افتخر انى امرأة

انا فخورة انى امرأة

فأنـا عندما أكذب أعرف أني كاذبة لكن الرجل لا يعرف فهذه طبيعته.

ذاكرتي قوية ولا أنسى أبـدا فأقوى ما في المرأة وأضعف ما في الرجل: الذاكرة.

أنا فخورة أني امرأة فقد أكتشف العلماء مؤخرا" مخلوقا يستطيع القيام بعمل خمس

رجال إنه : المـرأة.

حبي لا نهاية له فحب الرجل سطر وحب المرأة صفحات.

أنـا مخلصة بطبيعتي لكن الرجل عندما لا يجد فرصة للخيانة يصبح مخلصا.

المـرأة تحتاج إلى رجل واحد لكي تفهم كل الرجال والرجل يحتاج إلى الف امـرأة

لكي يفهم واحدة.

هكذا هم الرجال

الرجال صعب إرضائهم :

إذا تجادلتي معه قال عنكي انكي عنيدة وإذا جلستي صامته قال انكي غبية.

إذا لم تحبيه يحاول أن يمتلكك وإذا أحببتيه سوف يتركك.

إذا أخبرتيه عن مشاكلك قال عنكي مزعجه وإذا لم تخبريه يقول انكي لا تثقين به.

إذا لم تفي بوعدك فأنتي مراوغة أما إذا أخلف هو وعده فحجته دائما أنه كان
مضطرا لذلك.

إذا نجحتي في عملك يقول أنه الحظ وإذا نجح هو فيقول أن السبب ذكاؤه

إذا جرحتيه فأنتي قاسية وإذا جرحك هو فأنتي حساسة جدا

يعنى الراجل قاعد ساكت ومتكلمش اهو وبتخبطوا فيه مش عارف بتعملوه المعامله الوحشة دى ليه
عاوزة تفتخرى بانك امرأه ماشى انما تشردى الراجل فى المقال كده من غير مايعمل حاجة حراااااااااااااااام ههههههههههههههههههههههه

[ندعوك للتسجيل في المنتدى أو التعريف بنفسك لمعاينة هذه الصورة]يعنى نخبط شوية من نفسنا ما انت مبهدلنا على طول [ندعوك للتسجيل في المنتدى أو التعريف بنفسك لمعاينة هذه الصورة]

لالالالالالالا طبعا انا مقدرش اتكلم عن الرجال خالص ده بده مهما كان المرأة خلقت من ضلع رجل يعنى انتم برده اساس الحياة

والله مش عارف اقولك ايه بعد كلمتين التثبيت دول بس عموما المرأه هى اللى بتحاول تقنع نفسها بالفرق اللى بينها وبين الراجل وان الراجل بيعاملها وحش وان واخد حقوقه تالت ومتلت من رايى الشخصى لو اى امرأه اهتمت ببيتها وزوجها ولو بتشتغل تحاول توفق بين الشغل والبيت يبقى احسن ليها بدل المطالبه بحقوق المرأه والمشاركه فى البرلمان والانتخابات والكلام الفاضى ده كله ولا انتوا مش معايا فى الرايى دى فينك يامسيو وفين ارائك؟

طيب أنا بقى المرة دى متفقة معاك فى الرأى دة تماما
فعلا لو اى امرأه اهتمت ببيتها وزوجها ولو بتشتغل تحاول توفق بين الشغل والبيت يبقى احسن ليها بدل المطالبه بحقوق المرأه والمشاركه فى البرلمان والانتخابات
بس بردو تشتغل بشرط توفق بين بيتها وشغلها
دة كلام صحيح جدا مفيش حد يقدر يقول علية حاجة
أى خدمة المرأة وقفت فى صف ردودك وآراك بس مش فى كل حاجة

أى خدمة المرأة وقفت فى صف ردودك وآراك بس مش فى كل حاجة

يعنى المره دى بس والمره الجايه هضرب طيب علشان خاطر المره دى سماح بالمره بقى هى المراه ليه اساسا تشتغل ماتقعد فى بيتها وتسيب الشغل للشباب العاطل طب والله فى كتير من المصالح الحكوميه العطله بتكون من النسوان اللى فى المكتب بكون ساعتها عاوز اولع فى المكتب باللى فيه

