رواية (ذبحني غروري وعيني عيت تناديك )الجزء الاول

اسسسسسسسسسسسسسفه جدا على تاخري بس

(البارت الثالث)
لينا:اوووف ..!!! حمد لله خلصت هالشنطه .
يوه وين جوالي !!
قامت من شنطتها وتدور في الرفوف ..بس مو موجود
........................
سعود قاعد على اللاب حقه دق جوال وراه
سعود استغرب النغمه مو نغمته !!!
لف ورى بالكرسي
الا جوال e71
ونغمته ..( حبيت تنسيت النوم يا خوفي تنساني ..حا..)
سعود فرك يدينه في بعض :آآآآمم جوال لينا هنا !.
وقام ومسك الجوال ودخله بدرجه وحطه سايلنت
وراح لغرفة لينا :ليون ما شفتي جوالي ؟؟
لينا:لا والله .حتى انت بعد ؟؟
سعود :انا وشو؟؟
لينا:مضيع جوالك !!
سعود :يب ...وانتي بعد ؟؟
لينا: ايه
يا ربي وش اسوي باقي خمس ساعات على الرحله وانا ما ني فاضيه
ادور للجوال
سعود :وشو ؟؟خمس ساعات !!
لينا:ايه !! ليش لا تقول ما جهزت شنطتك؟؟
سعود :والله كنت معتمد على سنتيا بس الحين ....
سنتيا داخله :لينا ...(وناظرت في سعود نظرات حقد وشمقت )
لينا:نعم سنتيا وش تبين
سنتيا:ماما تقول اذا خلصتو الشنط قولولي عشان انا ينزل شنط تحت
لينا:انا خلصت
سعود:انا اصلا ما جهزتها حتى
سنتيا: احسن ..
وطلعت
سعود:اجل يلا بروح ادور جوالي واذا لقيتيه قوليلي
لينا:وانت بعد اذا لقيته قولي يا سعود
سعود:اوكي
وطلع وهو ما سك بطنه من الضحك
دخل غرفته وفك الضحكه وهو يسكر الباب:طيب يا لينوه والله لجننك
طبعا الكل خلص شناطه وطلعت
الشنط سنتيا لتريداس
وتريداس وداها للمطار ومن هناك شحنوها للنمسا
لما جهز الكل وهو جالسين في الصالون
ام خالد:لينا وينك يامي ؟؟
لينا من فوق:انا ما لقيت جوالي وشلون اروح بدونه
خالد:يا ليون بدال الواحد عشره بس انزلي
لينا:انا ابغى جوالي يعني ابغاه
.....سعود لقيت جوالك ؟؟
سعود :هاه!! ايه لقيته
لينا:اوووووووف!!!
ابو خالد:يا ليون اذا وصلنا بطلعلك شريحه ثانيه لان شريحنا ما تشتغل هناك !!
لينا:طيب جوالي !!
ابو خالد:اذا رجعنا بجيب لك مثله عشرين بس امشي
نزلت لينا دلوعة ابوهاولبست عبايتها وسكرت الازرار وهي تناظر في سعودوه اللي على وجهه
ابتسامه خبث
بس ما شكت ابدا بالموضوع
ولفت الطرحه وجلست بجنب خالد
شوي ...وصل تريداس
ـــــــــــــــــــــــــــــــــــــــــ
حنين :يمه انا خلصت وين السايق ؟؟
ام سلمان :راح يجيب خلود من المعهد
حنين :ياربي انا جاهزه لي ساعه
ام سلمان:خلاص بيوصلون الحين !!
حنين دقت على صديقتها:فرح خلاص ثواني واطلع يلا تجهزي
فرح انا جاهزه استناك
وصل السايق خلود

خلود:السلام عليكم
ام سلمان :وعليكم السلام
خلود جلست على الكنب وهي هلكانه :وااااي تعبانه حدي !!
ام سلمان :عشاك جاهزخلي الخدم يحطون لك وروحي نامي
خلود: ان شاء الله
حنين نازله من الدرج:اهلين باختي العزيزه اللي ماخرتني ومفشلتني في صديقاتي
خلود:ههههههههههه اهلين حنينوه وين بتدجين بعد
قعدت حنين بجنبها :والله يا طويلة العمر بنتقابل انا وصديقاتي بالمملكه
خلود :والله ودي اطلع من زمان ما طلعت
حنين:حياك تعالي معاي !
خلود :لا والله انا تعبانه وابي انام روحي انبسطي مع صديقاتك
ام سلمان :انتبهي على نفسك يا امي خلاص ؟؟
حنين :ان شاء الله باي
وسكرت الباب
ــــــــــــــــــــــــــــــــــــــــ
فوق السطح
غيوض :بنات اسمعو حنا ممكن يودينا طلال للسوق اذا تبون تروحون معنا حياكم !
حنان:جعلكم القنبله ...ايوالله نبي نروح
البنات:ههههههههههههههههههه
قماشه :صدق وش اخبار اخوكم ؟؟
صيته :ما عليه بخير ...ليش تسالين حاطه العين عليه ؟؟
قماشه :مالت عليكم وعلى اخوكم
ههههههههههههههههههههههههههههه
البندري:بنات لازم تجونا بكره عازمينكم
حنان:من غير ما تعزمينهم محضرين عندنا
قماشه تضربها :يا قليلة الادب
البنات:ههههههههههههههههههه
صيته :والله اني طفشانه ولا بعد امي تقول بنروح نقضي عشان خلاص بنسافر للرياض
قماشه :امانه بتسافرون!!
