كرسى الاعتراف

oki Ana moaf2

حلوة اللعبة أنا بحبها جدا وبلعبها مع أصحابى كتير وأنتم طبعا بقيتوا أصحابى كمان وعايزة ألعبها معاكم
يالا يامسيو اختار عضو بسرعة بقى عايزين نبدأ لعب
مشكورة كتير يا roma
على اللعبة

ماشى يا شباب
هنبدأ بالعضورة النشيطة جدا







































روميساء
أهم حاجة عملتيهافى 2009 هى إيه؟
متى تسقط دموعك ؟
موقف فطسك من الضحك ؟
موقف محرج جدا ؟
إمتنى بتكونى طايرة من الفرح؟
إيه أمنيتك اللى بتتمنى إن هى تتحقق؟
أول شخص هتعيدى عليه مين ؟ و بعدين مين و مين؟
جوبى على دول و رجعليك تانى

أوك يامسيو تحت أمرك
1\ التزامى بقراءة القرآن الكريم يوميا وأخدت قرارى بعد نتيجة السنة وهى جيد مرتفع أنى أرضى بقضاء الله وأرجع تانى متفوقة زى ماكنت
2\تسقط دموعى عندما أجرح من أقرب الناس إلى قلبى وعلى حالى فى بعض الوقت
3\دكتور فى الجامعة نقد واحد من زمايلنا على تسقيط البنطلون بشكل مضحك جدا فى المحاضرة وللأسف كان أول مرة زميلنا ده يحضرله محاضرة
4\ فى الترم الأول قبل امتحان الفيزياء العملى كنت سألت على طالب هأيبقى قاعد جنبى فى اللجنة واللى سالته نقده بطريقة وحشه جدا (مش بيفهم وحلوف.....) وبعدين بقول لصحباتى البناتيت مش أنا سألت عليه وقالولى ده كذا وكذا وقولت اسمه وطلع كان قاعد جنبى وأنا بقول الكلام ده ولقيت فجأة واحد بيقولى " مين ياآنسة اللى قالك إنى حلوف ومش بفهم حاجة" بصراحة أنا من كتر الضحك والكسوف مطلعتش وشى من الكتاب ومش قدرت أرد عليه طبعا
هو ده أكتر موقف محرج فى حياتى
5\ لما بحس بالنجاح ولما بكون وسط الجروب بتاعى اللى معايا من زمان اوى تقريبا من الأبتدائى ولما بكون مع البت أنتمتى وأنتوا طبعا عارفينها
6\أمنيتى أنى اشتغل فى مركز بحوث وأنا تقريبا حطيت رجلى على أول الحلم لأنى كنت فيه يوم الثلاثاء والحمدلله احتمال أدرب هناك واتثبت بعد لما أخلص الكلية
7\أنت طبعا أول واحد عن طريق الفون وأنتيمتى واللى معايا فى البيت ده هأيبقى يوم الواقفة والصبح بقى أنا بشوفك أول واحد يوم العيد
منتظرة الباقى

الحب بالنسبة ليا دنيا جميلة لاتوصف وحقيقى نفسى أدخل الدنيا دى زى أى بنوتة بس تكون رسمى
الحب بيتمثل ليا فى حبى لأنتمتى وأختى وأهل بيتى والعائلة وأصدقائى وأنتوا بجد بحبكم كفاية إنى بقضى أجمل وقت معاكم

شوف ياخويا الكلام
ماشى
حد له شوق فى أى أسئلة تانى ؟
والله العضوة ما قصرت و بتجاوب تمام ربنا معاها
يلا قبل ما نشطب

اوك ونقول
هل ندمتى على حاجة عملتيها قبل كدة؟

مش بندم على أى حاجة لأنى عملتها وأنا فى كامل قوايً العقلية والندم مش بيفيد فى حاجة هو بالنسبة ليا مضيعة للوقت اللى ممكن أكون عرفت فيه إزاى أتصرف أو ابتدى من جديد
منتظرة باقى الأسئلة

