معنى كلمة صفيق .............؟

أكيد فى كتيييييييييييييييييييييير عاوزين يعرفوا اية معنى كلمة صفيق وأنا منهم علشان نعرف تامر حسنى اتهز بــــــــــ اية شوفوا بقى


صفيق : مصدرها صفق
صفق: الصَّفْق: الضرب الذي يسمع له صوت، وكذلك التَّصْفِيقُ. ويقال:
صَفَّقَ بيديه وصفَّح سواء

َ وصَفَّقَ بيديه: هو من ضَرْب صَفْحةِ الكفِّ على صفحة الكف الأُخرى

التصفيق التَّصْدية، وقيل للتَّصّفِيق تَصْديَةٌ لأَن اليدين تتصافقان فيقابل صَفْقُ هذه صَفْقَ
الأُخرى، وصدُّ هذه صَدَّ الأُخرى وهما وَجْهاها
واصْطَفَقَ
القومُ: اضطربوا. وتصافَقُوا: تبايعوا. وصَفَقَ يَده بالبيعة والبيع
وعلى يده صَفْقاً: ضرب بيده على يده، وذلك عند وجوب البيع
. وصفَقَ رأْسَه يَصفِقه صفْقاً:
ضربه، وصَفَقَ عينه كذلك أَي ردَّها وغمَّضها
والصفيق منها المضروب رأسه
وأَصْفَقَتْ يدُه بكذا أَي صادَقَتْه ووافَقَتْه
صَفَقْتُ القدحَ وصَفَّقْتُه وأَصْفَقْتُه إِذا مَلأْته
وصَفَقَت الريحُ الماءَ: ضرَبَتْه فصَفَّتْه، والرِّيحُ تَصْفِقُ
الأَشجارَ فتَصْطَفِقُ أَي تضطرب. وصَفَّقَت الرِّيحُ الشيء إِذا قَلَبَتْه
يميناً وشمالاً وردَّدَتْه
والصَّفُوق الحجاب الممتنع من الجِبال، والصُّفُقُ
وثوب صَفِيق: مَتِين بيّن الصَّفاقة، وقد صَفُقَ صَقاقةً: كثُف نسجه،
وأَصْفَقَه الحائك. وثوب صَفِيق وسَفِيق: جيّدُ النسج. والصَّفِيقُ:
الجَلْدُ. والصَّفُوق: الصَّعُود المُنْكرة، وجمعها صَفائِقُ وصُفُقٌ.
وصافَقَ بين قميصين: لَبِس أَحدَهما فوق الآخر. والدِّيكُ الصَّفّاقُ:
الذي يضرب بجناحيه إِذا صوّت
وصَفَقَ ماشِيَته صَفْقاً: صرَفها. وصَفَقَ الرجلُ صَفْقاً: ذهب
والغنم الصفيق أي المحلوبة مرة
والصَّفائِقُ: صَوارِفُ الخطوب وحوادثها، الواحدة صَفيقة
وصَفَقْتُ العود إِذا حرّكت أَوْتارَه فاصْطَفَقَ. واصْطَفَقَت
المَزاهِرُ إِذا أَجابَ بعضها بعضاً
الصفيق : هو الرجل الوقح والصفيق أيضا الرجل المضروب بالسيف



سفيق: من سفق
سفق: السَّفْق: لغة في الصَّفْق. وثوب سَفِيق أي صَفيق، وسَفُقَ الثوبُ
يَسْفُق سَفاقةً، فهو سَفِيق: كَثُف، وفي التهذيب: إذا لم يكن سَخِيفاً
وكان سَفِيقاً إذا رَدَدْته، وأسْفَقَه الحائكُ. ورجل سَفِيقُ الوجه:
قليلُ الحياء وَقِحٌ. وسَفَقَ البابَ سَفْقاً وأسْفَقَه فانْسَفَق أي
أغْلَقه، والصاد لغة أي سفق صفق وصفيق سفيق

والسينُ والصادُ يتعاقبان مع القاف والخاء، إلا
أن بعض الكلمات يكثر في الصاد وبعضها يكثر في السين

وسَفَقَ وَجْهَ الرجل: لَطَمَه. وأسْفَقَ
الغنمَ: لم يَحْلُبْها في اليوم إلا مرة.
ورجل سفيق لطيم

