| ازاي تتأكد انك في مصـــــر؟؟ | |
|
+6Mohamed Elsokkary Cleopatra cAtY روميساء baskota ҳҖҳsweetyy angelҳҖҳ 10 مشترك |
كاتب الموضوع | رسالة |
---|
ҳҖҳsweetyy angelҳҖҳ عضو ماسى
عدد المساهمات : 960 تاريخ التسجيل : 13/06/2009 العمر : 28 الموقع : عالم لايعرفه غيري
| موضوع: ازاي تتأكد انك في مصـــــر؟؟ الأربعاء 02 ديسمبر 2009, 7:15 pm | |
| طبعا وبما ان مصر ام الدنيا بس اما الدنيا اتجوزت وخلفت جابت ناس جديده واخدوا هما الحضاره واكيد برضو طالما مصر ام الدنيا يبقى فيهاحاجات كتير مختلفه عن باقية الدول الاخرى بس طبعا قطع لسان اللى يقول مختلفه عنهم فى حاجه حلوه او مفيده [ندعوك للتسجيل في المنتدى أو التعريف بنفسك لمعاينة هذه الصورة] لاء مختلفه عنهم فى التخلف والله [ندعوك للتسجيل في المنتدى أو التعريف بنفسك لمعاينة هذه الصورة] واكيد برضو بتصادفك فى طريقك اونت رايح الشغل او الجامعه او النادى او حتى رايح الحمام بتصدفك حاجات تاكدلك انك فعلا فى مصر وياريت نعرف من كل واحد منكوا ايه الحاجه اللى صادفها واتاكد فعلا انه فى مصر [ندعوك للتسجيل في المنتدى أو التعريف بنفسك لمعاينة هذه الصورة] مع العلم ان لو حد فيكو اتقفش انا ماليش دعوه انا بقولكم اهو عيشوا بقى بس ياريت تردوا[ندعوك للتسجيل في المنتدى أو التعريف بنفسك لمعاينة هذه الصورة] ^_^ | |
|
| |
baskota عضو فعال
عدد المساهمات : 73 تاريخ التسجيل : 12/09/2009 العمر : 33
| موضوع: رد: ازاي تتأكد انك في مصـــــر؟؟ الأربعاء 02 ديسمبر 2009, 10:42 pm | |
| اكيد كل واحد فينا حاسس اوى بمصر الايام دى علشان موضوع الجزائر وكدة والظاهر كدة انى الواحد طلع وطنى جدا ومكنش يعرف بس احنا لم نقوال على التصرفات السالبية اللى احنا بنقبلها فى حياتنا اكيد علشان الناس تفوق شوية وتتغير وتبقى احسن لينا كلنا بس اكيد لم توقف ساعة وانتين فى الطريق يبقى انت اكيد فى مصر واكيد كمان لم تخش على اى موظف حتى لو بتاع شؤون الطلابة اللى فى الجامعة لزم يترسم ويحسسك انك بتكلم سكرتير الوزير ولا حاجة كدة يعنى كفاية كدة انهاردة علشان منروحش وراة الشمس مونى موضوعك جميل اوى بجد دة اطول كومنت اكتبة فى حياتى | |
|
| |
ҳҖҳsweetyy angelҳҖҳ عضو ماسى
عدد المساهمات : 960 تاريخ التسجيل : 13/06/2009 العمر : 28 الموقع : عالم لايعرفه غيري
| موضوع: رد: ازاي تتأكد انك في مصـــــر؟؟ الخميس 03 ديسمبر 2009, 1:54 am | |
| مشكووووووور يا محمد ع ردك الحمييييييييييل وانتوا فين خلاص مافيش حاجه بتميز مصر عن بقيت الدول ؟؟
طيب اقول انا