غيوض:ايه بس مو الحين بعد اسبوعين
حنان:ايييييييييه يمدينا نشبع منكم
صيته: عاد مشتاقه لبنات خالي
البندري:يا حليلكم شكلكم مره تنبسطون
حنان :لوانهم ما ينبسطون كان بيقعدون يقابلون خشتك اللي ما تنشرى بريال
البندري:يا قليلة الادب انتي وش دخلك ؟؟
البنات:ههههههههههههههههههههه
غيوض :وانتو يا بنات متى بتسافرون ؟؟
قماشة :اسمع ابوي يقول مو الجمعه اللي بكره اللي بعدها بنروح جده
صيته :يوه باقي اسبوع بس الله يعينكم
ناصر :يا بنات امي تقول يلا بنروح
حنان :يوووووووه وشهذا لسى ما قعدنا مع البنات نبي نسولف معاهم
البنات:هههههههههههههههههه
ــــــــــــــــــــــــــــــــــــــــــ
سلمان طالع من الحمام (الله يكرمكم )بعد ماخذاله شور
ولابس جينز وتي شيرت اخضر وبشرته اصلا برونز <<كووووووول
لبس ساعته
وفتح باب غرفته
لقى باب غرفت خلود مفتوح
دخل عليها :اهلين باختي القمر
خلود:هلا والله سلوم ..
سلمان:انا بطع الحين بروح اقابل اصدقائي في كوفي شوب بنشوف مباراه
بس اذا تبين تطلعين معي عادي اسحب عليهم
خلود:لا والله روح مع اصحابك انا بنام توني جايه من المعهد
سمان:اجل ارتاحي
يلا تامرين شي ؟؟
خلود:لا سلامتك
سلمان:لله يسلمك باي
خلود:باي
ورمت نفسها على السرير ونامت
سلمان في سيارته شغل المسجل :يالله ياربهم اهديتهم فاهديني الله رباه
آآآآآآآآآآآآحححححح
فحط سلمان عشان ماتفوته المباراه
الا جواله يدق :شاف الجوال (ابو الشلايخ) يتصل
سلمان:هلا والله ابو شلوخ
فيصل :على شحم ابو شلوخ هاه؟؟
سلمان:هههههههههههههههههه وينك ؟؟
انا بالكوفي شوب
سلمان:انا جايكم
فيصل: حياك
ــــــــــــــــــــــــــ
وصلت الطائره القادمه من روما على اراضي النمسا
(طبعا الطياره مشت فيهم من الشرقيه على روما ومن روما على النمسا )
لينا كانت نايمه وتعبانه
اما سعود فجالس والطفش بيذبحه
اما خالد كان يقرا احدى روايات اجاثه كريستي
ام خالد وابو خالد كانو نايمين
اما سنتيا فكانت قايمه وتتناقر هي وسعود
اول ما وقفت الطياره
نزلو وراحو ياخذون شنطهم
والتعب باين عليهم وكانت الساعه 9:30
خالد وقف تاكسي
وطلعو فيه واخذو تاكسي ثاني عشان الشنط
وراحو للفندق
طبعا ام خالد وابو خالد اخذو جناح خاص فيهم
ولينا وسنتيا بجناح وخالد وسعود بجناح
نامو وارتاحو
ومع طلوع الشمس اليوم الثاني
اول ما قامت لينا لفت على يمينا لقت سنتيا تشاخر شخير!!! خلوني ساكته
ضحكت على شكلها وقامت ودخلت جناح سعود وخالد
لقت خالد نايم بس سعود مو في سريره
استغربت وراحت بدلت لبسها ولبست جينز وقميص موف وطرحه بينك ونزلت تفطر بس لقت سعود راز فيسه في الكوفي شوب
لينا:طيب يا سعودوه تترزز تحسب انك بالسعوديه
وراحت فوق ولبست عبايتها وتلثمت ولبست نظاره وطلعت برى جناحها
وهي تسكر الباب لقت خالد قدامها :على وين يا ليون ؟؟
لينا:بعدين اقولك
خالد:ليش العبايه ترى عادي محنا في السعوديه !!
لينا:ادري بس بعدين اقولك ونزلت تركض
وهي تمشي جايه على جهة لكوفي
شافها سعود :العن امها سعوديه هنا !! وش هالصدف
سعود قام يتميلح قدامها
ولينا تضحك وتلف وجهها عشان ما يعرفها
سعود يبغى يغازلها
يمر من قدامها ويقول:ياربي خالد تأخر <<يعنني سعودي
لينا :تسوي نفسها ما سمعته
سعود:يا حلوه الرقم ..
لينا لفت جهة سعود وفكة اللثمه وزلت النظاره :الرقم هاه؟؟يا قليل الادب ..ترى محنا في السعوديه
سعود ما درى وين يحط وجه من الفشله :لينوه والله ما عرفتك
اما انك ضبطتيها!!
لينا :تلايط بس من وجهي ...يغازل بعد !!
سعود :والله لافك رقبتك لو قلتي لخالد
لينا:ان شاء الله انت تامر امر يا سعود
نزل خالد وام وابو خالد وسنتيا
وجلسو يفطرون وبعد ما خلصو
ام خالد:وش عندك يا ليون بالعبايه ؟؟
لينا ناظرت في سعود اللي وده يذبحها:ولا شي بس حبيت البس العبايه
ام خالد:اها ...براحتك
خالد:يمدحون حديقه بجنب الفندق اذا خلصتو فطور خلونا نروح
بعد ما خلصو فطورهم راحو للحديقه خالد:سعود انت ويا ليون الحقو عندنا خوال بالرياض !!!
لينا:قديمه !!هه هه
خالد:والله بجد وعندهم بنات و....
