أسئلة بديهية

موضوع: أسئلة بديهية الإثنين 20 يوليو 2009, 12:19 am

في أسئلة بديهية مالهاش اي لزمة في الدنيا

> بنتعرّض ليها كل يوم من كل الناس
>
> خلـونـــا نشــوف أمثلة
> ***********
> إنت في أوضتك .. على السرير وطافي النور ومتغطي
>ييجي أخوك الظريف ويفتح الباب عليك ويقول : ايه ده انت هتنام ولاّ ايه ؟
>
> (( أظن ده مش وضع الرقص !!! واضح ان انا هنام ))
>
>***********
> انتم معزومين عند ناس ورحتو لبيتهم وأول ما فتحولكوا الباب يقول ابنهم الصغير: انتوا جيتــواااااااااااااااا ؟
(( لا لسه ))

***********
> والعكس : انت لابس هدومك و متأنتك و على سنجة عشرة وريحة البارفان واصله لاخر الشارع .. وخلاص بتفتح باب الشقة,, يجي حد من أهلك وينادي بصوت عالي : انت خااااارج ولاّ اييييييييييه

> (( !!! لاء دانا لسه راجع ))

**********
> أو مثلا راكب العربية ودوّرتها وخلاص هتطلع ... يجيلك لك البواب ويخبطلك على الزجاج,, انت بكل ذوق تفتح الزجاج وتقوله : خير في حاجة؟
>يقولك : انت رايح الشغل يابيه ؟

> (( لا.. العربية واحشاني ))

***********
> مثلا ماسك سماعة التلفون وقاعد تضغط الارقام يجي حد من أهلك ويقولك: انت هتتكلم في التليفون ؟
> (( لا.. بتفرّج عليه ))

***********
> مثلا : ماسك مذكرة أو كتاب وقاعد تحفظ ومتحمس (أول مره بقى) .. جه حد وقالك: هاه.. قاعد تذاكر ؟
> (( تقوم رامي الكتاب و تقوله لااااااااء ))
***********
> ربنا هاديك كده ... ماسك سبحة و عمال تسبّح ، يجي حد من البيت يعدي عليك ويقول: هوّه انت بتسبح ؟
>
> (( لاء.. هفرطها و أسلقها ))

> ***********
> ولاّ تعالــو شوفو قنواتنا واسئلتهم البديهية البايخة
>برنامج اهداءات يتصل واحد يطلب أغنيه
>ترد عليه ست الكوتكوته (المذيعة) بكل خفه ورشاقة : إنتا بتحب الاغنيّة ديه ولا ايه ؟
>
>(( لاء.. طالبها اخنق على نفسي ))
>
> ***********
>أو مثلا في العيد
>
>المذيع : هههههه هههههههه هههههه نتعرّف بيك
>المواطن : فلان الفلاني
>المذيع :هههههه هههههه هههههه بتقول ايه للأهل ههه و صحابك ههه وقرابيك هههه و للناس اللي انت مخاصمهم كمان ؟ هههههه هههههه ههههههه
>المواطن : أقولهم كل عام وأنتم بخير
>
> (( أكيد يعني مش هيقولهم البقاء لله ))
>
> ***********
> ,,,المذيعة الظريفـة : وياترى بقى هتعملوا ايه العيد ده هتقضوه ازاي ؟
>أكيد بيبقى زيارات الأهل و الصحاب و تخرجوا تشوفوا مظاهر العيد في الشوارع و تفسحوا أولادكم ونتصل بالمعارف نعيّد عليهم و نقولهم كل سنة و انتو طيبين
>
>(( سبتيله ايه يقوله يارخمة ؟ ))
>
> ***********
>والأسخف بقى ... الشلل الكبير.. لما المذيعين يكلّموا الاطفال
>يقول المذيع للطفل : إنت بتحب ماما وبابا ؟
>
> (( يعني أساسي الواد لسه ما طلعلوش عرق الندالة علشان يقول لأ ))
>
> ***********
>

هههههههه بجد اسئلة ذكية جدا
تجيب شلل بس scratch

بصراحه الاسئله مش هي الظريفة

ولكن الردود أشد ظرفا وفكاهه أضحكك الله بالجنة
000000000000000000000000000000000000
المسيو يقول:
إنت في أوضتك .. على السرير وطافي النور ومتغطي
>ييجي أخوك الظريف ويفتح الباب عليك ويقول : ايه ده انت هتنام ولاّ ايه ؟
>
> (( أظن ده مش وضع الرقص !!! واضح ان انا هنام ))
.............
اختار حل من الاثنين
الاول ممكن يكون عنده فكره انك بتحب الرقص في الظلام لكي لا يراك أحد.
الثاني .
ممكن أسلفك ثمن كالون للباب
+++++++++++++++++++++++++++++++++++++++
والأسخف بقى ... الشلل الكبير.. لما المذيعين يكلّموا الاطفال
>يقول المذيع للطفل : إنت بتحب ماما وبابا ؟
>
> (( يعني أساسي الواد لسه ما طلعلوش عرق الندالة علشان يقول لأ ))
_00000000000000000000000000
تقدر تقول هو اقرار يسجل على الطفل يستخدم عندما يقل بأصله معاهم لما يكبر
++++++++++++++++++++++++++++++++++
ربنا هاديك كده ... ماسك سبحة و عمال تسبّح ، يجي حد من البيت يعدي عليك ويقول: هوّه انت بتسبح ؟> (( لاء.. هفرطها و أسلقها ))000000000000000000000
ياترى تقول لنا السبحة المسلوقه طعمها ايه بالخل والشطه ؟؟؟؟؟؟
مش بقولك الردود آخر فكاهه

موضوع: رد: أسئلة بديهية السبت 25 يوليو 2009, 3:48 pm

معاك حق الردود أظرف من الأسئلة
وده طبيعى
حتى يكون الرد أفضل من التحية
بارك الله فيكم منتدى الكرام

موضوع: رد: أسئلة بديهية السبت 22 أغسطس 2009, 3:15 am

كده حضرتك كرهتنى فى الشعب المصرى خلاص أنا كده هاغير الجنسية وأبقى فرنسى

شعب ااااااااااااااااااااااااااااخر فكاهه
ردود منطقيه Laughing

[ندعوك للتسجيل في المنتدى أو التعريف بنفسك لمعاينة هذا الرابط]

ههههههههههههههههه فعلا أسئله بديهية ولكنها سخيفة
والردود ملائمة جدا ليها

فعلا الاجبات اكثر طرافه
و انا عرفت ليه الشعب نصفه بيفشل فى التعليم
لان كل ما طالب يمسك الكتاب و يقرر يذاكر و يتحمس
يجى حد و يقولوا هاه قاعد تذاكر؟
لازم يقوم رامى الكتاب و يقوله لاااااااااااااااااااااء

هو ده الشعب المصرى
شعب يقدر يقول النكته
شعب يقدر يقول التافهات
شعب يعرف يحشى المحشى

ناس أخر حلاوة
ههههههههههههههه
ياحلاوة
[ندعوك للتسجيل في المنتدى أو التعريف بنفسك لمعاينة هذه الصورة]

» أسئلة بس للصادقين مع انفسهم
» أسئلة هامه فى حياة المسلم؟