ردى فى جملة واحدة
ماذا تعنى هذه الأشياء بالنسبة لكى
الصداقة
الفتاة الملتزمة
شباب اليوم
فتى المستقبل
الرومانسية
الزهرة
التحدى
الأحلام
كفاية كده

يامامى الاسئلة صعبة اوى ربنا معاكى ياروميساء يلا ياقمر ردى وورينا الاجابات اللذيذة

[ندعوك للتسجيل في المنتدى أو التعريف بنفسك لمعاينة هذه الصورة] حرااااااااااااام عليكم [ندعوك للتسجيل في المنتدى أو التعريف بنفسك لمعاينة هذه الصورة]
الصداقة: روحين يتقابلوا ويلتحموا إلى أن يصبحوا روحا واحدة
الفتاة الملتزمة: ذو أخلاق حميدة تلتزم بتقاليد وعادات بيئتها مطيعة لربها
شباب اليوم: كنت بقول زماااااان صناع المستقبل لكن دلوقتى مدمرى المستقبل
فتى المستقبل: متفاهم عاقل ملتزم بأمور الدين يكون بيحبنى أوى أوى أكتر منى بس كده الباقى أقدر عليه
الرومانسية: زهرة الحب
التحدى: قوة كامنة ليس لها حدود بعيدة عن الحقد والغيرة تدفع الأنسان إلى كل ماهو حميد عند إستغلالها إستغلال حميد
الأحلام: شهد الحياة
ومازلت منتظرة الباقى

انتى نسيتى جزء من الاسئلة فين كفاية كدة هههههههه

ما قصرتى أبدا
قوة فى الأداء
دقة فى الإجابة
اللى عندو سؤال ياجماعة يدخل و يقول بسرعة

يالا ياجماعة أنا مستنية وهأفضل مستنية لغاية لما كله يخلص اللى عنده
وماتقلقيش ياروما هأجاوب عليها بس بعد إما أخلص الأجوبة كلها

طيب هسأل أنا بقى
فى معظم قراراتك الى بتأخديها بتستخدمى عقلك ولا قلبك وفى معظم الوقت مين بيتغلب على مين أكتر واية الى تحبى يكون هو صاحب قراراتك
اية أكتر حاجة عجباكى فى المجتمع الى احنا عايشينة واية أكتر حاجة ممكن تنقديها فية
اية أكتر موقف تتمنى يتكرر فى حياتك
متى تغضبى
ما أكثر شى يخيفك
ما هو الموقف الذى نزلت فية دموعك
أكتر دعوة تتمنى ربنا يستجيب ليها
مين أكتر حد حاسة دلوقتى انك محتاجاة (يساعدك حتى فى الورطة دى) بس
تقلنا عليكى بقى معلش

كده بترديهالى ولا إيه علشان أنتى بس أنتمتى كنت ظبطك زى ما أنتى ظبطينى دلوقتى
كنت نسيت أجاوب على الزهرة فى سؤال المسيو فهاجاوب عليها قبل الأسئلة الجديدة
الزهرة: عالم بدايته مغلقه ولكن سريعا مايتفتح ويصبح جميلا وينشر جماله هذا على من حوله


1\ أنا عامة بتوسط فى التفكير مابين العقل والقلب لكن فى مواقف مابنستخدمش فيها غير القلب لأنه بيبقى الحاكم الوحيد
2\ أنا بحب الوسطية بس طبعا الغالب فى معظم القرارات وبيبقى ليه الرأى الأكبر العقل طبعا
3\ أكتر حاجة عجبانى فى المجتمع إن مازلت فى ضماير حية ومتمسكة بمبادئها رغم أى ظروف ولسه فى جزء من الحب والترابط مابين الناس
أكتر حاجة أنقدها سياسة البلد لأنى بحس أنها معدومة
4\ أتمنى أنى أفضل أصالح اللى بزعلهم أو حتى هما بيزعلونى فى الوقت نفسه المهم أنى مخسرهمش يعنى يفضل قلبى أبيض
5\ بغضب لما بحس أنى محتاجة لأقرب الناس وهما مش حاسين بيه ولما بلاقى الظلم فى أى مكان مش شرط يبقى واقع عليا
6\ أكتر شئ بخاف منه الدم
لكن لو حاجة تخص المشاعر الفراق
7\ يوم نتيجة الثانوية تقريبا كنت منهارة انتى عارفة طبعا ويوم وفاة تيته
8\ يحمينى من شر نفسى وشر البشر ويوفقنى فى حياتى العلمية والعملية
9\ أكيد أنتى طبعا مش بحتاج لأى إنسان قد مابحتاجلك بعد ربنا عز وجل
يالا ياجماعة فين باقى الأعضاء انا مستنية لغاية لما أنتوا تقولوا كفاية