سعود :قل كذا وانتم جننا
ام خالد:ههههههههههههههههه
لينا :كذاب وش كبرهم يا يمه
ام خالد:فيه غيوض وفيه صيته وخلود و حنين
لينا :الله ! كل ذول بنات خوالي؟؟
ام خالد :ايه
لينا:لازم اروح معاك للرياض
ــــــــــــــــــــــــــــــــ
متى رح يرجعون ال خالد من النمسا ؟؟
ولينابتروح مع امها ولا لا؟؟
كيف رح تكون ردة فعل لينا من خوالها ؟؟
كيف الاوضاع في الرياض ؟؟
الجواب في البارت الرابع

(البارت الرابع )
ام طلال :يا صيته خذي الملابس اللي على الحبل وحطيهم بالشناط لا تنسين
صيته وهي تسكر شنطة ماجد :ان شاء الله يا يمه
غيوض جعلك القنبله لعنبو دارك من اول وانا افحط بهالشنط ورى ما تساعديني
غيوض اللي ترتب شنطتها :وش شايفتني اسوي يعني ؟؟!
صيته :ساعديني يا ما للمرض !!
غيوض :تراب في وجهك اهم شي اخلص اغراضي واروح
ام طلال :غيوووووووووووووض !!!
غيوض:ان شاءا لله يا يمه
صينه :ههههه احسن ما تمشين الا بالعين الحمرا
غيوض:يمـــــه!!!
صيته:خلاص خلاص هههههههه
ــــــــــــــــــــــــــــــــــــــــــــــــــ ـــــــــــــــــــــ
حنين كانت نايمه وبسابع نومه
(من عند باب الغرفه )جنا :اوووص!! قصرو حسكم
مضاوي :وانا قلت شي
الجازي :بنات افك الباب ؟؟
جنا ومضاوي :يلا
مضاوي وجنا والجازي فتحو الباب وقالو مع بعض :سبرااااااااااااااااايز
حنين اللي نطت من سريرها :يماااااااااااااااااااااااا
البنات :هههههههههههههههههههه
حنين :يا ما للمرض خوفتوني
البنات قربو منها وجلسو علىالسرير
مضاوي :والله كنا طفشانيت ونبي نسويلك مفاجئه
حنين: مو مفاجئه هذي مفاجعه
البنات:هههههههههههههههههههههه
جنا:خلاص خلاص زعلنا يلا يا بنات
قامو البنات وهم بيفتحون باب الغرفه
حنين :ياااا سماجتكم
البنات:خخخخخخخخخخخخخخ
خلود فتحت باب غرفة حنين :يا حنيــــــــــــ ..ما شاءا لله بنات خالتي نوره هنا وانا اخر من يعلم
حنين :حتى انا اخر من يعلم بعد مسوين مفاجئه
خلود طيب قومي وتسنعي وخليك مره صاحيه
البنات:ههههههههههههههههههه
خلود :تعالو يا حلوات اسوي لكم طريق عشان تقعدون بالصالون
البنات :يلا
.........................
سلمان داخل مع باب الفيلا:السلام عليكم ...افاااا وشفي ست الحبايب جالسه لحالها ؟؟!
ام سلمان : لا بس حنين عندها صديقاتها وخلود بغرفتها
سلمان :اهااا
خلود وهي تنزل مع الدرج ووراها البنات متغطين :ما شاء الله ليتني ما قلت بسويلكم طريق
لبنات يضحكون بصوت واطي لان سلمان قاعد
سلمان: اجل يلا يمه تامريني شي
ام سلمان: توك يا يمه جاي وين بتروح
سلمان:ابد بس بروح مع فصول ولد خالتي نوره لسوق
ام سلمان :سلمني عليه
سلمان :يوصل
خلود ابتسمت يوم جابو طارس فيصل
سلمان:وش عندك تتبسمين ؟؟
خلود :ولا شي يمه منك
سلمان ضحك وطلع يبدل ملابسه
ام سلمان يا حيالله بنات اختي افااا وينها ماجات ؟؟

ــــــــــــــــــــــــــــــــــــــــــــــــــ ــــــــــــــــ
طبعا ركبو السياره
ام طلال وابو طلال وماجد
اما صيته وغيوض ركبو مع طلال
ومشو من حايل متجهين للرياض
صيته :وش رايك نسويها مفاجئه ولا نقولهم ان احنا جايين ؟!!
غيوض :ايه صح حلوه خليها مفاجئه
طلال كان يضحك عليهم
ومشو بسررررررررررعه
ــــــــــــــــــــــــــــــــــــــــــــــــــ ــــــ
لينا كانت تتأمل الحديقه والاجواء الحلوه:يالله لا تحرمنا الجنه
خالد:امين
ام وابو خالد قامو يتمشوون
اما خالد خذا لينا وراحو يتمشون
ما بقى غير سعود هو وسنتيا
ناضر فيها
وشمقت له
سعود :يوووووووووه !!!!!
سنتيا تناضر فيه ومستغربه وش فيه بس ما تكلمت
سعود:انتي وشفيك يختي خلاص الله يرجك والله اني فاقد نفعتك ما يسوى علي
سنتيا :انتا ما في يستهي على وجهك
سعود :ايا قليلة الحيا وتقولينها بعد
سنتيا :تستاهل
سعود لممعة في راسه فكره حلو
سعود مسك قلبه :آآآآآآآآآآه سنتيا
سنتيا كانت تناظر ودها تقوم بس ما قدرت
سعود :آآآآآآآآآآآآآآآآآآآآآآآآآآآآه وطاح على الارض
سنتيا :سعووود ....اس فيه يا سعود ؟؟!!
سعوود ما سك نفسه (اس فيه هاه لعنبوك يا السيريسلانكيه )
سعود قام شوي شوي :آآآه
سنتيا :انت كويس ؟؟
سعوود:ايه بس شوي تعبان
سنتيا تبكي :سعود انتا ما فيه تعبان
سعود رحمها كثر ما يسوي فيها مقالب وهي خايفه عليه
وقام وراح قال للينا وخالد:هههههههههههههههههه
لينا:حرام عليك لا عاد تسوي فيها شي
خالد:هاه سامحتك ؟؟
سعود :شكلها ..