شكرا على المعلومات الكتيره دى بارك الله فيكى

إيه ياحبى ده أنا لسه سألاكى على معناها إيه السرعة دى

معلومه كويسه والله طب اصلا مين شتم تامر حسنى وقاله الكلمه دى؟
هو اتشتم بكلام كتير وانضرب كمان لما راح المنصورة فى حفله كان منظمه فى اسبوع شباب الجامعات لكن لما تعرفوا السبب اللى انضرب علشانه هتعرفوا فعلا انه انسان صفيق وابن صفيق ومش محترم الحفله كانت مقامه فى الاستاد وكان فى جزء مخصص للبنات وهو ارض الملعب اما فوق فى المدرجات فكان مخصص للشباب وفجاه طلع مدير اعمال الكلب ده وقال انه مش هيغنى الا لما الشباب تنزل تحت مع البنات وفى لحظه الاستاد اتقلب والشباب نزل والاستاد بقى زحمه بنات فى وسط ولاد وفى بنات اغمى عليها هو ده السبب اللى انضرب علشانه

مشكوره كتير علي الموضوع و سلمت يداكي

شكرا يا ذات الرداء الابيض على المعلومه
يعنى مى عز الدين هى اللى عدله اوى والله الوسط الفنى كله بلا استثناء صفيق وناس مش محترمه

يا ذات الرداء الأبيض أنتى تردى عنى فى أى حاجة ولكى كل الحق ولنا عظيم الشرف

دة فعلا قصدى يا الفارس
ملفتش نظرك الفيلم دة قبل كدة ولا اية

وشكرا ياجماعة على ردودكم

على فكره انا بكرهه تامر حسنى جدا ومحبهوش علشان كده مش بتفرج على افلامه حتى الفيلم ده فضل سنه على الجهاز ولا فتحته ولا بصتله لان تامر حسنى فى وجهه نظرى الشخصيه شاب تافه اغانيه تافهه فى اللحن والكلمات وديما فى حفلاته ينزل وسط الجمهور علشان عارف ان البنات هيجروا عليه ويعيطوا عليه وكمان ابن مين ده علشان يتهرب من الخدمه العسكريه احسن من الشباب اللى بتروح الجيش فى ايه وكمان فى فيلم كابتن هيما والله حتى ماتفرجت عليه كله شوفت اول لقطات كده منه وبالصدفه لقيت مشهد زباله بينه وبين اخته لما سالته عن حاجات خاصه من الصيدليه ومش هكمل علشان انتوا عارفين المشهد قالها انه جاب الحاجات دى ازاى يعنى وبتحصل فين د ى ان اخ يكلم اخته فى حاجة زى دى اساسا ولا يقول كده
شخصيات تافهه فرضت نفسها علينا بارادتنا مش عارف مين اعطاهم الحق انهم يتكلموا عن قضايانا باسلوبهم وبطريقتهم اللى شايفينها هما مش احنا يصورو ا افلام العرى ويقولوا مش ده اللى بيحصل هو احنا جبنا حاجة من عندنا حتى لو بيحصل ليه تصوروا كده فى الافلام اللى بتدخل كل بيت .

اوك معاكى بس زمان كان الفن راقى الفنان كان بيشتغل للفن مش لمصالح شخصيه وكانت الناس بتتذوق الفن ده وبتنتقده وكان عدد الافلام قليل علشان كده كانت الناس بتعرف تنتقده لانها كانت بتتفرج مره واتنين وتلاته ومكنش حد من فنانين زمان يقدر يقول الفاظ خارجه او يظهر فى مشهد عرى واباحيه ومحدش يقدر يتكلم فى الدين بدون علم زى دلوقتى مثلا فى برنامج شوفته كان اسمه اظن مذيع من جهه امنيه كان مستضيف الهام شاهين فبتسالها عن فيلم واحد صفر وانها كانت رافضة فكره عدم الطلاق فى الدين المسيحيى تقولها انابتكلم عن حقوق الانسان مش الدين, الدين يرفض ليه الطلاق فقالتلها ترضى حد مسيحيى يتكلم عن الجواز باربعه فى فيلم ويقول مينفعش نتجوز اربعه ولازم واحده بس قالتلها ماشى لو بيتكلم عن حقوق الانسان مين اعطاها سلطه تحكم وتتحكم فى الدين ومين ادى سلطه لخالد يوسف يصور افلام عن المساؤى اللى فى مصر ويعرضها على العالم كله ويظهر فى الفيلم المشاهد الاباحيه اللى عاوزها ومحدش يتكلم وصورة مصر تتهز فى العالم العربى بسبب الافلام ومين ادى سلطه ليوسف شاهين الله يكحمه مطرح ماراح اانه يصور مشاهد اكثر اباحيه وصريحه فى افلامه زى فيلم اسكندريه نيويورك ومين فرض شخصيه زباله زى سمير غانم تطلع فى التلفزيون كل شويه ويفضل يكرر عباره انا بحب النسوان وهو عدى الستين سنه وعنده احفاد دلوقتى هى دى رساله الفن مفيش وجهه مقارنه بين فن زمان وفن دلوقتى

