احلى رسالتين فى الحب ههههههههههههه

سوزي ووائل/رسائل غرامية بين زوجين



وائل من الصعيد,اعتقل...وهذه رسائل بينه وبين زوجته..سوزي



جوزى الغالى.....ابو عيالى...والغايب عن عينى ليالى..
واللى انا على حالو مشندل....والمسجون فى لمان ابو زعبل.
عمرى فى يوم يا جميل ما انساك .....وكيف انساك وانت مخرشم قلبى هواك.
يااللى بطحت جماجم قلبى بالقبقاب.....يااللى القلب فى حبك داب.
كل ما ينوح على الشجرة غراب....اقول يا فقرى ...بتفكرنى بصوت الاحباب.
لما خدوك من البيت ومشيت انا اتغمت......كان نفسى اعملك فول بالزيت.
املى فى رب القدرة تعود.....هو المش بينفع من ابدا غير دود.
نرجع تانى نجرى ونلعب زى زمان ....يا نبع حنان....يا سبع......يا صقر....يا نسر....يا ابو قردان.
والله وحشنى يا ابن الناس....نرجع نلعب تانى صلح...وتضربنى على رأسى بالفاس.
اه يا حبوب....حبك خرشم قلبى...دعكو بالمركوب.
احدفنى يا غزال بورده..مش هتلاقى احدف بصله..مش هتلاقى ايس واحدف قالب طوب.
اه يا منايا...انت الروح الى جوايا...ام قويق الى بتحوم على طول فى سمايا.
ما تقلقشى انا حلة وانت غطايا.
بعتالك حلة سلامات.....ومعاها طشتين جوابات....
واخيرا الله يرعاك


امضاء سوزى


##############


هذا هو رد الزوج عليها


الجوزة المصونة.....والجوهرة المكنونة.
يا شجرة ....يا فلة....يا ورده ....يا ضلة.
وصلنى منك احلى جواب...يا عود لبلاب....يا كوز عناب....نعمه الجوزة....واحد راجل من غير شناب.
يا جمالك سبحان من صور....قلبى فى حبك واخد بشلة وخلاص اتعود.
يا قمر منور ....يا رغيف مدور....يا قرد مصور....
لو ينفع نكتب حكايتنا لاهل السيما...يا فرسه....يا مهره....يا احلى بهيمه.
ايه اخبار البت ستوته ...وايه اخبار الواد سفروت..
صحيح الغربه تعبانى شويه...بس الجسم ارتاح من البرغوت.
ماكنتش اعرف ان الاهل على عزاز....لما اسيبك زى ما اكون حفيان...وبدوس على كسر ازاز.
صورتك دايما جوه فى عينى....عامله فى شعرك ديل معزايه......وحطه فى راسك رتلين جاز.
يا شجرة دوم....يا نعيم بيدوم......يا ريحة الثوم.
باعتلك مقطفين سلامات....
ومعاهم شوالين جوابات....
واخيرا الله يرعاكى

امضاء وائل

أنت متأكد إنهم سوزى ووائل [ندعوك للتسجيل في المنتدى أو التعريف بنفسك لمعاينة هذه الصورة]

ههههههههههههههههه اكيد دول اسمهم ما الصعيد اتطورت دلوقتى

هههههههههههههههه
لا بجد رائعة رسائل مليئة بالحب والغرام واساميهم اسبور خالص