لما تركب ميني باص ويفضل التباع يوقلك ادخل جوه العربيه فاضيه ههه اه ه ه ه فوق السقف لما تلاقي الناس بتحترمك علشان معاك فلوس لما توصل شغلك في ساعتين والمفروض توصل ف نص ساعه ولما تلاقي الهندس سواق ميكروباص والموضف بقال ولما تيحي تسأل ع عنون نادر اوي لما يقول معرفش .... التأليف هوايه ولما ولما ولما ولما بس برضوا في حاجات حلوه لماتمشي ف الشارع وتلاقي السلام كل الناس ترد عليه ولمايجي وقت الصلاه تلاقي الناس الجميله متجمعه ف المساجد ولما تقع في مشكله تلاقي الناس بتسعدك من غير ماتعرف كده يبقي انت فعلا فعلا ف مصر | |
|
| |
روميساء صاحب مكان
عدد المساهمات : 2390 تاريخ التسجيل : 15/08/2009 العمر : 32 الموقع : بـــــــــيـــــــــــتــــــــــنا
| موضوع: رد: ازاي تتأكد انك في مصـــــر؟؟ الخميس 03 ديسمبر 2009, 2:51 am | |
| لما تلاقى ناس حاضرها هو ماضيها كل همها الكلام عن الماضى وعراقة الأجداد وعظمتهم. لما تلاقى مسلمين من غير إسلام وتلاقى هم الناس كله توافه الأمور. لما تلاقى شباب عايزين يهاجروا لدول تانية لأسباب ملهاش حصر.
يبقى إنت أكيد ف مصر | |
|
| |
cAtY عضو نشط
عدد المساهمات : 323 تاريخ التسجيل : 07/06/2009 العمر : 31
| موضوع: رد: ازاي تتأكد انك في مصـــــر؟؟ الخميس 03 ديسمبر 2009, 12:07 pm | |
| بحس اني في مصر لما بحس بالامان و الحب و الحنان و لما بلاقي اهلي و عائلتي كلها حولي بنضحك و نهزر و نناقش مشاكل بلدنا اللي احنا عملنها بايدينا بحس برده اني في بلدي لما بكون مضيقة و الاقي اصدقائي بيخففو همي بحس اني في بلدي لما امشي في الشارع و الاقي رجل ضرير و الشباب بيسعدوه من الاخر كل لما بحس ان في حاجة حلوة بتأكد اني في بلدي اصل البلد مش وحشة بس احنا الغلط نعيب زماننا و العيب فينا *** و ما لزماننا عيبا سوانا ونهجو ذا الزمان بغير ذنب *** و لو نطق الزمان لنا هجانا | |
|
| |
Cleopatra نجم المنتدى
عدد المساهمات : 2641 تاريخ التسجيل : 07/09/2009 العمر : 33 الموقع : في اي منطقه اثريه
| موضوع: رد: ازاي تتأكد انك في مصـــــر؟؟ الخميس 03 ديسمبر 2009, 5:04 pm | |
| مشكوووووووره كتييييييير يا وايت على الموضوع الرائع ده
انا بقى بحس انى في مصر لما بشوف اثار المصرين القدماء من اهرامات و مقابر و تماثيل وكده يعنى
ولما بشوف الناس ايام الماتشات لابسين احمر و شايلين علم مصر
ولما بنتجمع على الفطار في رمضان و في العيد او في اي يوم يعنى بتتجمع فيه العيله يبقى احنا كده في مصر
ولما بنام و انا حاسه بلامان كده بتاكد انى في مصر
ولما في عز الشتا بتحس بالدفا و انت مع اسرتك يبقى انت كده في مصر
لما ببقى قاعده مع اصحابي في الكليه بنضحك و بنهزر مع بعض والى عنده مشكله بنحاول نحلهالوا يبقى احنا كده في مصر
بس مش معنى انى قلت ايجابيات بس انى شايفه ان مصر مش فيها سلبيات لا فيها سلبيات كتييييييير بس انا بصراحه بحب ابص للناحيه الايجابيه في كل حاجه علشان انا كده كده مش هقدر اغير حاجه من السلبيات يبقى ابصلها ليه واوجع دماغي بقى