تشتغل دى حرية شخصية ليها بقى وكمان ساعات الشغل بيكون جزء كبير من أحلامها ماتحققش حلمها يعنى
والشغل أصلا بالنسبة ليها جزء من تحقيق ذاتها واثبات نحاجها مثلا تذاكر وتتعب وفى الأخر تقعد فى البيت
يعنى عادى جدا لو اشتغلت مع مراعات بيتها بردوا
ولو زى مابتقول تسيب الشغل للشباب العاطل فمن الأولى ان الشباب دة هو الى يدور على الشغل حتى لو مش فى مجال عملة مش يقعد يستنى المرأة لحد ماتسبهولة
وهو دة الفرق بين شغل الرجل والمرأة الراجل ممكن أو يشتغل فى أى حاجة حتى بدوش شهادة أما المرأة فلو مش هتشتغل بشهاديتها يبقى مش هتشتغل خالص
ودى وجهة نظرى مش مناصرة لحقوق المرأة ولا حاجة

لا هى تذاكر وتتعب ويكون معها شهاده كسلاح لغدر الزمان يعنى ممكن زوجها يطلقها او ميصرفش عليها او يموت فى الحاله دى تكسر البرواز وطلع الشهاده وتشتغل بيها
وبعدين ازاى الشباب تستنى الستات لما يسيبولهم الشغل واساسا ان اى شغل بيطلب انسه للعمل اى محل يقولك مطلوب انسه للعمل يعنى لو الستات مشتغلوش اصحاب المحلات مش هيطلبوهم للعمل
وبعدين حد يكرهه الراحه طب ياريت حد يقولنا اقعدوا فى البيت واحنا نصرف عليكم ياساتر يارب

ههههههههه لا ازاى بقى طبعا مفيش حد يكرة الراحة بس أنا قلت ان دة جزء من تحقيق أحلامها لو مش متمسكة بية أوى خلاص أكيد مش هتشتغل ويبقى فى الحالة دى بيتها وأولادها أولى بيها
وصحيح حاجة رخمة أوى كل فرص العمل المطلوبة بتكون للأنسات يعنى مثلا مطلوب آنسة للعمل بمرتبات مجزية
سيساسة بلد فاشلة بقى المفروض تعملوا ثورة أو بعد كدة تطالبوا بحقوق الرجل أصل كدة المرأة أخديت حقوقها كلها
وشكرا على النقاش الجميل دة وكمان المفروض نعمل موضوع بخصوص المشكلة دى وكل أعضاء المنتدى يشاركونا فيها برأيهم دة لسة فى آراء كتير لكل عضوة أوعضو فى المنتدى وشوف بقى أراء المرأة على حق

والله عندك حق هى فعلا سياسه فاشلة بس الانسات هما اللى ساعدوا اصحاب المحلات على كده لانهم كانوا بيلبوا طلباتهم
وعموما مستنين باقى الاعضاء وارائهم وهل هما مؤيدين لعمل المرأه ام لا؟
معلش ياروما دخلنا كده من غير استئذان فى موضوعك متاسفين جدا

أولا الشباب بقى كُسلى جدا ومش بيحب يدور على شغل والشاب منهم لو ماشتغلش بشهادته يبقى أفضل ليه يقعد على القهوة أو فى بيتهم لغاية لما يجى الشغل وساعات تلاقيه معاه "خدمة اجتماعية" ولا حاجة زى كده ويتأمر أوى ماتقولش معاه [ندعوك للتسجيل في المنتدى أو التعريف بنفسك لمعاينة هذه الصورة] دكتوراه [ندعوك للتسجيل في المنتدى أو التعريف بنفسك لمعاينة هذه الصورة] وبعدين الفرق كمان إن البنت لما تحب تشتغل بتدور كويس وبتحقق اللى هى عايزاه وأصحاب المحلات أو أى مكان للعمل بيطلبهم لأنهم بيبقوا جادين فى شغلهم غير الشباب
بالنسبة بقى لعمل المرأة البنت قبل الزواج بيبقى عندها أهداف كتيرة ومنها أنها تشتغل وبتحاول تحقق وبعد كده بيبقى الموضوع ده رأى مشترك مابين الأتنين علشان لو كان هيأثر على الحياة الزوجية يبقى ملهوش فايدة وطبعا بالفطرة والطبيعة إن الراجل هو اللى مسئول على البيت مش المرأة لكن لو البيت بيحتاج عمل الأتنين ودى بتبقى ظروف حياتهم فالشغل مطلوب منها وفى الحالتين لازم توفق مابين البيت والشغل لأن بيتها أهم وهو رسالتها الأولى

