الفرق بين كمبيوتر البنت وكمبيوتر الولد !!!!!

اولا جهاز البنت ليدوز فروست

من النظرة الاولى من بعيد للشكل العام للجهاز
تلاقى الجهاز نضيف ومرتب وحواليه دباديب او عرايس او لعبها وتلاقيها لازقة عليه صور فراشات او صور رقيقة وقلوب وحجات كلها دلع ورقة وتلاقى كرسيها نضيف وسليم وشكلة حلو ومحطوط بشكل صحيح ادام المكتب
تفتح الجهاز تلاقى صوت نغمة رقيقة مع فتح الجهاز وحاطة خلفية صورة رقية شخصية ليها او صورة بنت جميلة او وردة

تقلب فى الملفات تلاقى اسماء الملفات عندها جميلة زى

صور اطفال
صور فساتين
صور موضة
صور تامر حسني [ندعوك للتسجيل في المنتدى أو التعريف بنفسك لمعاينة هذه الصورة]
افلام رومانسية
اغانى عاطفية

تفتح الهيستورى بتاع الجهاز تلاقيها كانت مشغلة حجات زى

فيلم تيتانيك
مواقع نكت
موقع مزيكا تو داي
مواقع موضة
قهوة كتكوت
اغنية تملى معاك
اغنية حاسس بخوف
اغنية بهواك
مواقف كوميدية

تفتح الميل بتاعها تلاقيها حاطة نك نيم رقيق زى

بنوتة شقية
دلع
حبوبة
حب عمرى

لو دققت شويه فى تاريخ تسطيب الويندوز ممكن تلاقى الويندوز شغالة معاها من حوالى 7 او 8 شهور متغيرتش
تيجى تشم ريحه الجهاز تلاقى رحتة برفان جميل
ولما تيجى البنت تقفل جهازها تلاقيها قفلت الحجات الى مشغلاها حاجة حاجة وبعدين تدوس شت دوان وتسمع نغمة رقيقة
والجهاز بيقفل

-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-

نخش على اجهزة التماسيح

من النظرة الاولى للجهاز ووضعه من بعيد تحس انك داخل على حاجة شبة التوكتوك الى عامل حادثة ومطلعينه من ترعة فيها صرف صحي
تلاقى الكيس مفتح من كل ناحية وفيها خروم غريبة ولو بصيت جواها تلاقى فيها حجات ومواد غريبة غالبا ممكن تكون مشتعلة وملهاش اى علاقة بالجهاز
وتلاقى الهارد متعلق زى الدبيحه من السلك بتاعه ومتعرفش لية
وتلاقى كمية وصلات عجيبة داخلة وخارجة من الجهاز ومش بعيد تلاقى متوصل معاهم خرطوم ميه
وتلاقى باب السى دى مفتوح من غير اى داعى بالرغم من انك تحاول تقفلة هتلاقيه بيتفتح تانى لوحدو
الشاشة ممكن متلاقيش قعدتها اصلا
وممكن متلاقيش غطاء الشاشة الخلفى برضو كنوع من انواع التهوية
ولسعات سجاير وطفاية فى كل حته من الجهاز
وتلاقى الكى بورد سلكها ملحم فى بعضه وزرار الانتر وبعض الازرار المهمة غالبا مش هتلاقيها
وبالنسبة للكرسى ده لو لقيت كرسى او حاجة شبه الكرسى هتلاقيه مليان بقع شاى وسجاير وغالبا هتلاقيه واقف على 3 رجول بس
تيجى تفتح الجهاز وتدوس على زورار الباور ده لو لقيتة وملقتش سلكتين تلمسهم فى بعض عشان الجهاز يشتغل زى عربيات مكروباص الترامكو
يجى الجهاز يشتغل تسمع صوت كركرة غريب واصوات تانية شبيهه بالطرقعة المكتومة
تعدى كل ده وتبتدى الويندوز تفتح تسمع صوت نغمة الويندوز نغمة غريبة الجماعة بتوع ميكرو سوفت لو سمعوها هيبطلو ينزلو نسخ للشرق الاوسط تانى
تفتح الويندوز تلاقيه حاطط خلفية ثعبان او جمجمة مرعبة او صورة غريبة ليه هو واصحابة تفكرك بالمخلوقات الفضائية
الى جاية من عالم غريب