ــــــــــــــــــــــــــــــــــــــــــــ
وصلو عند محطه عشان يصلون الظهر (لانهم ما شين الصباح )
البنات نزلو وراحو يصلون
طلال :الو
سلمان:الو ...هـــــــــــــــــــــــــــــــــــــــــلا والله
طلال :هلابك شخباركم ؟
سلمان:تمام وينكم يا شيخ ؟ بدي العطله وخلاص بتخلص وانتو ما جيتو
طلال:ههههههههههههههههههههه خلصت تونا ما صار لنا اسبوعين معطلين ههههههه
سلمان:هههههههههه هاه والله منجد اتكلم خلاص يا خي تعالو ولا معجبتكم حايل ؟؟
طلال:وش دراك هذا حنا بالطريق
سلمان:كـــــــــــــــــــــــــــــــــــــــــــ ـذااااااااااااااااااااااااااااااب!!
طلال:افا انا كذاب ؟؟
سلمان:طلالوه لو تطلع كذاب بذبحك
طلال: والله من جد بس اهلي يبون يسوون مفاجئه وانا خربتها هههههههههه
سلمان:دايم نذل
طلال:مقبوله منك
سلمان:هههههههههههه وانا اقول الرياض و ش فيها بدت تنور
طلال:منوره باهلها
سلمان:اجل يلا بروح اقول للاهل
طلع سلمان من غرفته ودخل الصالون اللي كانت جالسه فيه ام سلمان وخلود وحنين
سلمان:معاي خبر بيخليكم تطيرون من الفرحه
خلود :وشو هالخبر؟؟
سلمان:بس تعطوني البشاره
حنين :اعطيك اللي تبي بس تكلم
سلمان:خلتي ام طلال وبناتها جايين
البنات:هيااااااااااااااااااااااااااااااااااااااااا ااااااااااااااااا وناسه
ام سلمان:الله يطق راسكم يا ذالبنات جننتوني
ام سلمان :بروح ادق عليهم
سلمان:لا يمه
ام سلمان :ليه ؟
سلمان: يقولون مسوين مفاجئه
ام سلمان :اجل يلا يا بنات بنروح بيت جدتكم قبلهم جهزو اللي تبونه وخلونا نروح
حنين نطت على الجوال وقالت لبنات خالتها نوره(جنا ومضاوي والجازي )
ـــــــــــــــــــــــــــــــــــــــــــــــــ
الجده عمشا قاعده في الحديقه حقت الفيلا :يا راني ...يا راني جعلتس السمخ يا ذالشغاله جننتيني
لعنبوتس انتي ما تسمعين
راني:يس مدام
الجده عمشا:اسمعي جهزي القهوه والشاهي وزينوا لعشا وكثروه
راني:ليش مدام مين رح يجي ؟؟
الجده:وانتي وش دخلك سوي اللي اقولك عليه
اول ما قامت الجده عشان تروح تصلي العشا الا السياره اللي دخلت مع بوابة الفيلا
ونزلوجنا ومضاوي والجازي وامهم نوره وولدها فيصل
قفل الحارس البوابه
الجده :يا حي ذالشوف ياه يا مرحبا يا مرحبا
سلمت نوره على امها وسلمو البنات على جدتهم وسلم فيصل على جده وقعدو يسوفون مع جدتهم شوي
الا البواري حقت السياره اللي كانت بتكسر البوابه
فتح الحارس البوابه
ودخلت سياره سلمان
نزلت ام سلمان وخلود وحنين ونزل سلمان
وسلمو على العجوز وقعد معها
لجده :يا زين ذاليوم يوم جيتوني
الكل:ههههههههههههههههههههه
سلمان :يا حبني لك يا جده
الجده:اسمعني انت ويا فيصل والله ان طلعتو لالعن جدكم
ما فيه طلعه من البيت
الشباب:هههههههههههههههههه
شوي طلع من الفيلا تركي وفهد (هذول عيال ابو فهد الي هوولد الجده عمشا يعني عيال خالهم )
الشباب :هلا والله
سلمان وفيصل :هلا بكم
الشباب :وش دعوه جالسين بالحديقه تعالو المجلس
دخلو الشباب
اما الحريم قعدو في الحديقه
و جنا ومضاوي والجازي وحنين وخلود دخلو على طيف بنت خالهم وسوو لها مفاجئه وهي كان
في المطبخ مصره انها تسوي حلى رغم وجود طباخه الا انها تحب تطبخ
البنات:وش عند طيف طايشه تطبخ ؟؟
طيف :هــــــــــــــــــــــلا
جنا:اهلين
طيف :كيفكم
وسلمت عليهم وحده وحده
ــــــــــــــــــــــــــــــــــــــــــــــــــ ـــــــــ
بعد خمس ساعات تقريبا
السيارتين كانت عند البوابه
طلال :آآآآآآآآه ...اخيرا وصلنا
غيوض :بعد عني خلني اشم ريحة الرياض
طلال :عدال يالي تشمين !! من وين جاي من النمسا !!
غيوض :آآآآآه جيت على الجرح
طلال:مدري صراحه وش تحسين فيه
نزلت صيته وهي تناظر بيت جدتها اللي وحشها صار لها سنه ما دخلته :يا زين ذالشوف
طلال :يا حماده (الحارس مصري اسمه حماده )
حمــاده !!
حماده : اهلين يا سعادة الباشا
دي الوقتي الرياض نورت
طلال:منوره باهلها
اقول يا حماده ولا عليك امر نزل الشناط
حماده : انتا تأمر امر
وبدا ينزل الشنط
........