نسيت أشكر روما على الموضوع الجميل وأنا أفتخر إنى هأبقى امرأة
سلمت الأيادى الذهبية

مش قلت لسة فى ردود للمرأة والردود الجامدة بدأت اهى
بس عندى تعليق كلامك منطقى جدا وجبتية من كل النواحى بس معنى كلامك ان مثلا لو اتجوزت قبل ماتخلص دراستها يبقى معنى كدة مش هتشتغل والموضوع مش هيبقى لية علاقة بحلم عاوزة تحققة لأن الى عاوز يحقق حلمة بيعمل المستحيل علشان يحققة ولا اية
بس بردو انا مقتنعة بوجهة نظرك وبكل كلامك

انا مقتنع جدا بكلام روميساء يعنى البنت لما بتكون بتتعلم وقبل الجواز عندها طاقه عظيمه واهداف عاوزة تحققها فبتحلم بالشغل وده من حقها مقولناش حاجة بس بعد الجواز الاحسن بقى تقعد فى البيت وتراعى اولادها وبيتها ولو فعلا محتاجين فلوس من حقها تشتغل فى الوقت ده انما طول ماجوزها شغال وبيصرف على البيت ايه لازمته بقى الشغل تسيب مكان لغيرها
فين الشباب اللى فى المنتدى حد ينقذنى ويجى يأيد كلامى انا هضرب لوحدى ولا ايه متفقناش على كده

انا أقصد يالفلى جيرل إن لما بتتجوز مش بيبقى رأيها لوحدها بيشاركها فيه الطرف التانى وأنا زى ماقولت يافارس دى بتبقى حرية مابينهم ولازم توفق مابين شغلالها وبيتها ولو مقدرتش يبقى الشغل بلاش منه خالص ودى بتختلف من رجل لآخر
إنما حكاية أنها تسيب الشغل أو مكانها لحد تانى دى بقى مسألة أرزاق مش أكتر يعنى لو مكتوبلها رزق فى المكان ده محدش يقدر يمنعه وشكلك هاتفضل فى المناقشة لوحدك استنجد بحد بسرعة

ذاكرتي قوية ولا أنسى أبـدا فأقوى ما في المرأة وأضعف ما في الرجل: الذاكرة
بغض النظر عن الجمله دي فهو موضوع رائع لان انا بصراحه ذاكرتي في الضياع
thanxxxx

انا مؤيدة لعمل المرأة مادام عملها ده مش هيأثر على بيتها وتربيتها لاولادها يعنى فى نساء كتير بتعمل وف نفس الوقت قادرة انها توفق بين بيتها وعملها واصلا بضايق جدا من الازواج اللى بيمنعوا المرأة من عملها مش دايما عمل المرأة بيكون الهدف منه الفلوس وبس لكن ده بيكون حلمها وهدفها من صغرها وبتسعى طول حياتها لتحقيقه وف الاخر ييجى عريس الغفلة يمنعها من تحقيق حلمها بس برده لازم انها توفق بين بيتها وعملها

يعنى كل انسه منكم بتكلم بتقول علشان تحقق حلمها وهدفها نفسى اعرف ايه حلم المراه وهدفها من ورا شغلها مثلا كبائعه فى محل او شغلها فى اى مصنع لبس او الكترونيات او شغلها فى اى هيئه حكوميه زى السجل المدنى هتفضل موظفه فيها مش هتصبح وزيره ولا سفيره يعنى فين الحلم اللى بتكلموا عنه وايه هو بالظبط حد يوضحلى ايه الحلم ده

الحلم ده بيختلف باختلاف الشخصيات يعنى إنت حجمت الأحلام على عمل فى مصنع أو بائعة أو......... لكن الشغل ده لبنات معينة يعنى دول اللى بيبقوا معاهم دبلوم فنى أو تجارى دى وظيفتهم يعنى مش هايشتغلوا دكاتره لكن أنا مثلا فى كلية علوم ونفسى أشتغل فى مركز بحوث أو شركة أدوية ده مش حلم أو مايستحقش منى إنى أحققه
وإحنا حسمنا الموضوع بإن الوضع قبل الزواج حاجة وبعده حاجة وبيختلف من رجل لآخر يعنى لو إنت مش مأيد عمل الزوجه أو البنت فى ناس كتير بتوافق وممكن تكون معارضه وبالتفاهم بتوافق أنا ده هأيبقى ردى لأنى قولت قبل كده رأى