تدخل تقلب فى الملفات تلاقى اسماء الملفات غريبة وعجيبة

حشحش
دحدح
بتنجانة
صور الكلاب
صور معيز
صور حوادث
مصارعة

و 70% من الملفات هتلاقيها تحت سلسلة اسماء

New Folde11
New Folde12
New Folde13
New Folde14
الى ما لا نهاية

تفتح الهيستورى بتاعه تلاقى اخر حجات شغلها زى

ساو 3
ديد سيلنت
اغنية البلح البلح
اغنية كوكا كوكا كوكا كوكا
حجرين علي الشيشه مع توتو السبع ويجا اه ياني ياني ياني
صور مصارعين
كليب بوس الواوا
موقع كيفية تبقي هاكر صحيح
اسماء مواقع تخاف اصلا تخشها
نكت حشاشين

تفتح الميل بتاعه تلاقيه حاطط نك نيم يرعب البنات

الشيطان 10
البجح
سفاح المعيز
المحشش
عاشق الاكتئاب
كمبورة
عاشق الموت

لو دققت فى تاريخ تسطيب الويندوز ممكن تلاقيه مسطبها قبل متيجى بساعة وربع

طبعا ريحه الجهاز هتلاقيها شبة متور العربية المحروق
ولما يجى يطفى الجهاز لو فاتح ايه ميقفلهمش واحده واحده لا شد الكابل على طول من غير تفاهم اكنه بيعزب كافر
لانه طبعا ميعرفش حاجة اسمها امر شود داون

كمان لو فى فلاشه يا لهوى
فلاشه البنت نضيفه ورحتها حلو وبالغطا بتعها وفى علبتها
اما فلاشه الشباب
طالع عين امها مكسوره ومن غير غطا اصلان وتحس ان قطار معدى عليها ومفرومه

يارب تعجبكم

هوا الموضوع رائع بس مشكله [ندعوك للتسجيل في المنتدى أو التعريف بنفسك لمعاينة هذه الصورة] كده في اولاد بيحفظو علي اغردهم ولا ايه [ندعوك للتسجيل في المنتدى أو التعريف بنفسك لمعاينة هذه الصورة]

لالالالالالالالالالالالالا انتى كده بتلعبى فى عداد عمرك دا انا جهازى عثل عثل عثل دا انا كل يوم بحميه وسرحله واحطله برفان ومظبطه مش اى كلام

هههههههههههههههههههههه

مشكوووووووووووووووووووور للمجهود الرائع

( سفاح المعيز )
هههههههههههههههههههههههههههههههههههههههههههههههههههههههههههه
ههههههههه الموضوع رائع رائع رائع ههههههههههههههههههههههههههه
هههههههههههههههههههههههههههههههههههههههههههههههههههههههههههه

عندك حق فى كل كلمه بتقوليها والى يقول غير كدا يبئى كذاااااااااااااب
ههههههههههههههههههههههههههههههههههههههههههههههههههههههههههه

كيلو ...باترا

وسعت منك حبتين

انتى بالغتى فى امور كتيره حبه

بلش افترى وحيات بابا .....منقرع

بس منكرش ان الموضوع سو فانى

تحياتى

واااااااااااااااو

بجد انتى كدة جبتى اللى فيها

هههههههههههههههه

بجد معاكى حق ف كل كلمة

مشكوووووووووري يا جماعه على ردودكوا الى بجد نورت الموضوع في حد بيحمي الكمبيوتر بتاعه يا محمد حرام عليك كويس والله انه لسه بيشتغل بعد المايه والصابون والشامبوووو دول كلهم ايه الاهمال ده ؟؟؟
يا ميمو الموضوع بس للضحك مش اكتر وانا مش قصدي حاجه يعنى و لو سمحت كليوبترا بتتكتب كده على بعضها مش كيلو ... باترا
دي غلط اوك وكمان منكاورع ده مش بابا بتاع كليوباترا خالص