اية ياجماعة مفيش حد لة نفس يسألها تانى ولا اية دة شوية أوى الأسئلة دى

احنا قرايب انتيمتك اللى انت عارفاهم و عايزين نسألك
1-عمرك ما حسيتى انك مش عايزة تعيشى فى الدنيا و انك زهقتى منها و امتى ؟
2-نفسك حاجة جديدة تحصل فى حياتك و حاسة ان حياتك مملة و متوقعة الحاجة دى تكون ايه ؟
3-عمرك حلمتى بحاجة حسيتى انها مستحيل تتحقق وبعدين اتحققت ؟
4-نفسك الدور يجى على حد تانى بقى وتخلصى من الأسئلة دى ؟
على فكرة ردودك عجبتنا اوى ويارب تبقى فهمتى احنا مين

أكيد عارفة أنتوا مين وحشتونى أوى أوى ونفسى أشوفكم قريب وكل سنة وأنتم طيبين

1\ حسيت كده السنة دى اللى هى كانت أول سنة فى الجامعة كانت حياتى متلخبطة كلها وكل حاجة مش على طبيعتها حتى شخصيتى اتأثرت بس الحمدلله رجعت زى ماكنت والسنة اللى هاتبدأ هاتكون أحسن بكتير إن شاء الله

2\ إنى أروح أعمل عمرة وحجة كمان وإن شاء الله هاتحصل

3\ هى الحاجة دى كانت إحساس وأنا اتمنيته وحسيته

4\ لا خالص عادى بس ياريت يبقى فيه مشاركة أكبر من كده

مشكورة كتير ليكم

معلش ياجماعة إنى اتأخرت بس مكنتش أعرف إن فى عضو سأل وإليكم الإجابات كالتالى:-
1\ .. عاقل.. صادق.. صريح.. فاهمنى جدا.. طبعا مدرك لأمور الدين ده شئ أولى يكون بيحبنى أكتر مما بحبه.. طويل.. شخصية وسط.. شعره يكون حلو زى شعرى [ندعوك للتسجيل في المنتدى أو التعريف بنفسك لمعاينة هذه الصورة]

2\ أغنية محمد رحيم "عارفة" وأغنية "لاتروحى" بس مش فاكرة الأسم بالظبط هو"... عطيه" مغنى من ستار أكاديمى

3\ أنا ممكن مشتركش بس مش بيبقى علشان مترددة لكن لو أنا هاشترك بدى رأى

4\ الكذب كله واحد كله بيندرج تحت اسم الكذب ودى أكتر صفة بكرهها فى حياتى وعندى اللى يكذب عليا مرة تبقى الأولى والأخيرة "زى المفاعل النووى الغلطة الأولى هى الأخيرة"

مشكورة كتير كتير وياريت تشتركى يا أنجيلك بأسئلة

إيه ياجماعة أنتوا نسيتونى ولا إيه طيب غيرولى الكرسى أصله تاعبنى أوى [ندعوك للتسجيل في المنتدى أو التعريف بنفسك لمعاينة هذه الصورة] وبصراحة وماتزعلوش منى أنا [ندعوك للتسجيل في المنتدى أو التعريف بنفسك لمعاينة هذه الصورة] شوية لما مش لاقيت حد سألنى يالا بقى لو حد عنده سؤال يسألهولى أو المسيو يختار عضو جديد