* أحلى من الشرف مفيش (توفيق الدقن)
شعار تقليدى لكل فتاة ليل
@@@@@@@@@@
* هى دى مصر يا عبله ( محمود ياسين - فيلم الصعود إلى الهاويه )
عباره دائما ما يرددها الخطيب لخطيبته عندما تضيق به الأحوال وتشتد به الأزمات
@@@@@@@@
* جواز عتريس من فؤاده باطل ( الكورال - فيلم شئ من الخوف)
عبارة حبيب حزين لفراق محبوبته بعد زواجها من رجل أغنى منه بضغط العائله
@@@@@@@@
* اللى ملهوش خير فى حاتم ملهوش خير فى مصر (خالد صالح - فيلم هى فوضى )
عبارة كل صاحب نفوذ فى زمنا ده
@@@@@@@@
*أصل إحنا لو رحنا النار ... مش هنلاقى حد نعرفه
( عادل أدهم _ فيلم علاقات مشبوهه)
عبارة على لسان كل بلطجى فى مصر
@@@@@@@@
*البوس البوس ... الحضن الحضن ... الشوق الشوق .... بلوبيف بلوبيف
( محمد سعد - اللمبى )
دائما مايقولها كل محب تحت التمرين
@@@@@@@@
* برلم .... شغلتك على المدفع برلم؟
( رياض القصبجى - إسماعيل ياسين فى الإسطول البحرى )
جملة كل موظف حكومى لما تسأل شغلتك ايه؟0 (حكومى بقى )
@@@@@@@@@@
كابتن كابتن ... هو كله ضرب ضرب ...مفيش شتيمه
( علاء ولى الدين - فيلم الناظر)
عباره على لسان من يقع فى حوار ساخن له طلقات حيه ( حوار ن جهه واحده)
"" واحد مطرقعله يعنى ""
@@@@@@@@@
* دانا جنبك ابقى مارلين مونورو (عبد الفتاح القصرى- فيلم سكر هانم)
عباره كل شاب تقع عيناه على فتاه تظن نفسها ملكه جمال العالم ( مغرورة)
@@@@@@@@@
* حمرا ( احمد حلمى - فيلم ظرف طارق )
نستخدمها دائما فى الاعتراض على شىء
@@@@@@@@
* لا تجادل ولا تناقش ياخ على ( احمد راتب -فيلم الارهاب)
يقولها دائما الشخص اللذى يظن انه اذكى شخص فى الكون ويريد ان ينفرد باارائه.
@@@@@@@
حازم حازم......بسيونى بسيونى ( محمد لطفى وكريم عبد العزيز...فيلم الباشا تلميذ)
جمله تُستخدم عند لقاء صديقين (انتيم)
@@@@@@@@
قول حاحا ( طلعت زكريا -- فيلم التجربه الدنماركيه)
سؤال يوجهه الاب لابنه ليستكشف نوع السجائر اللى بيشربها
@@@@@@@@
* قليوبيه مركز ولاد ابو إسماعيل ( محمد سعد - فيلم بوحه )
إجابة اى شخص قليوبى تسأله ... أنت منين ؟
ولسه كتير بس الذاكره خينانى دلوقتى لما افتكر هنبقى نكركر ونهرء سوا
الرئيسية 
موضوع: تفاسير سينمائيه فى حايتنا اليوميه 
الخميس 17 ديسمبر 2009, 7:58 pm