اية ياجماعة المناقشة الساخنة دى علشان تامر حسنى بس بصراحة جامدة
طيب انا عملت الموضوع لمجرد الفضول علشان نعرف معنى الكلمة بدون ترديد بس
وشكرا لكل الردود

موضوعك فتح موضوع مهم جدا وياريت كل الاعضاء يقولوا ايه رايهم فى الفن وهل هو فعلا رساله زى مابيضحكوا علينا ومفهمين الشعب كله كده ولا هو مجرد فكره لنشر الاباحيه والافكار الهدامه للشعب المصرى؟
انا وصلت لرساله الفن وعرفتها ورساله الفن هى plz call me كلمنى شكرا ههههههههههه هى دى رساله الفن

الإعلام المصرى من زمان إعلام فاسد ورسالاته تقريبا معظمها فاسدة يعنى يافارس إنت عامل هجوم جامد على تامر لكن أنا رأى إن لما بقول مثلا أنا بحب تامر أو بحب أغانيه مش معناه إنى أدخل فى شخصية الإنسان ده إحنا أساسا مانعرفهوش ولا نعرف شخصيته وفى مثل يقولك "عارف فلان عارفه عاشرته لا يبقى ماتعرفهوش" وإحنا شخصيته ماتهمناش فى حاجة لأنه بعيد عننا جدا وكمان أنا عندى وجهة نظر تانية الإنسان ده حلم بحلم كبير وكان عمره مايصدق إنه يحققه إنت لو عارف حياته كانت إزاى هاتقول عليه إنسان ناجح لأنه عمره ماعرف اليأس وحياته نقدر نقول عليها حياة ضنك وبعيد بقى عن إيه اللى وصله أو إيه شغله مغنى ممثل بس المهم إنه نجح ووصل مش زى ناس كتير لو حلمها اتكسر فى يوم تبقى كل الأحلام اتهدمت والدنيا اتقفلت واسودت وفى ناس كتير كدهوكمان هو ماخجلش لما حكى قصة حياته وملايين الملايين من الناس شافته يعنى مانكرش حياته بالعكس افتخر بيها لأن الإنسان مايعابش على حياة اتولد لقاها لكن يتعاب على حياة اتمادى فيها ومحاولش يغيرها
بالنسبة للأعلام بقى يعنى دلوقتى هأجيب مثال لو شفت فيلم أبى فوق الشجرة قبل مايتعدل فيلم قذر ومين كان فيه عبدالحليم حبيب الملايين ليه محدش نقده وافلام كتير جدا قذرة من زمان ولا سعاد حسنى ولا حسن يوسف اللى ربنا هداه دلوقتى وناس كتير يعنى لو جينا نشوف الإعلام هانلاقيه قذر وفاسد من زمان ونقدر نقول إنه زاد قذارة بدخول مثلا إيناس الدغيدى ويوسف شاهين وخالد يوسف وناس كتير لوجينا نحاكم يبقى لازم نعدم كل الإعلاميين ونمحى الإعلام
نقطة كمان على الإعلام لما نيجى نشوف فيلم بيوصل معلومة معينة أو فكرة أو صفة والمفروض إننا نبعد عنها بنلاقيه بيوصلها بطريقة سلبية أكتر يعنى بيعلم المشاهدين الطريقة مش بيبعدهم عنها يعنى بدل مايوعى الناس بيزيدهم ضلال يعنى مثلا فيلم "اوقات فراغ" شوف الهدف منه توعية البنات والشباب هو بصراحة مش وعى ده هو أفسد وكمان الأفلام اللى بتوعى بعدم السرقة والحاجات التانية هما بيعلموا الناس إزاى يسرقوا وينصبوا لأنهم فاهمين الإعلام غلط وبالتالى هايأدوه غلط
وبالنسبة لذات الرداء الأبيض كلامك تقريبا قريب من كلامى لكن أنا بعترض إن الفن رسالة وبيختلف بإختلاف الشخصية لأن الفنان بيأدى دور غير شخصيته وحياته ممكن يبقى الأسلوب ليه أثر لكن مش بتوضح شخصية الفنان فى الدور يعنى مثلا فنان أدى دور واحد حرامى وظهرت ملامح شخصية فى الدور ونلاقى نفس الفنان أدى دور داعى فى الدين شخصية مختلفة نهائى وبما إن الفن رسالة يبقى لازم توصل صح بعيد عن النظر للفنان وأنا مازلت مقتنعه إن الفن رسالة فاسدة من زمان ومش هايقدروا يأدوه صح لأن الجيال بتنحدر مش بتتقدم