البنات جالسين بالصالون
طيف :يا حيا الله من جانا الحين بدأت العطله
جنا :ترى محنا رايحين لبيتنا يعني بنجلس هنا طول الصيفيه
طيف :البيت بيتكم وترى على قلبي زي العسل
مضاوي :بنات .... خالتي ام طلال متى بتجي ؟؟
حنين :ايييييييييييييييييه ذكرتيني تراهم جايين بالطريق
خلود :قالنا سلمان من اول بس نسينا نقولكم
الجازي :حمد لله انا متكشخه
جرس الفيلا يدق
البنات :جااااااااااااااااااااااااااااااااااو
طبعا ركض البنات في الدر رج الفيلا
فتحو الباب كانت غيوض وصيته عند الباب واقفين
البنات:ااااااااااااااااااااااااااااااااااااااااااا اااااه هلا والله وغلا
ـــــــــــــــــــــــــ
الشباب كانو بالمجلس
فهد :لا يكونون بس يلعبون طيره
الشباب:ههههههههههههههههههه
سلمان :كل شي يطلع من هالبنات
تركي :نروح نلعب مهعم
فيصل :يا زينك جالس في مكانك
انفتح باب المجلس
وكل الشباب ناظرو جهة الباب
طلال:عسى ما فاتني شي ؟؟
ــــــــــــــــــــــــــ
بعد اسبوعين
ام وابو خالد وعيالهم كانو بالمطار
خالد اصر على اهله ان الرحله تكون على الرياض بدون ما يرجعون للشرقيه
لينا كانت معارضه هالشي لانها تبيت اخذ معاها شغلات من الشرقيه
المهم
بعد سبع ساعات نزلت طيارتهم في مطار الرياض
لينا كانت تتوقع اش رح تكون ردة فعل البنات لما يشوفونها
سعود ما كان يبي الرياض اصلا لانه يحب الشرقيه ويكره الرياض
اول ما دخلو مطار الرياض
وجلسو وجابو الششنط حقتهم
خالد:يلا يمه بناخذ تاكسي ونروح
ام خالد:لا لا ليش التاكسي؟؟
خالد:اجل ؟
ام خالد:خذ دق على سلمان وقوله يجينا
خالد :سلمان ؟؟ من ذا
ام خالد:ولد خالتك
خالد:اها !! طيب
خذا الجوال ودق
...................
الشباب كانو مبسوطين بلمتهم ومبسوطين بطلال الي توه واصل
قطعضحكهم رنة جوال سلمان
سلمان :اوه هذا رقم خالتي ام خالد ؟؟!!!
طلال :هذيك خالتي البطرانه
الشباب :ههههههههههههههههههه
سلمان :انكتمو
الو
خالد :"الو السلام عليكم
سلمان غريبه من ذا الولد:وعليكم السلام
خالد:سلمان صح ؟
سلمان :أي نعم من الاخو ؟
خالد :انا خالد ولد خالتك
سلمان :هلا والله ارحب
خالد:المرحب يسلم
الا ما عليك امر يا ليت تجينا بالمطار انا والاهل لاننا ما دل
سلمان:ان شاء الله ثواني وانا عنكم
الشباب مستغربين :وش فيه ؟؟
سلمان :خالتي بالمطار وجا ولدها
الشباب :مين ؟
سلمان:ولدها الكبير خالد
فحط للمطار
ـــــــــــــــــــــــــــــــــــــــــــ
اش رح تكون ردة فعل سلمان اذا شاف خالد ؟؟
ولينا بتنبسط مع البنات ولا لا ؟؟
وكيف رح تكون الاجازه ؟؟
سلمان اش ردة فعله اذا شاف لينا ؟
الجواب في البارت الخامس

(البارت الخامس)
وقفت سيارة سلمان عند باب المطار
..
لينا كانت تتأفف من الانتضار وقاعده تقلب بالآيبد حقها
شوي دخل شاب وسيم لابس قميص اسود وجينز وحزام بني
لينا خاطرها:يلعن الخقه يا شيخ
الولد كأنه تايه ويدور احد
لينا رجعت تقلب في الآيبد
خالد:كأنه تأخر؟
ام خالد:الله يهديك يا ولدي ما تعرف الرياض وزحمتها
سعود :والله ما ني مخلي بنت في الرياض ما ارقمها
سنتيا تناضر فيه وتشمق خالد:الو ..سلام سلوم وينك؟
سلمان وهو يدور :انا بالمطار
ام خالد:انت اللي لابس قميص اسود؟
سلمان ارتسمت على وجه ابتسامه وسيمه زيه وجا يمشي
تجاه خالته
سلم عليهم
ولسم ع الشباب
ولما وصل عند لينا عطاها ظهره
لينا انقهرت منه لانه وقفت له وعطاها ظهره
ام خالدعرفت انه ما انتبه للينا :سلوم حبيبي هذي بنتي لينا
سلمان مو مصدق ويحسب تقصد بنت ثانيه غير الحلوه الي
جالسه جنب خالته
لف ظهره وانصدم من البنت الحلوه اللي فاتشهبس متحجبه
سلمان:اهلين
وصافحها
لينا ارتسمت على وجهها ابتسامه مصطنعه ومقهوره منه :هلا فيك
سلمان فها فيها
قطع عليه صوت خالد:ما ودك نمشي؟
سلمان انتبه لنفسه :هاه ..يلا يلا
ركبو السياره ولينا كانت تعبانه وغافيه على كتف امها
اما سنتيا تتناقر ويا سعود
خالد كان يبغى له كم شغله من بنده
اما سلمان كان منقهر على بنت خالته اللي تفتش وحرام جمالها ذا يشوفونه شباب الرياض
خالد:معليش يا سلمان بس ودي كم شغله من بنده ياليت تلبق ع جنب
سلمان :اوكي خلاص ..بس كيف بترجع للبيت ؟
خالد:اوه ..صح !هههههههه
سلمان:هذي مو كنها سيارة تركي ؟؟
سعود :لا صرت اعرفه بقولك
لينا ناظرت في سعود :غبي
سلمان :خلاص يا خالد انزل وارجع مع تركي هذا هو بس خلونا ننزل نسلم عليه
نزل خالد وسلمان وسعود
سلمان:تروك
تركي:بسم الله!! لاحقني هنا ههههههه
سلمان:ليش سارح في هوا دارك
تركي:ههههههههههههه
سلمان:الزبده يا تروك هذول عيال خالتي ام خالد
تركي فز من مكانه :هلا والله ارحبو تو ما نورت الرياض
خالد:هلا بك منوره باهلها
سعود :هلا والله تروك <<كنه يعرفه من 100 سنه
خاد:لا تشره عليه تراه مرضوخ <<يعني ضاربه الفيوز
تركي:ههههههههههههههه
سلمان:خلاص الشباب بيرجعون معاك
تركي:اوكي ما فيه مشكله
دخل خالد وسعود بنده
راح خالد ياخذ الشغله اللي يبغاها
اما سعود قام يفرفر
..............
