ثلاث صور حيّرت علماء العالم

سبحان الله
يوضع سره فى أضعف خلقه
ممكن مايبقاش شافها صحيح لكن خياله الواسع يقدر يخليه يبدع

لو كان فعلا خياله واسع وبحاسه اللمس قدر يعرف الشكل ازاى بيختار الالوان وهو مشفهاش خالص

لو كان فعلا خياله واسع وبحاسه اللمس قدر يعرف الشكل ازاى بيختار الالوان وهو مشفهاش خالص

اكيد يا الفارس الى حوالية بيعرفوة او حتى هو بيسأل عنها أكيد بيسألوا عن كل حاجة علشان يعرفوا ويقدروا يتخيلوا
الألوان مش مشكلة خالص ازاى بيقدر يعرف مثلا أخر منطقة رسم فيها وعاوز بقى يكمل يعرف دة ازاى هو فعلا كدة خيالة واسع بس محير
مشكور على الموضوع

يافارس إنت اتجهت فى جزئية واحدة وأهملت باقى الأجزاء فعلا زى ما لفلى قالت إزاى قدر يعرف يكمل الرسم وإن دى نهاية الرسم أو الشكل ولو رجعت للصورة هنأخد أبسط مثال صورة الفاكهة شوف قدر يرسمها إزاى كأنها طبيعية ده رسم شكل البطيخة من الداخل ومن الخارج وهو عمره ماشافها لكن ممكن أى إنسان يشرحله أو يعرفه على الأقل وبعدين أنت ناسى إنك عملت موضوع قبل كده اسمه "أفضل القصص المؤثرة على الإطلاق" وكان عن الشخص الكفيف شوف قدر إزاى يتخيل ويوصف كل يوم للمريض التانى واقع وهو كان من خياله يارب تكون اقتنعت

لا مقتنعتش لان القصه بتاع الراجل الكفيف كانت من خيال المؤلف وبيحكيها. والمؤلف هواللى وضع الشخصيات يعنى بيحكى بس على لسان الكفيف وفرضا هنقول ان ده كلام الراجل الكفيف نفسه فده بيكون عن طريق السمع سمع قبل كده وقال يعنى مثلا لما يقول الشجر الاخضر البط فى البحيره هو ميعرفش يعنى ايه اللون الاخضر ولا شكل البط انما بيقول على السمع
اما فى حاله الاخ ده فممكن يكون رسم عن طريق حاسه اللمس يعنى مسك الموزة او مسك البطيخه وفضل يتخيل شكلها .
زى ليفلى جيرل ماشافت هى شافت انه ازاى بيقدر يعرف اخر منطقه وصل ليها ويكمل بعضها وانا موافقها لان ده صعب فى حاله زى دى لكن برضه من رايى الالوان ميقدرش ابدا يتخيلها فاكيد حد ساعده فيها ولونها يعنى الصور دى 30 فى الميه مجهوده فيها والباقى معتمد على الاخرين

يارب تكونى اقتنعتى بقى انتى

أنا مش هارد هانسيب لفلى جيرل ترد لأنى قولت إن كلامها صح وهى اللى تقصده ده على فهمى أنا إنها بتقولك فكر إزاى هو وصل لأخر حاجة رسمها وده أنا قولته إنه صحيح وإزاى يبقى 30% بس هما مجهوده هو راسم اللوحات وكأن إنسان بصير اللى راسمها الإعجاز إنه مارسمش شكل على التانى يعنى رسم كل حاجة مترتبة ومفيش لون دخل على التانى ولا جزء من أى شكل دخل على جزء تانى وهى كمان متفقة معايا على إنه خياله واسع جدا بس محير زى ماانا قولت يعنى وتقريبا هى بقى اللى هاتوضحلنا معنى اللى كتبته ونشوف هانوصل معاك لحل ولا لأ علشان إنت مش بتقتنع بسهولة وممكن تبقى أرائنا صح بنسبة 95% وإنت بتعارض بردو

لا والله ياروميساء انا لو عندى ذره يقين بكلامكم انا هقتنع على طول انا مش بعترض على حاجة شايفها صح لان ده يبقى غباء مش ذكاء بس مقتنعش بحاجة مش فهمها انا لو بعترض على كلامك لغرض الاعتراض فقط مش هجيبلك دليل ولا هتناقش معاكى هقولك كلامك غلط وخلاص انما انا بتناقش وكل واحد عنده ادلته واختلاف الرأى لا يفسد للود قضيه وانا وضحتلك فوق كلامى بالدليل ونستنى رد ليفلى جيرل

أكيد اختلاف الرأى لايفسد للود قضيه بس أصلا كلامى وكلام لفلى واحد نفس المعنى يعنى فأنت عارضتنى على أساس إيه وهى متفقة معايا فى رأى

انا معترضتش انتى اللى اعترضتى فى الاول لما قولتى انت اتجهت لجزئيه واحده واهملت بقيه الاجزاء انا كلامى واضح قولتلكم الرسم ممكن يكون هو اللى رسم لانه اتخيل اللى بيرسمه عن طريق حاسه اللمس فضل يحسس على الشىء ده لحد ماعرف يرسمه انما الالوان بقى مشفهاش خالص ولا يعرف شكلها يبقى اكيد حد ساعده واللى ساعده على اختيار الالوان هو نفسه اللى ساعده على تكمله الجزء اللى بيوقف عنده يبقى مجهوده يعتبر 30 فى الميه والباقى مجهود الاخرين اللى بيساعدوه انما استحاله يرسم كده ونقول فى الاخر ده خياله واسع اوى
وبعدين ذكرتى القصه بتا ع الكفيف علشان تثبيتلى ان الكفيف ممكن يكون خياله واسع ويفضل يتخيل اى حاجة فرديت عليكى وقولتلك استحاله يتخيل المنظر بالدقه دى وبالالوان لانه ميعرفش يعى ايه الوان وقولتلك المؤلف بيتكلمعلى لسان الكفيف ولو حتى الكفيف هو اللى بيتكلم فده بيكون على سمع وده سهل لانه بقول اللى بيسمعه لكن لو رسم اللى بيسمعه استحاله يجيبه بالدقه دى زى مافى الرسم وانا الصراحه مش مقتنع ان واحد كفيف يرسم بالدقه دى الا لو كان حد ساعده ومساعده كبيره كمان

الى حصل دة شئ طبيعى لأن الموضوع اصلا اسمة ثلاث صور حيرت علماء العالم يبقى مش هتحيرنا احنا
وانا قلت رأى فى الأول وبجد دة الى محيرنى