لأ إنتى فهمتى غلط رسالة الفن اللى بنتكلم عليها هى الإعلام وأنا شايفة إن الإعلام المصرى فاسد واختلاف الرأى لايفسد للود قضية ياقمر
وأنا بشجع المواهب زى الكتابة والرسم والغناء بس بصراحة مقابلتش لسه اللى عنده موهبة الغناء وأنا بتكلم على إن الفنانيين فاهمين الإعلام غلط ومابيأدوش أدوارهم صح إنتى لوجيتى تقارنى بين الإعلام الأوروبى والتركى بإعلامنا بغض النظر عن قذارتهم هما كمان لكن بيأدوه صح وبتبقى مشاهد حقيقية أغلبها مش تلاقى مثلا عندنا ممثلة أبوها توفى وعامله make up على أخر صايحة وحاجات كتير ومشاهد البكاء إنتى متخيلة إنهم بيعرفوا يبكوا ماظنش

أنا أقصد مشاهد البكاء داخل الفيلم أو المسلسل مش فى الخارج وأنا أقصد إنهم مش بارعين فى التمثيل زى الإعلام التركى والأوروبى زى ماقولت فى الأول

أنا ماليش فى موضوع الاعلام دة أوى علشان أرد عليكم بس هو فعلا الأفلام الأيام دى بقيت حاجة فظيعة ولا تطاق بالمرة
بس بردو مش كلها اى حاجة فيها الحلو والوحش بايدنا احنا بقى نختار الحلو ونبعد عن الوحش بدون مهاجمات جامدة لاى فنان يا الفارس

لا يا ذات الرداء الابيض اسف جدا انا اقصد بالفن الاعلام معلش دى غلطه منى انما انا بحب الرسم والكوره والادب والموسيقى والاغانى اللى كلماتها كويسه يعنى بالنسبة لروميساء انا اتكلمت فى شخصيه تامر حسنى عن اغانيه وقولت كلام الاغانى وحش جدا مش اقصد شخصيته انا حبيت اوضح جانب من الشخصيه بالنسبه ليا شخصيته وحشة بالنسبة لغيرى يقول مليش دعوه بشخصيته انما انا برضه اتكلمت على كلمات اغانيه
وبالنسبة لفيلم ابى فوق الشجره ده محتار لحد دلوقتى ازاى عبد الحليم يعمل فيلم زى دى ومستغرب جدا للحكايه دى بس مهما حصل برضة فالمشاهد فيه موصلتش لمشاهد فيلم من بتوع اليومين دول ولا الالفاظ كمان كانت سيئه جدا زى فيلم بدون رقابه واسكندريه نيو يورك
بالذمه دى كلمات اغانى كويسه يابنت الايه و خليها تاكلك واجمل حاجة بحبها فيكى ويبص ايه ده الغم ده فين الجمال فى اغانيه بقى

أنت بتقتصر على أغنية أو اتنين وباقى أغانيه فين فى أغانى كتير جميلة جداااااااا ليه وعلى فكرة لو جينا نشوف مش هانلاقيه لوحده بيعمل أغانى ممكن متعجبش ناس ,زيك مثلا مش عجبتك أغنية يابنت الأيه مع أنها جامده جدا فى مغنين كتير ليهم أغانى كده وأكتر وعلى فكرة أنت هاجمته بطريقة فظيعة أوى يعنى أقدر أقول إنك بتكرهه بطريقة مش طبيعية يبقى ملهوش فايدة إنك تتكلم عليه لأننا لو نقدنا بالطريقة دى يبقى مش هانقتصر على تامر حسنى فقط

من الاخر تامر حسنى ده مش بينزلى من زور مش بيدخل اصلا علشان ينزل من زورى انسان تافه جدا جدا جدا الفنان المحترم محترم فى كل حاجة مش يمشى على سطر ويسيب سطر اغنيه حلوة واغنيه خليعه وكلماتها زباله دة يبقى مطرب على ماتفرج . اما الاعلام فهو اعلام فاشل بكل المقاييس افلام بتطرح افكار محفوظه ياما ضياع الشباب بس اهلهم ياما اطفال الشوارع كل ده الناس عارفاه وحفظاه بيصوروه هما بطريقة وحشه جدا ويعرضوه على التليفزيون
ثانيا بيهتم بالفنانين اكتر من علماء الازهر الشيخ محمد المسير من علماء الازهر توفى والتليفزيون ميتكلمش عنه خالص وده كان راجل عظيم جداوقبله الشيخ عطيه صقر ولما فنان بيموت الدنيا بتتقلب عليه والتلفزيون يصدعنا بيه