يا ريت يا جماعه منجبش العيب في الى احنا وصلناله على مصر لا بالعكس مهى مصر الى موجوده دلوقتى هي نفسها مصر الى كانت موجوده من ملايين السنين وهي الى كانت متقدمه زمان وبردو هي نفسها الى متخلفه دلوقتى احنا الى بنتغير مش مصر يبقى احنا لازم تحاسب نفسنا لاول مش نحط العيب عليها
مصر ادتنا حاجات كتييييييييير اوووووووووي بس احنا الى معرفناش نستفيد منها و نستغلها كويس | |
|
| |
Mohamed Elsokkary نجم المنتدى
عدد المساهمات : 4174 تاريخ التسجيل : 01/09/2009 العمر : 30 الموقع : Quelque part comme
| موضوع: رد: ازاي تتأكد انك في مصـــــر؟؟ الخميس 03 ديسمبر 2009, 5:09 pm | |
| ويبقى انت اكيد اكيد فى مصر | |
|
| |
ҳҖҳsweetyy angelҳҖҳ عضو ماسى
عدد المساهمات : 960 تاريخ التسجيل : 13/06/2009 العمر : 28 الموقع : عالم لايعرفه غيري
| موضوع: رد: ازاي تتأكد انك في مصـــــر؟؟ الخميس 03 ديسمبر 2009, 5:17 pm | |
| شكرررررررررا ليكم كلكم ع الردود الجميله دي شكرا ليكي يا روميساء عندك حق ف كل اللي انتي قولتيه
وشكررررا ليكي يا كاتي وعندك حق ف كل كلمه انتي قولتيها العيييييييييييب في فيناو في الزمن
مشكوووره جدا يانهله فعلا احنا لازم نبص للامور من الناحيه الاجابيه مصــــــــــــر فيها حاجات حلوه كتير انحنا اللي عملنا فيها كده
| |
|
| |
الفارس نجم المنتدى
عدد المساهمات : 3021 تاريخ التسجيل : 01/08/2009 العمر : 35 الموقع : www.youtube.com
| موضوع: رد: ازاي تتأكد انك في مصـــــر؟؟ الجمعة 04 ديسمبر 2009, 5:29 pm | |
| 1/لما تروح تخلص ورق من اى مصلحه حكوميه وتلاقى الروتين
واكل دماغ الموظفين ويقولولك روح اختم الورق ده وتعالى لينا
نمضيها من هنا ويرجعوك تختمها تانى من نفس المكان اللى كنت فيه
ويطلعوا عينك وعين اللى خلفوك يبقى انت اكيد فى مصر.
2/ لما تكون ماشى فى الشارع وتلاقى كوبرى مخصص للمشاه
والناس تسيبه وتعدى وسط العربيات يبقى انت اكيدفى مصر.
3/ وانت معدى على فرن عيش ولقيت طابور طويل عريض
متستغربش لانك اكيد فى ام الدنيا.
4/ لما تركب وسيله مواصلات وتتكلم مع صاحبك فى موضوع خاص
بيكم وتلاقى اللى جنبك دخل فى الحوار من غير استئذان وشويه
وتلاقى اللى ادامك بقى يتكلم عادى معاكم وبقى موضوعك انت
وصاحبك قضيه رايى عام هههههههه يبقى انت اكيد فى ايجيبت.
5/ لما تدخل مكتب حكومى او مدرسه على الصبح وتلاقى الموظفين
قاعدين حولين مكتب واحد وفى وسطهم فول وطعميه وخس وقاعدين
يفطروا يبقى انت اكيد فى مصر.
6/ لما تلاقى واحد ماشى فى الشارع ويرمى منديل على الارض وبين
وبين سله المهملات متر او مترين وتيجى تساله ليه كده يقولك
مالشارع مليان زباله اهو جت على الورقه بتاعتى يبقى انت اكيد فى
مصر.
7/ لو انت معدى فى فرح ولقيت الرجاله فى وسط الحريم والبنات فى
وسط الشباب واختلط الحابل بالنابل يبقى انت فى فرح شعبى والفرح
ده مش هتلاقيه غير فى مصر.
