ازاى تعرف انك فى فرح مصرى

ازاى تعرف انك فى فرح مصرى
==================
من البدايه كدا هتلاقى الدعوه بتاعت الفرح جايالك وعليها عباره ..
[جنه الاطفال منازلهم]

يعنى من الاخر ابنك دا يقعد فى البيت ومايورناش وشه
احنا مش عارفين نأكل المعازيم لما هانأكل سعادته

لما تلاقى الزفه الدمياطى الازليه اياها
وبسم الله الرحمن الرحيم وهانبتدي الليله اااااه اااه

وتلاقى البنات بيجروا ورا العروسه عشان ينولوا شرف صحبتها كدا وهى داخله القاعه ويتقاسموا شرف انهم يشيلوا ديلها اقصد ديل الفستان

لما تلاقى العريس بيبخر العروس عشان الحسد احسن تتكسر ولا حاجه
وتلاقى العروسه بتبخر العريس احسن دا واخد عليها كمبيالات وشيكات
عشان قطع الغيار الغير متوفره وممكن يواديها فى داهيه

لما تلاقى بقا الستات بتمارس احسن هوايه ليها على مر التاريخ وهى النميمه
ويقعدوا بقا يقولوا:
انا عارفه يا ختى اخدها على ايه دا لا مال ولا جمال
والتانيه تقولها :
والله يا ختى من ناحيه الجمال فهى شبه الليفه المحروقه لكن من ناحيه المال لا دا الواد وقع واقف اه دا ابوها عنده عربيه كارو اقصد (ماقطوره )بتدخلوا شىء وشويات

وتلاقى البنات بقا واقفه اللى تقول:
ايه دا فستانها بيئه اوى ايا
والتانيه تقولها:
اكيد مأجراه من عند الكوافير اللى عملها التسريح اللى شبه تسريحه المجانين دى

لما تلاقي قرايب العريس مش عاجبهم قرايب العروسه و العكس صحيح طبعا و بيبصوا لبعض بإشمئزاز

لما اول حجه تسمعها اول ما تدخل القاعه وقبل ما تشوف العروسه والعريس
اغنيه هشام عباس (اسماء الله الحسنى)

لما تلاقى بتاع الكاميرا بيزوووم على الشبكه كانها مثلا قلاده الملكه اليزابيث الخامسه والعشرين
وتلاقى كل المعازيم هايماوتوا بعض وينطوا فوق بعض عشان يتفرجوا عليها

لما العريس والعروسه يرقصوا الرقصه الرومانسيه الازليه على اغنيه(غمض عينيك واحلم معايا) او اغنيه تامر حسنى(ومايحرمنيش منك)
وكل البشر بيصوروهم بكاميرا الموبايل وهما بيقولوا لبعض
(ياترى بيقولها ايه)

لما تلقى الاغنيه الرومانسيه اتقطعت فجأه كانهم بيقولولهم انجزوا ويروحوا مشغلين اغنيه السهره(هاتجوز) لـ سعد الصغير وبعدها العنب لمعبود الجماهير (بعرورر)

لما تلاقى ام العريس كل نص ساعه وتمسح عرق ابنها وتقوله
(يا بنى كفايه مش كده ...ماتهدش نفسك)

لما تسمع السؤال الابدي
(هو البوفيه هايفتح امتى...الواحد جاع)

لما يتعرض الفيلم التسجيلى البوفيه وكل ما يحتويه من لحمه وفراخ وديك رومى وكشك وسد الحنك

لما تسمع الناس وهيه بتقول
لالالا بس الاكل مكانش قد كده
بعد تناول الطعام مباشره وعلى راى المثل
(بعد ماكل واتكى قال رحته مستكه)

لما تلاقى ام العروسه بتقول للعريس
خد بالك منها يا حبيبي
والعريس يقولها
دى فى عينى يا طنط

لما تلاقى الزفه انطلقت فى الشوارع مسببه الازعاج لخلق الله
وبيب بيب بيب بيب بيب بيب بيب بيب بيب بيب
---------------

وبيب بيب بيب بيب بيب بيب بيب بيب بيب بيب

ههههههههههههههههههههههههههههههههههههه

نسيت تقول لما يشغلو اغنيه مدد يا دسوقى والصحاب فى اجازه ع الدرامز
ههههههههههههههههه

العروسه جت العروسه جت

هههههههههههههههههههه صح كل ده بيحصل يامسيو لا وكمان لما

تلاقى اصحاب العريس يشيلوا العريس ويرفعوه لفوق (يهشتكوه

يعنى ) وبعدين يرفعوه لفوق ويجروا يسيبوه يقع هههههههههههه

على رأيك

هههههههههههه

هههههههههه جامدة يامسيو

بس نسيت اهم حاجة

لما تلاقى شوية شباب كدة قاعدين ف جنب وفرشين قرش الحشيش ادامهم وشغالين ميه ميه

ههههههههههههههه

مشكور كتير يا مسيو فعلا الكلام ده حقيقى

بس نسيت يا مسيو لحظة رمى البوكية والمنظر السئ اللى بيحصل

هههههههههه هوا ده الشعب المصرى ..........فضاااااايح ولا موضوع الاكل ده بنفضل ننط ونرفع راسنا نشوفهم جهزوا البوفيه ولا لسه ومنرداش نمشى الا لما نااااااااااكل وبعد مناكل على طول كله يمشى والفرح يفضى خاااااااااالص ولا كاننا نعرفهم ههههههههههههههههه

ونسيت كمان يا مسيو موضوعالتورته اللي الكل بيبقي دابب عينه فيها واول ما يخلص الفرح يتخانق عليها اهل العروسه والعريس

لما تلاقى كل ده حصل فى الافراح
يبقى انت اكيد اكيد فى مصر

هههههههههههههههههههههههههههههههههههه
جامده مووووووووووووت

[ندعوك للتسجيل في المنتدى أو التعريف بنفسك لمعاينة هذه الصورة]

هههههههههههههههههههههههههههههههههههههههههههههههههههههههههههههههههههههههههههههههههههههههههههههه

ويبقى انت اكيد اكيييييييييييييييييييييييييييييييييييييد فى مصر

صح يبقى انتوا من مصر

ده غير كده يا مسيو مرحلة اساسية فى الفرح المصرى اغنية(( حجريين على الشيشة ))

تلاقى المعازيم فى صوت واحد (( مش هعمل كده تانى ))

و لا العروسة لما كل شويه تظبط المكياج من تحت لتحت
و اخت العروسة كل شويه تطلع تظبطلها شوية الشعر اللى نزلين من التحجية لو كانت محجبة

مش هعمل كده تانى

صح دى بقت من أساسيات الفرح

» ازاى تعرف انك بتتفرج على فيلم مصرى
» فيس بوك مصرى
» حوار مع مواطن مصرى دمه خفيف
» نفسى اعرف مات ازاى
» ازاى تبقى رومانسى؟؟