على فكرة بقى ظهرت ظاهرة غريبة اصلا كل الرجالة دلوقتى بيدوروا على الست الى بتشتغل ولو لقيوا خريجة تمريض مثلا يبقى ياسعدهم ياهناهم علشان تساعدهم فى مصاريف البيت وهم يرتاحوا دول رجالة بقى

وبعدين زى ماروميساء قالت الشغل بعد الزواج بيكون متوقف على رأى زوجين ولازم ارضاء كل الأطراف وكدة يبقى الموضوع مختلف من شخص لأخر
وكل الوظائف الى اتكلمت عنها دى فعلا لخريجة الديلومات ومش أى بنت ترضى بشغل زى دة
علشان تعرف لو البنت ماحبتش الشغل أو ماكنتش عاجبها عمرها ماهتشتغل يعنى دة بمزاجنا أما أنتوا فلازم تشتغلوا سواء عجبكم او لا

ممكن البنت اللى بتكلم عنها بتشتغل بائعه فى حل او غيره دى تبقى اشتغلة لمجرد حاجته الى المال لكن من وجهة نظرى انا منصاره لحق المرأه فى العمل وخصوصا لما يبقى ده احد اهدفها فى الحياه واعتقد لما بيبقى احد اهدفها معناها انها تشتغل بشهادتها يعنى من مجال دراستها وبعدين طالما قدره توفق بين بيتها وشغلها يبقى ايه المانع فى الشغل بالنسبه ليها

ايه ياشباب فين شباب المنتدى حد يساعدنى ياناس
ماشى ياروميساء بس البنات اللى المتعلمات وفى كليات مرموقه مش كتير اوى قله يعنى زى الشباب ومعظمهم معاهم ثانويه ودبلوم وكليات حقوق واداب يعنى معظم شغلهم هيبقوا موظفين قليل اوى لو حد بيففكر يشتغل ويوصل لاماكن مرموقه زى الشباب بالظبط قليل منهم برضة بيفكر فى انه يبقى حاجة زى احمد زويل مثلا لكن تلت تربع الشباب بيشتغل للماده بس انما البنات فاضيين يشتغلوا اى حاجة ويقولوا بنحقق حلمنا
بالنسبه ليفلى جيرل اى شاب يفكر يتجوز ممرضه علشان تصرف على البيت فهو مش راجل ومتقوليش بيدور على تشاركه مصاريف البيت الراجل يصرف على بيته وعيبه اوى لما يخلى مراته تصرف على البيت عاوزة تشتغل تشتغل وتخلى فلوسها ليها عاوزة تساعد فى مصاريف البيت يبقى من نفسها ميجبرهاش عاوزة تشارك تشارك مش عاوزة هى حره فلوسها وحره تعمل بيها اللى تعمله مادام قادرة توفق بين شغلها وبيتها

هو أكيد مش هيجبرها بس الموضوع دة بيختلف من واحد لأخر يعنى مثلا أنت فى ورطة دلوقتى اهة مفيش أى رأى موجود تانى علشان يأيد وجهة نظرك
أنا أحنا فكلنا متفقين ان الشغل بالنسبة للمرأة جزء من أحلامها وكمان احنا بنتمسك باأحلامنا اكتر منكم بكتير احنا عندنا صبر زايد فلازم تقول على مشكلة عمل المرأة دى انها قضية او مشكلة

عارف والله انى فى ورطه ومحدش معايا يايد موقفى باعونى فى ثوانى ومش لاقى اى حد يلا ربنا معايا بقى احسن من الكل

اكيد الموضوع رائع مشكوره كتير روما
وطبعا العضوه لافلى جيرل و العضو فارس انا شيفه ان عمل المرأه ده بيختلف من ظروف بيت لبيت اخر يعنى احيانا بيكون عمل المرأة ضرورى لان احيانا دخل الرجل بيكون اقل من انوا يصرف على اسره و احيانا عمل المرأه بيكون مهم و عمل الرجل مش مهم ده لو كان دخله قليل
و على العموم هى قضيه نسبيه مش بيحكمها الا مقياس ظروف الاسره المختلفه

