وجهة نظر "رجاء الدخول"

من وجهة نظرك : ماهى أسباب قبول أو عدم قبول الطلاب لمادة الكيمياء؟

عدم قبول (بتكلم عن نفسى)

هو يمكن علشان انا مش شاطر فيها اوى بس كنت بعشقها فى تالتة اعدادى ربن ينتقم منة مدرس الكيميا اللى بيدينى

قبول

دى استحالة علشان أنا مش فهمها فهقول بحبها ازاى


من وجهة نظرك : ماهى المعوقات التى تواجه الطلاب فى دراسة مادة الكيمياء؟

حل المسائل علشان مبعرفش أحل غير شوية منها بس

من وجهة نظرك : هل الجانب العملى لمادة الكيمياء يُشكل خطر جسيم على البيئة أكثر من جانب الإستفادة منها؟

رأىيى ذى محمد

ماهى أسباب قبول أو عدم قبول الطلاب لمادة الكيمياء؟

اسباب القبول
1.معرفة كل ما يطرأ على العالم من تغيرات كميائيه والفضول فى التعرف على طريقه عمل المركبات والتفاعلات
2. الشعور بالتشويق اثناء المزاكره وحل المسائل

اسباب عدم القبول

1.الصعوبه المبالغ فيها فى بعض المناهج
2.ترهيب بعض المدرسين للطلبه من الامتحانات



هل الجانب العملى لمادة الكيمياء يُشكل خطر جسيم على البيئة أكثر من جانب الإستفادة منها؟



انا اظن ان اجراء الجانب العملى بشكل صحيح لا يشكل خطر على البيئه اما اذا

تم هذا الجانب بطريقه خطأ فانه يشكل خطر جسيم على البيئه

ماهى المعوقات التى تواجه الطلاب فى دراسة مادة الكيمياء؟



يعنى ممكن نقول بعض التفاعلات والمعادلات والمسائل التى تحتاج الى تركيز كبير
وكمان صعوبة توفير وسائل التطبيق وصعوبة اجراء الجانب العملى المشوق فى المدارس مما يجعل الطلبه يعتقدوا ان الكمياء هى فقط الجانب النظرى منها

اولا انا مش بكرهه الكيمياء اوى ولا بحبها اوى تقدرى تقولى نص نص كده

اعتقد الاجابات اللى الاعضاء جاوبوها هى رايى كل واحد فينا بس انا

هجاوب على اساس اللى درسته فى الكيمياء ايام الثانويه العامه

فاسباب القبول فعلا هى الفضول وحب الاستطلاع بس الفضول ده طبعا مش

عند اى شخص لان فى اشخاص مش فى دماغهم اساسا انهم يعرفوا المواد

بتكون من ايه .

2/ماهى المعوقات التى تواجه الطلاب فى دراسة مادة الكيمياء؟


العائق الاساسى فى الكيمياء هو الدقه .

الدقه فى حفظ المعادله والدقه فى اضافه المحاليل والدقه فى النتائج والدقه

فى حل المسائل يعنى الغلطه فى كل ده حتى لو بسيطه بيسبب مشاكل كتيره

جدا .


العائق الثانى عدم توفير الاجهزة المناسبه لعمل التجارب او يكاد اساسا

مفيش اجهزة .والشرح فيها كله كان نظرى ومفيش عملى خالص ويوم

مافكروا يعملوا تجربه فى المعمل كان يوم عيد بس للاسف التجربه فشلت

انا فاكرها كويس التجربه دى واعتقد معظمكم يعرفها هو ان الصوديوم

بيتفاعل مع الميه وبيخرج مش فاكر باين غاز الهيدروجين هو غاز بيساعد

على الاشتعال علشان كده مش بيطفوا حرائق الصوديوم بالميه والاستاذ

بيعمل التجربه قطه حته صوديوم كده بالسكينه (لانه عامل زى العجين كده )

حطه صغيره جدا ورمها فى الميه قال لو عاوزين نكشف عن الغاز ده نولع

عود كبريت وهنسمع صوت

طرقعه خفيفه . هو ولع من هنا وكان ماسك حته الصوديوم الكبيره فى ايده

اتزحلقت وقعت منه فى الميه والعود مولع فى ايده وعينكم ماتشوف الا النور

على الطرقعه اللى حصلت ونزلنا تحت البنجات وكان يوم ابيض والمدرسين

اتلموا على الصوت .