كده انتى هتعملى زى وزير الاعلام نفس الكلمتين قالهم كل واحد فى ايده ريموت يختار اللى عاوزة بس ده مش حل الشيطان بيجرى مجرى الدم فى عروقنا متساعدش انت وتجيب الاباحية وتقوله اختار من باب اولى تقطعها خالص وتمنعها بدل ماتبثها وتقوله اختار ولا مش معايا فى الرأى ده

يعنى علشان الشباب عاوز كده يبقى المسئولين يوفروا ليهم الحاجات دى ده كلام برضه وبعدين انا بتكلم على الاعلام المصرى مش الفضائيات يعنى مثلا افلام بتتعرض على التليفزيون المصرى ماشى دلوقتى محدش بيتابع التليفزيون المصرى وكله بيتابع الفضائيات لكن فى افلام بتم بموافقه الرقابه المصريه والرقابه لو عاوزة تمنع اى فيلم هتمنعه فيلم زى سهر الليالى فى مشاهد خارجه كل الافلام الجديده فيها مشاهد خارجه وبعد ده كله يجيبوا الفنانين ويعملوا ليهم مهرجان زى مهرجان القاهرة السينمائى وفى واحد كان رئيس الامن فى المهرجان ده قابلته وقالى الاكل اتكلف فى المهرجان ده الاكل بس 15 مليون جنيه وده من فلوس الشعب حرام ده ولا حلال يعنى بينشروا اباحيه وبرضة بيتكرموا من فلوس الشعب وبعدين يعنى لو الشباب عاوز حاجة كويسه هيسالوا فيهم ولا هيعبروهم انما عاوز الحاجات دى يبقى نعملهم اللى نفسهم فيه .يعنى لو فى مشكله مش كويسه فى المجتمع مثلا يعنى مشكله محرج الواحد يذكرها طبعا كل الناس عارفه انه دة موجود وده الواقع ميجيش هو يصور ده فى افلامه ويقول ده الواقع حتى الواحد لما يتفرج مع اهل بيته على الفيلم بيكون محرج من المواقف اللى قيه علشانهم يعنى حرام ده ولا حلال

موضوع جميل مشكوره علي المعلومه

يالهوى انا تعبت من القراءه انتو مش بتزهئوا من الكتابه الكتير ديه بس حوار ساخن اوى اوعى وموضع حميل يا لفلى

إيه ياجماعة نستحمل بعضنا ويامحمد المناقشة جميلة جدا وبنستفاد من أراء وأفكار الكل وبنكتسب خبرة كمان ويالولا ده رأى محمد يعنى مجرد رأى مانقدرش نقوله مايشاركش أو إننا مش هانقبله معانا إحنا الكبار ياقمر


أنا بقى رأى وسط مابينكم فعلا إحنا اللى نقدر نختار القنوات اللى عايزنها لكن الأفلام والقضايا اللى بتتعرض بقيت خارجة جدا والكليبات كمان وزى ماقولت قبل كده إنهم بدل مايعرضوا مشكلة وبيستفيد منها الشباب بيبقى الضرر أكبر بيعلموهم تصرفات أكبر وألفاظ خارجة جدا وطرق نصب واحتيال يعنى بتضر أكتر مابتنفع وهو إعلامنا إعلام فاسد لأننا بقينا نفضل التقليد الغربى أكبر مثال من بعد ظهور المسلسلات التركية وظهور بعض اللقطات الخارجة فيها وإحنا بنعترض عليها ظهرت فى إعلامنا وأكتر منها كمان إحنا شعب بيعشق التقليد الغربى فى كل حاجة

مشكورين كتير كتير وتقبلوا مرورى من جديد

أنا أقصد يالولا إنك ماتقوليش إنك مش متقبلة لأن ممكن رأيك يضايقه والكلمة بيبقى ليها أثر على نفس الإنسان بالسلب أو بالإيجاب يعنى ممكن رأيك يضايقه وإحنا فعلا الكبار علشان كده يبقى لازم نتقبل أراء الأخرين على أساس إننا أعقل وأنا شايفه إن رأيه ما أثرش على احترامنا

تقبلى مرورى

حصل خير ياشباب مفيش مشاكل ويلا يا mohamedmos3ad
قول رايك فى الموضوع ده وفى الاعلام وفى الممثلين وفى تامر حسنى بالذات

لالالالالا يافارس مفيش مشاكل حصلت المنتدى والأعضاء لسه بخير

يارب ديما نفضل فى خير وربنا ميجبش زعل

والله كل الكلام الوحش اللى فى الدنيا يا لولا مايوفيه حقه