انا نسية اشكرك على موضوعك يارومه

انا عندى تعليق بسيط على كلامك يا فارس البنات المتعلمات دلوقتى وفى كليات مرموقه اكتر من نسبة الاولاد الموجوده فى نفس الكليات

معاكى ماشى بس النسبة دى بتمثل 10 فى الميه مثلا من بنات مصر والباقى كليات عادية حقوق وتجارة ودبلومات يعنى مفيش اهادف ليهم غير الشغل والفلوس يعنى مش فى دماغهم نجاح فى الحياه ولا الكلام الفاضى ده

يمكن النسبه اللى ملهاش اهادف عشان مستواهم التعليمى انا من رأى ان اغلبهم بيبقى الهدف الوحيد ليهم انهم يبحسوا عن الاستقرار واللى ممكن تشتغل منهم عشان محتاجه فلوس ده ممكن يكون مجرد ضغط من الظروف الاجتماعيه المحيطه بيها لكن البنت اللى عندها هدف توصل لمكان مرموق دى واحده تعبة فى دراستها عشان كده عيزه تكلله بالنجاح فى مجال دراستها

انا جيــــــــــــــــــــــــــــــــــــــــــــت يا ( الفارس ) .

اولا بحى روما على اسوبها فى الموضوع

وبلومها على العنصريه والتعصب ده

لكن ده من وجهتى انا فقط

وعلى الرغم من ده

فأنا اتفق كثيرا مع ما قالته

ولكنى اعترض على بعض منها

مثل

إذا لم تحبيه يحاول أن يمتلكك وإذا أحببتيه سوف يتركك.

انا شايف انه مسألة الممنوع ديما مرغوب

وفى قاموس الشباب ايضا مثلها

زى

اجرى ورها تتقل عليك .. طنشها تجرى وراك

عزرا

فالرجل والمرأه وجهان لعمله واحده لا يكتملان الا ببعضهم

وانا مع من تفتخر بأنها امرأه\

فقد ذكرت فى موضوع اخر جمله اكررها عليكم

(اتمنى لو ان قلبى قلب امرأه وجسدى جسد رجل وعقلى عقل شيخ (

لكن احمد الله على حالى هذا

بس انا عاوز اذكركم بشئ

هناك رجال ورجال كثيرة مخلصون ومحبون ... الخ

وهناك نساء على غير هذا ....

انا لا احايد ولا اصطف لعنصر معين لكن ادعوكم لروح التعاون فى الحياه

واجعلونا نغير افكر كل منا عن الأخر ونسمو قليلا

أما بالنسبه لعمل المرأه

فالعضو (ه) روميساء فقط اتت بصمام وزمام الموضوع وانا اتفق معها الرأى

مع انى ليا ملحوظه

إحنا ليه فى مصر فى المحلات والسوبر ماركت حتى بتاع اللب بنطلب أنسه للعمل

ومتقوليش علشان هى جاده زى ما العضو(ه) روميساء ذكرت

هناك شباب اكثر جديه يبحث عن الجنيه لكى يطعم نفسه واهله واسرته ان وجدت

انا شايف انها اسباب تانيه

واحب اسمع منكن ايتها الفتيات ما السر وراء هذا ؟

بصراحة هو سؤال سألته لنفسى كتير لما بشوف أغلبية الطلب على البنات لكن أنا بشوفه فى محلات ملابس بناتى أو إكسيسوار وبيبقى السبب واضح لكن فى المحلات أو السوبر ماركت أنا معرفش إيه السبب ومنقدرش نقول إن البنت معاملتها أحسن من الولد لأن كل إنسان مختلف وممكن يبقى الولد أحسن من البنت أو العكس يعنى مش متوقفة على السبب ده هاستنى أعرف الأراء لأنى أنا شخصيا معرفش

لك جزيل الشكر

يعنى فى رايى بيقول ان البنات بيبقوا الطف فى التعامل مع الزباين من الاولاد وفى رايى تانى مش لذيذ يعنى بترجع لشخصيه صاحب ا لمحل علشان فى منهم مش محترمين وانتوا عارفين قصدى وفى رايى تالت يقول مثلا ان البنات طيبين شوية ومعندهمش جرائه فمش هيسرقوا صاحب المحل انما الاولاد ممكن يطلعوا مصالح ليهم والله اعلم