هل الجانب العملى لمادة الكيمياء يُشكل خطر جسيم على البيئة أكثر من

جانب الإستفادة منها؟

هو من ناحيه بيشكل خطر فهو بيشكل بس مش جسيم ولا حاجة ومادام

بطريقه صحيحه وفى معامل خاصه الخطوره بتقل لكن لابد من الجانب

العملى لان لولا الجانب العملى هتكون الكيمياء ملهاش اى قيمه

انا هجاوب من منطلق عشقى للكيمياء و طبعا الفضل لاستاذى انا هذكر اسمه لانه فعلا يستحق الذكر و التخليد أ\ محمد شاهين
نبداااااااااااا
ماهى أسباب قبول أو عدم قبول الطلاب لمادة الكيمياء؟


قبول ان تشعر بالابداع و الابتكار و ان هذا العالم (الكيمياء) هو الذى يجعلك تختلف و تتميز عن كثير من زملائك فى نفس عمرك
طبعا عدم القبول ان هذا العالم يظهر ضعفك و عدم قدرتك على التميز

ماهى المعوقات التى تواجه الطلاب فى دراسة مادة الكيمياء؟



بصراحه انا ملقتش معوقات لان حبى ليها كان بيخلينى استمتع بيها الى ابعد درجه
هل الجانب العملى لمادة الكيمياء يُشكل خطر جسيم على البيئة أكثر من جانب الإستفادة منها؟
لا لان اكيد الاستفاده من العلم ده كبيره جداااا اما تاثيره على البيئه ممكن نتغلب عليه

وجهة نظرك : ماهى أسباب قبول أو عدم قبول الطلاب لمادة الكيمياء؟


من وجهة نظرى ده بيتوقف على مدى قبول الطالب للمادة وطريقة شرح المدرس ومدى استقبال الطالب وفهمه للشرح يعنى لو المدرس كويس واسلوب شرحه حلو اكيد الطالب هيستوعب ويحب المادة
بالنسبة ليا بقى انا الحمد لله مش بحب الكيمياء خالص بحب كل اقسام العلوم ماعدا الكيمياء وده طبعا لان الكيمياء بتحتاج لنسبة حفظ وانا الحمد لله مش بعرف احفظ خالص انا اخرى افهم واطبق بس
علشان كدة عندى عقدة من المركبات والصيغ الكيميائية والمعادلات والحاجات دى كلها لانها بتعتمد على نسبة حفظ كبيرة

من وجهة نظرك : ماهى المعوقات التى تواجه الطلاب فى دراسة مادة الكيمياء؟

اعتقد انها مادة معقدة وكلها شبه بعضها ف حاجات كتير وياسلام على الكيمياء العضوية بتتبخر فى ثوانى ومن غير تسخين كمان المفروض ان العملى بيساعد على استيعاب النظرى ده طبعا لو حد اهتم بتطبيق التجارب عملى ف المدارس وده شئ مش بيحصل




من وجهة نظرك : هل الجانب العملى لمادة الكيمياء يُشكل خطر جسيم على البيئة أكثر من جانب الإستفادة منها؟

اكيد نو لاننا ممكن نقدر نتغلب على الخطر الناتج عنها لكن احنا محتاجين نشتغل المادة دى عملى علشان نستوعب ونقدر نوصل للنسب المناسبة علشان نطبقها ف حياتنا

اظن كده يا روميساء ان البحث خلص

شكراااااااااااا كتير ليكم يا أجمل أسرة ليا بجد أنتم ساعدتونى فى البحث وإن شاء الله أنا هاعمل نسخة منه وانزلها على المنتدى بكره إن شاء الله ويااارب يعجبكم ومش لازم يعجب الدكتورة ههههههههه


شموس تقدرى تنقلى الموضوع زى ما اتفقنا وأنا هالحقك بالنسخة من البحث

طيب يا جماعة فى حاجة كل اللى ردوا دول يا روميساء مش درسوا كيمياء اصلا اللى بيتكلموا عنها دى كيمياء الثانوية ودى مش اسمها كيمياء اصلا انتوا تعرفوا حاجة كل الكيمياء بتاعة الثانوى اللى انتوا بتكلموا عنها متجيش عندى فى الكلية اول ماخدتها فى سنة اولى الا عشر صفحات فى الكتاب وبعد اتفرجوا على الكيمياء بقى اللى بحق وحقيقى لو انتى يا روميساء عاوزة تعرفى اللى انتى بتقولى عليهده ورد الاسئلة اسالى ناس فى كليات يكونوا درسوا الكيمياء اللى على حق اللى هياorganicواراهنك انى لو لقيتى حد بيحبها اصلا يبقى ليكى الكلام ؟؟؟؟؟؟؟؟؟؟؟ متستغربيش اسالى وشوفى وهتلاقى انى كلامى صح وانا هستنى ردك