عاوزين تانى ولا كفايه كده ده بالنسبه للعيوب. بالنسبه للمزيا
1/ لو انت ماشى فى الشارع ودوخت ووقعت على الارض الف واحد
هيتلم عليك ويساعدك واللى يجيبلك ميه واللى يطلع كلونيا من شنطته
واللى يطلب الاسعاف ومش بيسيبوك حتى كمان بعد ماتفوق يفضلوا
جنبك لحد ماتبقى ميه ميه
2/ لو فى ضيقه او فى مشكله تلاقى جارك او صاحبك يوقف جنبك
ويساعدك
3/ لو عندك فرح بقى تلاقى كل واحد بيجى ويساعدك ويقف جنبك .
4/ لو انت فى رمضان ومروحتش البيت وجاى فى عربيه او قطر
والمغرب اذن تلاقى كيس بلح انضرب فى عينك ورمهالك علشان
تفطر عليه ههههههههه.
معلش اسف انى طولت عليكم | |
|
| |
روميساء صاحب مكان
عدد المساهمات : 2390 تاريخ التسجيل : 15/08/2009 العمر : 32 الموقع : بـــــــــيـــــــــــتــــــــــنا
| موضوع: رد: ازاي تتأكد انك في مصـــــر؟؟ السبت 05 ديسمبر 2009, 4:36 am | |
| 6/ لما تلاقى واحد ماشى فى الشارع ويرمى منديل على الارض وبين
وبين سله المهملات متر او مترين وتيجى تساله ليه كده يقولك
مالشارع مليان زباله اهو جت على الورقه بتاعتى يبقى انت اكيد فى
مصر.
بس فين السلة يافارس | |
|
| |
Ambassador صاحب مكان
عدد المساهمات : 1328 تاريخ التسجيل : 19/08/2009 العمر : 31 الموقع : في اي منطقه سياسيه
| موضوع: رد: ازاي تتأكد انك في مصـــــر؟؟ السبت 05 ديسمبر 2009, 7:30 am | |
| كل كلامكم حلو و انا معنديش حاجه تانيه اقولها الا لما تكون جى تركب المواصلات و تلاقى حد بيخبطك و هو مش همه اذا كنت بنت و لا يبقى انت اكيد فى مصر لما تلاقى شباب مش بيقول غير ماهى الدنيا بيظه و انا هقدر اعمل ايه رغم لو بص شويه لنفسه هيلاقى ان ربنا خلقه اكيد و هو ليه اهميا و مطلوب منوا واجبات و رغم كده هو مش بيقول غير كلمه واحد هو انا هقدر اغير الواقع يبقى انت اكيد فى مصر لما تلاقى ناس بتتكلم فى كل حاجه و بيتكلم بثقه و كانه عالم رغم ان كل كلامه ملوش اساس من الواقع ماهو (فتى و خلاص) يبقى انت اكيد فى مصر لما تلاقى ناس مش عارفه اى حاجه عن تارخها و لا حتى حاضرها و رغم كده يقولوا احنا احفاد الفراعنه و هم اصلا مش فاهمين حاجه و يقولوا احنا اعظم حضاره رغم انهم ميعرفوش حاجه عن حضرتهم يبقى انت اكيد فى مصر لما تلاقى ناس بتصدق اشاعات هما اللى مطلعنها يبقى انت اكيد فى مصر مش معنى كلامى ان مافيش مزايا بس ردكم قالت مزايا كتير | |
|
| |
الفارس نجم المنتدى
عدد المساهمات : 3021 تاريخ التسجيل : 01/08/2009 العمر : 35 الموقع : www.youtube.com
| موضوع: رد: ازاي تتأكد انك في مصـــــر؟؟ السبت 05 ديسمبر 2009, 8:14 am | |
| روميساء - اقتباس :
- بس فين السلة يافارس
لا بجد عندك حق هى السله كلمه جت زياده فى الجمله المفروض كنت قولت المهملات على طول( كوم زباله كده) هو بقى بيسيب كوم الزباله ده ويرمى الورقه لو حدها كده ده ينفع؟ | |