لا خلينا فى الرأى الاول احسن

انا برده ده رأيى ان البنات عندهم فلسفة فى التعامل بتجذب الزبائن

ولكن معظم الشباب مش بيكونوا لطفاء مع الزبائن

عذرا يا الفارس

عذرا يا روما

فأسبابكن ليست مقنعه

فهناك شباب شباب لهم قدرات فى جذب الزبائن

وماذا قصدى بفلسفة التعامل يا روما؟

اقصد ان الفتيات لديهن طريقة سلسة فى الكلام والتعامل

انا معترفة ان ده مش الصواب لكن انا كتبت شئ ممكن يكون صح

اشكرك روما لتوضيح المعلومه

وانا امبارح سألت واحد بتاع لب ( مقله ) قولتله انت ليه حاطت اعلان مطلوب انسه على الباب رغم انه صعب بنت تشتغل هنا

والولد فى المكان ده انسب من البنت

رد عليا وقال : البنت بتجزب الزباين

بصراحه سكت ومكملتش معاه ومشيت

مصيبه ليكون فعلا فكرا ده

دحنا يبقى ..... الله السلام فينا وفى كبريائنا بقى

لا حوله ولا قوه الا بالله

طبعا إجابته فيها إهانة للبنت وأسلوب تفكيره أو أى شخص يفكر بالطريقة دى يبقى مختل عقليا وأنا وضحت رأى إن اختلاف الأسلوب والطريقة فى جذب الزبائن لا يتوقف على نوع الشخص

موضوع غاية فى الروعه مرسيه اوى وبجد وحشتونى اوى يا احلى اعضاء فى احلى منتدى بس اعمل ايه انا بحاول ادخل بس الثانويه بقى وانتوا عارفين

ربنا يوفقك ياشذا شدى حيلك الثانويه عاوزة مذاكره

شكرا لحماسك يا روميساء

وعلى فكره

انا معتز جدا بمقولة

افتخر انى إمرأه

تحياتى

لكى سيدتى

تحياتى

لكل نساء العالم

وانحنى لهم بكل اعتزاز

فهن يستحقن التحيه

ايه ياعم ميمو الكلام ده تنحنى لمين ياعم انتى كده هتزعلنى منك ولا ايه

ههههههههههه عاوز تشكرهم كفايه كلمه شكرا انما تقول انحنى ليهم ده ينفع

اى نعم يا الفارس

انحنى لهم

فمن بين هؤلاء النساء

أمى

وأختى

وغيرهم

انحنى لهن

امى واختى وغيرهن ههههههههههههه

انا بقى لا انحنى لاى مخلوق

[ندعوك للتسجيل في المنتدى أو التعريف بنفسك لمعاينة هذه الصورة] جـــــــــــــــــــــــــــــــــــــــــبـــــــــــــــــــــــــــــــــــــــــــار [ندعوك للتسجيل في المنتدى أو التعريف بنفسك لمعاينة هذه الصورة]

ههههههههههههههههههههههههههههههههههههههههه

بقسوته جبار

ماشى ياعندليب

^
^
^
^
^
فعلا يا جماع دى ظاهره غريبه فى فى البلد دى
اصحاب المحلات بيعملو اعلانات بنات بس
عمرى مشفت كتب مطلوب شاب للعمل
ودا اكيد علشان يجزبو الزباين
علشان كدا نسبه البطاله فى مصر عليه كيييييييييييييييييييييييييييك
البنات ياعينى اللى وقفه حال الشباب
............ مهو لولا قاسم امين كان

الموضوع ده مكنش لازم يتقفل بالسرعه دى ويتهمل كده

بجد الموضوع حيووى جدا

واتمنى اسمع رأى المسيو بصفته كبيرنا كلنا

كما اتمنى اشوف ردود اعضائنا وتحليلهم للموقف ده

فظيييييييييييييييييع تحفه جامد جدا جدا جدا

تسلمى يا رافعه راسنا

» حوار بين رجل و امرأة
» ذكاء امرأة
» كيف تعذب امرأة؟
» امرأة تحج 7 مرات ولم ترى الكعبة
» قصة شفاء امرأة من السرطان والسبب؟؟؟؟؟؟