طيف :يووه طاحت البباسي غيوض شيليها
غيوض:ماني خدامه عند ابوك شيليها انتي
طيف :اوريك
الجازي :بسرعه لو سمحت عطني الكرسونات
مضاوي:يوه خلصو يا بنات
حنين :بنات خلود تدق علي شكلها ضيعتنا
جنا:ردي طيب
خلود:الو..
حنين:الو هلا والله ..
خلود:وينكم حنا عند المخابز
حنين :ثواني بس باقي ما خلصنا
خلود :اخلصو بسرعه فشلتونا بتركي
.........
سعود بعد شوي عن خالد وراح لقسم المثلجات
وصل عندها
لقى بنت لابسه برقع صقر وعباية راس ومغطيه عيونها
وصل سعود
البنت خذت آخر حبه من آيس كريم باسكن روبنز
ومشت
سعود:يالاخت !!
غيوض:نعم
سعود :معليش بس انا خذيت قبلك
غيوض: خيررررررررر
سعود:ابغى الايس كريم
غيوض:يا عيون امك رح للبقاله ..
سعود :جيبي الايس كريم ولا بعصب
غيوض:اشرب من بحر جده
سعود:خلاص والله سمجتيها جيبي
غيوض:انقلع من وجي تبي تغازل بس بطريقه ثانيه عرفنا اذلف من وجهي ايس كريم ماني معطيتك لو تنتحر
سعود:كلام نهائي!!
غيوض:انت ما تربيت يا قليل الادب
سعود وهو ينفخ :انا قليل ادب؟؟!!!
غيوض: لا انا
البنات جاو يركضون على صوت غيوض هي وسعود
وخالد جا بعد
خالد:خير ان شاء الله
غيوض: شف صديقك يبي يا خذ ايس كريمي
البنات:هههههههههههههههه
خالد ارتسمت ابتسامه وسيمه على وجهه : سعودوه امش فشلتنا
سعود: يلا ..بمشيها لك الحين بس المره الجايه ارقبيني
غيوض :ها ها ها سامج ليش بعد فيها ثانيه ؟؟!!
البنات: امشي الله يفشلك
تركي :الو
طيف: الو خلاص تركي خلصنا
تركي:يلا اطلعو
طيف :ان شاء الله
طلعو البنات وركبو السياره
طيف ركبت قدام والبنات ورى
تركي:اركبي ورى !
طيف: ليش ؟
تركي:جايب اصدقائي
طيف :يا قليل الادب جايب اصدقائك وحنا معك!
تركي: اقول انكتمي وانزلي
عصبو البنات من تركي
شوي ركب سعود وخالد قدام
غيوض: شهقت يوم ركب سعود
مسكوها البنات
استغرب سعود من الشهقه ولف ولقى غيوض
كتم ابتسامته ولف على خالد وهمس في اذنه :راعية الايسكريم معنا
ضحك خالد
سعود بصوت عالي : تروك لو كنت تبي ايس كريم وجاء
احد وخذاه منك وش تسوي ..
تركي :بسحب شعره واخذه منه غصب هههههههههههه
سعود :هههههههههه
غيوض عضت شفايفها من الفشله
والبنات يقرصونها
تركي:يا حيا الله عيال خالتي تو ما نورت الرياض !
خالد :منوره باهلها
البنات كلهم شهقو
تركي:وش فيكم ؟
غيوض:عيال خالتي !!!!!
سعود :ايه يا راعية الايس كريم
البنات:هههههههههههههههههههههههههههههههههه
ــــــــــــــــــــــــــــــ
لينا كانت طفشانه وجالسه لوحدها في غرفه كبيره فيها ثمنية اسره
وتناضر في حوست البنات :الله شكلهم فله
قامت لينا تاخذ لها شور وترجع تتزبط لان البنات بيجون الحين
وقفت السياره عند بوابة الفيلا نزل سعود وخالد وتركي
والبنات نازلين يشيلون عفشهم
سعود يضحك عشان يقهر غيوض
غيوض ناظرت فيه من فوق لتحت وشمقت
سعود طاح وجه (وجع مستحقرتني !!)
خالد وسعود :السلام عليكم
الشباب:وعليكم السلام هلا والله
فهد :تو ما نور البيت
خالد:منور باهله
فيصل :ما بغيت يا تروك تجيبهم !!
تركي: ما دريتي بيطلعون لي فيزا !!
فهد :ليش ؟
تركي:ما دريتي انا سواق الفيلا !!
الشباب:هههههههههههههههههههههههه
ــــــــــــــــــــــ
دخلو البنات ونزلو عفشهم
طيف :لعنبوكم ذبحتوني احس اني بطيح من التعب !
غيوض: عدال يا امنا ..اقول انكتمي كلنا تعبنا

جنا :استنو لحظه بدق ع راني تجيب لنا كاسات
ثواني وراني تدق الباب ومعاها الكاسات
كل بنت اخذت اللي تبي والفشار والشيبسات قدامهم !