|
| |
المتفائله صاحب مكان
عدد المساهمات : 1057 تاريخ التسجيل : 05/12/2009 العمر : 31
| موضوع: رد: ازاي تتأكد انك في مصـــــر؟؟ السبت 05 ديسمبر 2009, 2:48 pm | |
| عربيه الفول و الزباله اللى فى كل حته و طبعا الموضوع لا يخلى من المعاكسات | |
|
| |
Cleopatra نجم المنتدى
عدد المساهمات : 2641 تاريخ التسجيل : 07/09/2009 العمر : 33 الموقع : في اي منطقه اثريه
| موضوع: رد: ازاي تتأكد انك في مصـــــر؟؟ الأحد 06 ديسمبر 2009, 1:41 am | |
| لما تلاقى ناس مش عارفه اى حاجه عن تارخها و لا حتى حاضرها و رغم كده يقولوا احنا احفاد الفراعنه و هم اصلا مش فاهمين حاجه و يقولوا احنا اعظم حضاره رغم انهم ميعرفوش حاجه عن حضرتهم
دي بجد أكتر جمله اثرت فيا يا لبنى انتى كده جيتى على الجرح | |
|
| |
Ambassador صاحب مكان
عدد المساهمات : 1328 تاريخ التسجيل : 19/08/2009 العمر : 31 الموقع : في اي منطقه سياسيه
| موضوع: رد: ازاي تتأكد انك في مصـــــر؟؟ الأحد 06 ديسمبر 2009, 3:14 pm | |
| هههههههههههههههه سورى يا حبيبة قلبى انى جيت على الجرح بس مش بزمتك ده حاجه تغيظ جدااااااااااااااااااااا | |
|
| |
شموس نجم المنتدى
عدد المساهمات : 5818 تاريخ التسجيل : 27/05/2009 العمر : 31 الموقع : avec mes rêves
| موضوع: رد: ازاي تتأكد انك في مصـــــر؟؟ الثلاثاء 08 ديسمبر 2009, 7:27 pm | |
| طبعنا لا نلاقى كل ده يبقى احنا اكيد فى مصر بس متى سينتهى عصر الفوضى؟ | |
|
| |
Cleopatra نجم المنتدى
عدد المساهمات : 2641 تاريخ التسجيل : 07/09/2009 العمر : 33 الموقع : في اي منطقه اثريه
| موضوع: رد: ازاي تتأكد انك في مصـــــر؟؟ الأربعاء 09 ديسمبر 2009, 11:50 pm | |
| دي حاجه مش بس تغيظ دي ترفع الضغط بس متى سينتهى عصر الفوضى؟ بجد سؤال رائع يا شموس تفتكروا امتى ؟؟؟؟؟ | |
|
| |
الفارس نجم المنتدى
عدد المساهمات : 3021 تاريخ التسجيل : 01/08/2009 العمر : 35 الموقع : www.youtube.com
| موضوع: رد: ازاي تتأكد انك في مصـــــر؟؟ الأربعاء 09 ديسمبر 2009, 11:55 pm | |
| كمان 20 سنه ان شاء الله هينتهى عصر الفوضى ده فى حاله لو حد
محترم وكويس مسك بعد بابا حسنى يعنى. | |
|
| |
cAtY عضو نشط
عدد المساهمات : 323 تاريخ التسجيل : 07/06/2009 العمر : 31
| موضوع: رد: ازاي تتأكد انك في مصـــــر؟؟ الخميس 10 ديسمبر 2009, 4:27 pm | |
| هينتهي عصر الفوضى لما نغير ما بانفسنا | |
|
| |
Ambassador صاحب مكان
عدد المساهمات : 1328 تاريخ التسجيل : 19/08/2009 العمر : 31 الموقع : في اي منطقه سياسيه
| موضوع: رد: ازاي تتأكد انك في مصـــــر؟؟ الخميس 10 ديسمبر 2009, 8:14 pm | |
| لا هيتغير قريب جدااااااااااااااا بعد 4 سنين بعد ما انا اتخرج و امسك الحكم ان شاء الله | |
|
| |
| ازاي تتأكد انك في مصـــــر؟؟ | |
|