مقارنة بين بنت غنية جداً وبنت فقيرة جداً

دي مقارنة بسيطة جدا بين بنت غنية جدا وبنت فقيرة جدا


نبدء من الاول


الغنية تبقا نايمة وفي حضنها الدبدوب والارنوب الجميل وتبقا نايمة علي سرير فخم جدا وفي سابع نومة وتصحي تقريبا حوالي الساعة 1 ظهرا او العصر خلوها العصر تيجي الخادمة الاجنبية تصحيها بالانجليزي كمان ومترداش تصحي وبعدين كمان ساعة تيجي ماما بفتح الالف تصحيها اصحي يا مرام اصحي يا حبيبي ودي ابدا سيبيني يا ماما دي الساعة 2 الظهر في حد بيصحي دلوقتي ااااااوف تقوم ماما بفتح الالف تشغل لها حتة موسيقة هادية وتفتح الشبابيك والمكان كلة هدوء مفيش اي نوع من انواع الازعاج وبعدين تقوم بقا وتروح الحمام وترجع قدام المرايا تفضل بقا تحط كريم مش عارف اية وكريم مش عارف اية عشان الشمس وبعدين تلبس هدمها علي احدث موضة وبعدين تفطر كوب برتقال اصلها بتعمل ريجيم


وبعدين الفقيرة


الفقيرة تبقا نايمة وواخدة في حضنها المخدة وفي حارة او شارع دوشة واللي بيقول القوطة واللي بيقول قرب تعالي بدلة حمادة بجنية ونص ويعيني بتحلم ازاي هتجيب عيش بكرة في الطبور الطويل اللي بتقف فية وسرير معفن سرير تجميع وتشوفو شكلها وهي نايمة علي السواد اللي هتشوفوة مش بعيد تكون بتشخر وشعرها كل شوية في نحية ومش غاسلة وشها تدخل امها تصحيها انتي يا بنت قومي يا زفتة الساعة 8 وانتي لسة مخمودة لحد دلوقتي حاضر ياما 5 دقايق بس وهقوم متقومي يابت متتعبيش قلبي وبعدين مش بتصحي علي موسيقي زي صاحبتنا لا الحارة كلها تصحي علي صوت امها وهي بتصوت اصل البت مش عاوزة تصحة ويجي اخوها فراج اسمة فرج بس بيدلعوة بفراج يروح رافسها بالرجل ويقولها متقومي ربنا يخدك
تقف طبور علي الحمام وبعدين تلبس حتتين الهدوم اللي حلتها وتدور علي اي حاجة باقية من طبق الفول اللي اهلها نسفوة


الغنية تقلب الدنيا لو ظفر من ظوفرها اتقطم وتقعد تعيط حوالي 3 ساعات

الفقيرة معندهاش ظوافر اصلا

الغنية مبتخرجش من البيت قبل المغرب عشان تسهر مع صحبتها
واللي اسمهم يارا وتوتي ومي وماهي

الفقيرة تخرج من صباحية ربنا لحد المغرب عشان تقف مع صاحبتها يشترو العيش
واللي اسمهم نحمدة وفتحية ورضا وسعدية وسريا وست ابوها

الغنية بتروح للكوفير 3 مرات في الاسبوع


الفقيرة بتروح يوم فرحها دي لو لقيت اللي يتجوزها اصلا


الغنية لو شافت ولد حلووووووو وحركات ولابس ماركات تبتدي تعمل الشغل اللي علي اصولة بقلمين ميكب وتفضل تروح وتيجي من قدامة وتعمل حركات وتورية لصاحبتها وتتكلم معاة بالنظرات والابتسامات لحد مايوقع

الفقيرة لو شافت ولد معفن تبتدي تعمل الشغل اللي هو متقولش لصحبتها ليخطفوة منها
وكبيرها قلم كحل منتهي الصلاحية وتعمل حركات مكشوفة قوي يعني ممكن تروح تقول لة الساعة كام يا اخ


الغنية الضحكة هههههههههههههههه

الفقيرة الضحكة هع هع هع هع هع هع هع


الغنية لو بتسمع اغاني تسمع ريكن مارتن وانريكي ومادونا والممثلين توم كروز والممثلات جوليا روبتس او انجلينا جولي

الفقيرة لو سمعت اصلا اغاني كبيرها سعد الصغير او شعبولال وايييييييييييية والمثلين كبيرها عبد الفتاح القصري وزينات صدقي

الغنية لو حبت تتفرج علي التلفزيون تقعد علي الكنبة وتحط رجل علي رجل وتبتسم لان الابتسامة تضفي بشاشة علي الوجة والريموت قدامها علي الترابيزة

الفقيرة لما تتفرج علي التلفزيون تقعد علي الارض وترفع رجليهال لفوق ولو حبت تغير القناة الاولي تدوس علي الزرار اللي في التلفزيون برجليها