لينا حست بالرجه اللي برى
لفت المنشفه على راسها ولابسه بيجامه بينك
طلعت من الحمام(الله يكرمكم) والمنشفه مكبره راسه
البنات كانو مندمجين في فيلم الرعب وشوي طلع صوت من باب الحمام
البنات من الخوف مو قادرين يلفون
النور كان طافي بس التلفزيون هو الشغال
البنات ساكتين ويسمون
غيوض لفت /آآآآآآآآآآآآآآآآآآآآآآآآآآآآآآآآآآآآآه
البنات عرفو ان غيوض شافت شي يخوف :آآآآآآآآآآآآآآآآآآآآآآآآآآآآ
وفتحو باب الغرفه وراحو يركضون وتوزعو على الدرج (لان
الدرج ضيق من فوق ويوسع كل ما نزلت )
لينا تحسب فيه شي وراها :آآآآآآآآآآآآآآآآآآآه
وتركض وراهم
البنات ما عاد شالتهم رجولهم من الخوف وش هالجني اللي ما يستحي
على وجهه يلحقنا بعد!!
لينا تركض وراهم لين طلعو البنات مع الباب الخلفي للفيلا
توزعو في الحديقه ورى الاشجار
...............
الشباب في المجلس
فيصل :شكل البنات رجعو يلعبون طيره !!
تركي:نروح نلعب معهم !؟
سعود :يلا
الكل ما عدا فهد:هههههههههههههه
فهد :هذول ما يستحون اصواتهم طالعه
طلع فهد والشرار ينقط من عيونه :بنات !!!!!
البنات ولا بنت تهمس
فهد :خير ان شاء الله ما فيه رجاجيل في البنت يوم اصواتكم طالعه؟؟!!
لينا كانت واقفه عند الباب وسلمان كان يشوفها وما يبغى الشباب ينتبهون
سلمان:خلاص شباب ادخلو وجع خوفتوهم
الكل دخل الا خالد وسعود راحو للينا
خالد:ليون وش فيك ؟
لينا : لا بس البنات خايفين مني يحسبوني وحش
اوما اني طلعت عليهم بشكل قمطو اوم العافيه
سعود :ضبطتيهم !! تعجبيني
غيوض من ورى الاشجار :ها ها يا سماجته !!
الجازي :انتي الحين ليش معصبه !
غيوض :يخسى الا هو يرفع ضغطي
جنا :لعنبوه ذا الكبير يخقق
مضاوي:انتي تشوفين !!
طيف:في ذي ما كذبتو
خلود:يا قليلات الادب استحو على وجيهكم !
الجازي :اقول سوقيها الولد بسم الله عليه لوقته
خلود:لا والله ما عاد حنا بزمان زين !! البنات يتغزلون بالشباب !!!
البات:هههههههههههههههههههههههه
سعود سمع الضحك :وش اخباركم يا بنات خالاتي !؟
غيوض:ما حنا بخير دامك قدامنا
صيته ترفسها :انكتمي كتموك يا قليلة الحيا !
سعود:هذي راعية الآيس كريم !هههههههههههههههه ومشى
غيوض انقهرت منه
بعد ما راحو الشباب
طلعو البنات من ورى الاشجار
وسلمو على لينا
طيف :عشان ليون هنا ابشرى بقاتوه يعجبك !
الجازي :يوه ..نسيت الفيلم ما ضغطنا ستوب !!!!
وراحت تركض
مضاوي :بجي معك
خلود وصيته اخذو لينا ودخلو البنات
سلمان يحمد ربه ان الشباب ما شافو لينا
لانه ما يبغى احد يشوفها ومقهور عليها انها تكشف !
ـــــــــــــ
بعد ما نام الكل
فتحت الجازي لابها وقعدت وركبت السماعات
شوي جلست تضحك
حست ان مضاوي تحركت سكرت اللاب وتحمد ربها ان
ما حد درى
ورجعت نامت
ــــــــــــــــــــــــــــــــ
تتوقعون لينا بتنبسط مع البنات؟؟
وش رح يسوون ؟؟
غيوض بتكمل مناقره مع سعود ؟؟
الجازي وش سالفتها ؟؟
الجواب بالبارت السادس

(البارت السادس)
الجازي توقف عند باب الغرفة
وتشغل النور وتفتح الستاير :قومو جعلكم القنبله ..يلا قومو
وجع حشى خياش نوم مو بنات
البنات كل وحده تتمغط ساعتين
الجازي :احزرو اش قلت للطباخه تسوي ؟؟
غيوض :هاه ..وشو ؟
الجازي :كشري وورق عنب ولازانيا ومحشي
البنات:هااااااااااااااااااااااي
لينا قامت وهي تتمغط :ما شاء الله ما تسوون دايت ؟!
صيته :ذي وجيه دايت كل وحده تسحب كرشها ساعه
لينا:هههههههههههههههههههههههههههههههههه
جنا:كلن يشوف الناس بعين طبعه
صيته :حسبي عليك وش قالولك ؟!
الجازي :خلصنا يلا انزلو الاكل برد
نزلو الصبايا وتغدو
خلود :حنين لا تاكلين الصحن
حنين :وش عليك مني !! كني اكل من صحنها
طيف :يوه يا سماجتكم
خلصو غدا وجلسو بالصالون
طيف :بنات تذكرون العام يوم طلعنا لاستراحتنا ؟!
البنات :يالله احلى سنه العام مره انبسطنا
طيف:وش رايكم اكلم ابوي ؟
البنات:هاااااااااااااااااااااااااااااااااااااااااا ي
طيف:انا قلت بكلمه ما قلت وافق
صيته :طيب يلا روحي كلميه
طيف:بدق على تركي اقوله يسوي لي طريق
خلود:ارحم يا طريق حشى رجال
طيف:الو .
