ادخل وقول برجك ايه؟

طبعا من عنوان الموضوع

انت دخلت عشان تقولي انت في برج ايه ...
وانتي كمان دخلتي عشان تقوليلي انتي في برج ايه ...

صح ؟

طيب ... بالله عليكم

ايه هي فايدة الابراج دي ؟؟

مش انت بتؤمن بعلم الغيب؟؟ ... ولا يعلم الغيب غير الله ؟؟

طيب انتم ماتعرفوش ان الابراج دي حرام

ايوة والله العظيم حرااااااااام .....

كل الكلام اللي فيها كلام تنبؤ بعلم الغيب

وماحدش في الدنيا دي يعلم الغيب غير ربنا جل جلاله

" أَلَمْ تَعْلَمْ أَنَّ اللَّهَ يَعْلَمُ مَا فِي السَّمَاءِ وَالْأَرْضِ إِنَّ ذَلِكَ فِي كِتَابٍ إِنَّ ذَلِكَ عَلَى اللَّهِ يَسِيرٌ"
[الحج:70]

"إِنَّ اللَّهَ عِندَهُ عِلْمُ السَّاعَةِ وَيُنَزِّلُ الْغَيْثَ وَيَعْلَمُ مَا فِي الْأَرْحَامِ وَمَا تَدْرِي نَفْسٌ مَّاذَا تَكْسِبُ غَدًا وَمَا تَدْرِي نَفْسٌ بِأَيِّ أَرْضٍ تَمُوتُ إِنَّ اللَّهَ عَلِيمٌ خَبِيرٌ"
[لقمان:34]

طيب تعرفوا كمان ... ان لمجرد قراءة الابراج دي ... لا تقبل منك صلاة اربعين يوم

ايوة .. يعني حضرتَك لو قريت او حضرتِك قريتي الابراج دي ربنا مش هيقبل منك صلاة 40 يوم

انت متخيل ازاي ... وانتي متخيلة ازاي ؟؟؟؟

وانا مش بجيب كلام من عندي ... ولا كلام الشيخ فلان الفلاني ..

لأ ... ده كلام حبيبنا سيدنا محمد صلى الله عليه وسلم

روى مسلم في صحيحه أن النبي صلى الله عليه وسلم قال :
( من أتى عرافاً فسأله عن شيء لم تقبل له صلاة أربعين يوماً )

وعن أبي هريرة رضي الله عنه ،عن النبي قال :
( من أتى كاهناً فصدقه بما يقول فقد كفر بما أنزل على محمد صلى الله عليه وسلم )
رواه أبو داود وخرّجه أهل السنن الأربع.

وعن عمران بن حصين رضي الله عنه قال: قال رسول الله صلى الله عليه وسلم :
( ليس منا من تطير أو تطير له، أو تكهن أو تكهن له، أو سحر أو سحر له، ومن أتى كاهناً قصدقه بما يقول فقد كفر بما أنزل على محمد )
رواه البزار بإسناد جيد.

موضوع هايل هايل
وكنت متضرر من العنوان
لكن لقيت الموضوع غير العنوان
إسلوب تشويق للقراءة رائع جدا
شكرا على الموضوع

موضوع جميل جدا

موضوع جميل
لكن عندى تعليق الأبراج هى علم فلك لكن حظك اليوم هو علم تنجيم وأظن إن الكلام ينطبق على علم التنجيم وليس على الفلك
وشكرا ليكى