عدد المساهمات : 1305 تاريخ التسجيل : 03/12/2009 العمر : 32 الموقع : عايش فى الدنيا
موضوع: سومه والعفريت السبت 26 ديسمبر 2009, 5:37 pm
الحج عفريت : نياهاهاهااااااا شوبيكى لوبيكى خدامك بين ايديكى سوما : متنفش ريشك قوى كدا لتفرقع يا خويا ولا يطقلك عرق....دا العمر مش بعزقه...
الحج عفريت: ييييييييه كل مره اقولهم بلاش ستات الكلمه يترد قصادها ميه واغبيه يا معين يا رب ...اطلبى وانا انفذ يا ستى ...وانجزى بقى خلصينى
سومه: ياحلاوه يا ولاد دا عامل زى عفروتو بتاع المرسحيه قصير واقرع ....
الحج عفرت:احنا حنقبح بقى ولا ايه ليه طوله اللسان دى اللهم طولك يا روح
سومه:هع هع هععع يطولها ؟؟؟ اذا كنت انت نموك وقف على الحجم دا دا انت ولا خاتم سليمان يحوق معاك.... بقولك ايه اما انت تعرف تنفذ طلباتى طيب ما تطول نفسك شويه ولا تطلعلك شعر
سومه:دا ايه يا خويا العفريت المستعجل دا مكانوش قادرين يبعتولى واحد فاضى موراهوش عيال طيب اسمع يا خويا انا حخلصك خالص لو طلبت منك اسرائيل تنكشح عن فلسطين تمشيها
الحج عفرت:يعنى انتوا بكل رجالتكم يا عرب وهى قاعده فى فلسطين وعاوزانى انا يا غلبان امشيها ....
سومه:خلاص اهو ادينى طلبت عشان متقولش وتشتكى انت اللى معرفتش تنفذ.... بس فاضى تقول مش فاضى وعندى مواعيد اسمع رأفه بيك انا عاوزاك تنضف البيت بدالى النهارده وتعمل اكل فى التلاجه يكفى سى بطيخ اد اتناشر شهر.... وتسيأ السلم بدالى كل اول اسبوع....وياريت تجيبلى عربيه بتنجر احط فيها الخضار....و...........
سومه:يا نصيبتى اخرج من بيتى فى غير علم سى بطيخ دا كان يقتلنى... ثم انا ميهونش عليا زعله.... ثم يا خويا الف العالم فيه ايه زياده عن اللى فى بيتى سى بطيخ مكفينى وجايبلى كلشن كان. اه امال ايه.؟؟؟
الحج عفرت:طيب تحبى اخلصك من سى بطيخ نفسه
سومه:يا خويا بعد الشر تف من بقك ان شاء الله انت وميه زيك .... هو صحيح عينه زايغه....ولسانه طويل وايده باطشه....وجزمه ديما طايره .... بس الست مننا ايه منغير بطيخها ....والعيال مين حيشيلهم مين يشيل مشاكلهم....
الحج عفرت :انا زهقت منك...مش ممكن واحده معندهاش ولا طلب.... طيب اسمعى اجيبلك ذهب ياقوت مرجان..الماظ....