موضوع جميل ياكيلو او اتنين كيلو مش هتفرق كتير ...باترا

وبعدين متضحكيش على الراجل مناكورع ده ابو كيليوباترا بس ابوها

من الاخت مش من الام هههههههههههههههههههههههههههههههه Laughing

لو سمحتوا بقى انا بجد هزعل لو حد اتريق على اسم كليوباترا تانى والله بجد هزعل ومش بس كليوباترا ده الى هيتريق على اي حاجه تخص الفراعنه اصلا
ومش مشكوووره يا فارس على ردك الى ضلم الموضوع

حلو اوى

طب لو الكمبيوتر مشترك بين اخ و اخته؟؟ هيكون عامل ازاى؟؟

ههههههههههههههههههههههههههههههههه دباح المعيز دى مش عند الكل ومش شغاله اليومين دول خرفان ماشى لانها الذ شويه فلاشه بتاع الواد طالع عين امها ليه هو احنا بنشغلها دليفرى بس رائع ومشكوره

ان شاء الله ابقى احمى الكمبيوتر كل يوم باليل واجيبله جيل وهحط جنبه كلبين كده يكون حلوين من الدباديب وقطتين تحت وحده التشغيل وشوية ارانب ف درج السى دىهات

Merci beaucoup

مشكورة كتير كيلوباترا على التوبك

فى حاجة عايز اقولهالك من زمان بس مكسوف

كيلوباترا حاجة من اتنين يا منفسة يا مكتومه

طبعا انا بهزر

تحياتى تقبلى مرورى

كيليوباترا

اقتباس :: بجد هزعل ومش بس كليوباترا ده الى هيتريق على اي حاجه تخص

الفراعنه اصلا

بجد يانهله بتحسسينى ان كيليوباترا دى قريبتك بس عموما حقنا للدماء

وعلشان خاطرك وكمان علشان مش بحب حد يزعل منى من الاعضاء

سواء عضو او عضوه مش هنشتم الفراعنه تانى.

كيليوباترا

اقتباس :: ومش مشكوووره يا فارس على ردك الى ضلم الموضوع

وهتغاضى عن دى كمان حقنا للدماء بردوو وعلشان احنا فى شهر من

الاشهر الحرم يعنى مفيش قتال ههههههههههه

ميرسي اووووي يا بيسو على زوقك
ما انتوا يا فارس الى زودتوها اووووووووووي و خلوتونى ازعل بجد وبعدين كليوبتارا و غيرها من الفراعنه مش قرايبي دول حبايبي كمان بس جااااااااااامده اوووووووي حققنا للدماء وكويس بردو يا فارس اننا هناخود هدنه علشاااااااان انا تعبت من الحرب دي هههههههههههههههههههه

ههههههههههههههههه ماشى يانهله علشان خاطر حبايبك بس مش

هنضايقهم تانى بس احيانا الافيه بتحكم فمتزعليش لما نهزر ده هزار اوك

الفراعنه على عينا وعلى راسنا علشان كده بنهرج معاهم شويه

اوك يا فارس وهزاركوا مقبول بس علطوووووووووول هه

مشكوووووووووووووووره كتيييييييييييييييييييييييييير

رائع كليوبترااااااااااااااا

موضوع جامد جداااااااااااااا
الشيطان 10
البجح
سفاح المعيز
المحشش
عاشق الموت

اسماء روعه انا بفكر اسمى واحد منهم

Cleopatra كتب:: مشكوووووووووري يا جماعه على ردودكوا الى بجد نورت الموضوع
يا ميمو الموضوع بس للضحك مش اكتر وانا مش قصدي حاجه يعنى و لو سمحت كليوبترا بتتكتب كده على بعضها مش كيلو ... باترا
دي غلط اوك وكمان منكاورع ده مش بابا بتاع كليوباترا خالص

عفوا يا ملكة مصر وصاحبة العرش

عفوا كيلواباترا

وعلى فكره من كورع ده مش بابا حد اصلا يذكر

اما عنا البابا بتاع كيلوباترا انا معرفهوش

» البنت اغلى من الولد
» ايهما اسعد الولد ام البنت
» البنت زى الولد ماهيش كماله عدد(قصه حلوه)
» تخيل نفسك كمبيوتر ... جرب كده!!
» البنت والولد فى المذاكره .....