أشهر جمل بيقولوها الأب و الأم في مصر‏

> > أشهر جمل بيقولوها الأب و الأم في مصر
> >
> >
> > انت فاكرنا لاقين الفلوس دي في الشارع
> >
> > حسبي الله و نعم الوكيل فيك
> >
> >
> > ما تتكلمش بصوت عالي في الحمام .
> >
> > والله ما انت فالح .. وادي دقني أهه .
> > قابلني لو فلحت ... و ادي دقني اهه
> >
> > ما تنمش غير لما تغسل سنانك .
> >
> > ما تلزقش في التلفزيون كده .. نظرك هيضيع .
> >
> > سلم على عمك كويس يا ولد .
> >
> > يا ابني محدش هينفعك .
> >
> > ما تطلعش ايدك من الشباك .
> >
> > قصة الغريق الكاذب اللي كل مره يقول الحقوني ... لحد ما غرق بجد .
> >
> > ربنا يرزقك بعيل يوريك اللي ورتهوني .
> >
> > ما تطلعش على الملايه النظيفه و رجليك متوسخه كده .
> >
> > نسيت تشرب ؟ نسيت تاكل ؟ نسيت تاخد المصروف ؟ نسيت تعكنن عليا و على امك ؟
> >
> > طلع ايدك من جيبك و انت بتكلمني .
> >
> > ايه الا مبالاه و الاستهتار اللي انت
> > عايش فيهم دول .
> >
> > قوم اقرا لك كلمتين ينفعوك .
> >
> > وطي المدعوق ده شويه .
> >
> >
> > انت فاكرنا نايمين على ودانا ؟
> >
> > يا ابني انت مسطول ولا ايه ؟
> >
> > ما تلبسش القميص على اللحم زي العيال الصايعه .
> >
> > بلاش أكل بره .
> >
> > كلمنا لما توصل .
> >
> > عيـــب ... لازم تحترم اللي أكبر منك .
> >
> > لو شفت خناقه ما لكش دعوة بيها .
> >
> > لازم تأكل سلطه .
> >
> > اوعى تكدب عليا كده تاني مرره .
> >
> > اوعى حد غريب يديلك حاجه تاكلها و تشربها و تاخدها منه .
> >
> > يا ابني كلم خالتك العيانه اسأل عليها .
> >
> > بلاش لعب في الشارع .
> >
> > ما تعليش صوتك .
> >
> > وانت فاكر احنا مستنيين منك حاجه .
> >
> > المسلسل مش هينفعك ...قوم .
> >
> >
> > ما تقعدش قدام المروحه وانت مستحمي .
> >
> > كفايه رغي في التليفونات .
> >
> > بلاش وقفة الشبابيك و البلكونات .
> >
> > اوعى تقول لحد هات لي حاجة .
> >
> > كل على مهلك .. وامضغ كويس ... وما تكلش
> > وانت واقف .. وكل من قدامك ما تحفش .
> >
> > اطفي التلفزيون وقوم ذاكر . أو اطفي التلفزيون و خش اوضتك .
> >
> > ربنا يهديك ربنا يهديك ... وأحيانا .. انك لا تهدي من أحببت .
> >
> >
> > صليت العصر ؟!
> >
> > ما تمشيش حافي في السقعة دي
> >
> > ما فيش مذاكرة على المزيكا .. أو .. بتذاكر إزاي و البتاع ده شغال جنبك
> >
> >
> > افرد ظهرك .
> > ما تتأخرش بعد المدرسه و تقعد تصيع مع أصحابك .
> >
> > بص كويس و انت بتعدي الشارع .
> >
> > ومالها الكتب بتاعة الوزاره ؟!
> >
> > اللي بيشيل قربه مخرومة بتخر عليه لوحده ..
> >
> > لو مش فاهم حاجه ارفع ايدك و قول للأستاذ مش فاهم .. متتكسفش .
> > تقعد في أول صف قدام السبوره .
> >
> > ما تردش عليا .
> >
> > مش عايز اسمع صوت .
> >
> > مالكش دعوة بالسياسة .. وماتمشيش في مظاهرات .
> >
> > التهديدات المخيفة شكلا و الكارتونية مضمونا : مثل: هأقطم رقبتك أو هأقطع
> > ايدك أو هأقطع لك لسانك أو هأدبحك دبح .
> >
> > و أخيرا ::
> >
> > ضرب
> > امثلة تشجع على الكفاح و أشهرها أحد الأقارب اللي كان بيذاكر على لمبة جاز
> >
> > أو على عامود النور الي في الشارع و نجح وخد الدكتوراه وسافر أمريكا
> >
*****************
*************
*******
****
**
*

مالكش دعوة بالسياسة .. وماتمشيش في مظاهرات هههههههههههههههه

والدى الله يرحمه كان ديما يقولهالى وانا رايح الكليه

ههههههههههههههههههه

مشكووووووووووورة

ههههههههههه

مشكووووووره كتير

هههههههههههههههههههههههههههههههههههههههه

هو ده بالضبط الكلام الى بيتقال

شكــــــــرا على الموضوع الجامد ده

نسيتى تقولى ردود الابناء اللى تشرح القلب

[ندعوك للتسجيل في المنتدى أو التعريف بنفسك لمعاينة هذه الصورة]

ههههههههههههههههههههه

انتى جبتى كل الكلام

هههههههههههههههههههههههههههههههههههههه

الابهات والامهات كلهم زى بعض

» أشهر قصة حب
» الأم
» رضا الأم
» سائق يتعدى على بنت لكن شوف رد الأم !!!!!!!!
» الأم في أقول الحكماء