انت اكيد فى مصر.


6/ لما تلاقى واحد ماشى فى الشارع ويرمى منديل على الارض وبين

وبين سله المهملات متر او مترين وتيجى تساله ليه كده يقولك

مالشارع مليان زباله اهو جت على الورقه بتاعتى يبقى انت اكيد فى

مصر.


7/ لو انت معدى فى فرح ولقيت الرجاله فى وسط الحريم والبنات فى

وسط الشباب واختلط الحابل بالنابل يبقى انت فى فرح شعبى والفرح

ده مش هتلاقيه غير فى مصر.


عاوزين تانى ولا كفايه كده ده بالنسبه للعيوب. بالنسبه للمزيا

1/ لو انت ماشى فى الشارع ودوخت ووقعت على الارض الف واحد

هيتلم عليك ويساعدك واللى يجيبلك ميه واللى يطلع كلونيا من شنطته

واللى يطلب الاسعاف ومش بيسيبوك حتى كمان بعد ماتفوق يفضلوا

جنبك لحد ماتبقى ميه ميه

2/ لو فى ضيقه او فى مشكله تلاقى جارك او صاحبك يوقف جنبك

ويساعدك

3/ لو عندك فرح بقى تلاقى كل واحد بيجى ويساعدك ويقف جنبك .

4/ لو انت فى رمضان ومروحتش البيت وجاى فى عربيه او قطر

والمغرب اذن تلاقى كيس بلح انضرب فى عينك ورمهالك علشان

تفطر عليه ههههههههه.


معلش اسف انى طولت عليكم

6/ لما تلاقى واحد ماشى فى الشارع ويرمى منديل على الارض وبين

وبين سله المهملات متر او مترين وتيجى تساله ليه كده يقولك

مالشارع مليان زباله اهو جت على الورقه بتاعتى يبقى انت اكيد فى

مصر.


بس فين السلة يافارس

كل كلامكم حلو و انا معنديش حاجه تانيه اقولها


الا لما تكون جى تركب المواصلات و تلاقى حد بيخبطك و هو مش همه اذا كنت بنت و لا

يبقى انت اكيد فى مصر

لما تلاقى شباب مش بيقول غير ماهى الدنيا بيظه و انا هقدر اعمل ايه رغم لو بص شويه لنفسه هيلاقى ان ربنا خلقه اكيد و هو ليه اهميا و مطلوب منوا واجبات و رغم كده هو مش بيقول غير كلمه واحد هو انا هقدر اغير الواقع

يبقى انت اكيد فى مصر

لما تلاقى ناس بتتكلم فى كل حاجه و بيتكلم بثقه و كانه عالم رغم ان كل كلامه ملوش اساس من الواقع ماهو (فتى و خلاص) يبقى انت اكيد فى مصر


لما تلاقى ناس مش عارفه اى حاجه عن تارخها و لا حتى حاضرها و رغم كده يقولوا احنا احفاد الفراعنه و هم اصلا مش فاهمين حاجه و يقولوا احنا اعظم حضاره رغم انهم ميعرفوش حاجه عن حضرتهم

يبقى انت اكيد فى مصر


لما تلاقى ناس بتصدق اشاعات هما اللى مطلعنها يبقى انت اكيد فى مصر


مش معنى كلامى ان مافيش مزايا بس ردكم قالت مزايا كتير

روميساء

اقتباس :

بس فين السلة يافارس

لا بجد عندك حق هى السله كلمه جت زياده فى الجمله المفروض كنت

قولت المهملات على طول( كوم زباله كده) هو بقى بيسيب كوم

الزباله ده ويرمى الورقه لو حدها كده ده ينفع؟

عربيه الفول و الزباله اللى فى كل حته و طبعا الموضوع لا يخلى من المعاكسات

لما تلاقى ناس مش عارفه اى حاجه عن تارخها و لا حتى حاضرها و رغم كده يقولوا احنا احفاد الفراعنه و هم اصلا مش فاهمين حاجه و يقولوا احنا اعظم حضاره رغم انهم ميعرفوش حاجه عن حضرتهم

دي بجد أكتر جمله اثرت فيا يا لبنى انتى كده جيتى على الجرح

هههههههههههههههه

سورى يا حبيبة قلبى انى جيت على الجرح

بس مش بزمتك ده حاجه تغيظ جدااااااااااااااااااااا

طبعنا لا نلاقى كل ده
يبقى احنا اكيد فى مصر

بس متى سينتهى عصر الفوضى؟

دي حاجه مش بس تغيظ دي ترفع الضغط

بس متى سينتهى عصر الفوضى؟
بجد سؤال رائع يا شموس تفتكروا امتى ؟؟؟؟؟

كمان 20 سنه ان شاء الله هينتهى عصر الفوضى ده فى حاله لو حد

محترم وكويس مسك بعد بابا حسنى يعنى.

هينتهي عصر الفوضى لما نغير ما بانفسنا

لا هيتغير قريب جدااااااااااااااا

بعد 4 سنين بعد ما انا اتخرج و امسك الحكم ان شاء الله