تركي:الو هلا طيف تبين شي ؟
طيف:طيب خلني اسلم
تركي:ما دبل كبدي غير خشتك وبعد تجيني بالجوال ؟
طيف:ابوي تغدى معكم صح؟
تركي:ايه
خلاص سوو لي طريق انا ابي اكلمه
تركي: ان شاء الله يالشيخه طيف
طيف:باي
وقفلت
تركي:يا شباب الشيخه طيف بتدخل خلونا نروج للمجلس الثاني
الشباب:يووه اما عليها اوقات مدري وش تبي من حياتها
طلعو الشباب ودخلت طيف على ابوها
طيف:سلام وحبت خشم ابوها وراسه
ابو فهد :هلا والله حيا الله طيوف اللي ما نشوفها لاجوها البنات
طيف:الله يحيك بس اشتقتلك وقلت اجي اسولف معاك
ابو فهد:علينا ؟؟!
طيف:ههههههههههههههه خلاص خلاص
انا جايه عشام اطلبك ولا تردني خايبه!
ابو فهد :وانا داري جيتك موب لله ..هاه امري؟
طيف:ما يامر عليك عدو ...بس يعني حنا مجتمعين كلنا والاستراحه يعني حرام فاضيه !
ابو فهد:هههههههههههههههههههههه الطلبه عشام الاستراحه ؟
ابشري بطلبك يلا جهزو الاغراض
طيف:هااااااااااااااااااااااااي عشاني ما ارقد على حزنك
وراحت تركض وقالت للبنات :آآآآآآآآآآآآآآآآآآآآآآآآآآآآآه وناسه
...................
تركي:انا متأكد انهم يلعبون طيره
الشباب:ههههههههههههههههههههههههه
.............
طيف: يمه ابوي يقول خلي الخدم يجهزون الاغراض بنطلع استراحه
ام فهد:هذي الساعه المباركه يلا اجل راني
راني:يس مدام
ام فهد :خلي الطباخه والخدم يجهون الاغراض بنطلع الاستراحه
راني:اوكي مدام
الكل جهز
الحريم ركبو مع ابو فهد في سيارته كدلك
والانفينيتي فيها فهد وعلى يمينه فيصل وورى
سعود ونايف وخالد وطلال
اما الرانج روفر فيها البنات جا تركي يركب يبي يسوق بالبنات
(لانه معروف في أي رحله تركي سواق البنات )
طلع له سلمان :تروك الشباب يبغونك يقولون لازم تجيهم عندهم سبرايز لك اه انت بتسوق بالطقاقات ذول؟؟
غيوض :حنا مو طقاقات
تركي:ايه وامري لله
سلمان:خلاص روح وانا اللي بسوق بهم
البنات استغربو لان دايم تركي اللي يوديهم ويمونون عليه لكن سلمان لا
غيوض كلت تراب يوم ركب وما قالت كلمه استحت منه
سلمان:سلا م يا صبايا
البنات:وعليكم السلام
سلمان: طيف انقلعي ورى خلود تعالي
طيف:فيه اسلوب يا ابو الشباب
ورجعت طيف ورى وركبت خلود قدام
فحط سلمان
لينا كانت وراه على طول بس تتفرج على المناظر
سلمان:لينا وش رايك بالرياض؟
لينا ارتبكت اش معنى يسولف معاي انا لحالي :هههه حلوه ما شاء الله
سلمان : اول مره تجيب صح؟
غيوض:تستعبط؟
سلمان:اونتي وش دخلك ولد يسولف مع بنت خالته
لينا مستحيه منه لانه مره فاك الميانه بس هي ما عطته وجه
مرو بجنب سيارة الشباب
فيصل يسوي حركات للبنات
جنا:صدق من قال العقل نعمه استخف اخوي
لينا شافتهم ابتسمت لهم وأشرت
الشباب خقووووووووووووووووو!!!!!
فيصل: يوه من هذي اللي تخقـ ...
خالد: ليونا ..هااي <<يأشر لها
فيصل عرف انها اخته (حمد الله اني ما تكلمت ):اختك ؟
خالد:يب ليونا
الشباب فهو فيها
سلمان لاحظ هالشي عصب وفحط
وصلو للاستراحه
نزلو البنات والكل نزل
مره كانت الاستراحه خطيره كان فيها قسم للرجال وقسم للحريم ودور ثاني فيه جناح كامل للصبايا
ومسبح وملعب غولف
البنات طلعو غيرو ملابسهم ولبسو مايوهات سباحه وجاو يركضون ودخلو القسم المخصص للمسبح بس زي الحاجز
وطبت طيف
جات الجازي تركض من بعيد :هاااااااااااااااااااااااااااااااااي <<وطبت مع طيف
لينا:يمه اخاف مره تخوف النقزه
غيوض:بتتعودين
شوفي شلون رح اطب
غيوض:سولي طريق بطب
البنات :يلا
غيوض:نقزت بقوه وارتفعت مره وطبت في المسبح
خلود وصيته جلسو على طرف المسبح وقاعدين يسولفون
لينا :طيب يلا بطب بس بشويش وخرو
جات لينا تركض وهي مغمضه عيونها
كان فيه مويه قدام المسبح لينا ما انتبهت زحلقت
وطاحت في المسبح


طاحت على راسها والمسبح كله دم








......
....................
.....
.
..


لا لا امزح عليكم ههههههههههههه

طبت لينا بس بشويش غيوض:تلعبين على نفسك هذي مو طبه
لينا:انا صراحه اخاف من السباحه
جلسو البنات نص ساعه في المسبح الا الحاجز حق المسبح يندق
طيف:لا حد يدخل
تركي:تراكم سمجتوها
طيف:تروك بس شوي
سعود :يقولون انكم تحللتو بالمسبح
لينا:لايا شيخ !!هههه ما تضحك
سعود:غريبه لينا تسبح!!؟
لينا:ايه ليش لا
سلمان:يا بنات حنا نبي المسبح خلصو
الجازي:يوه بلا سماجه انقلعو مكان ثاني
فيصل:يلا عطيناكم وجه اطلعو
حنين :سلوم روحو العبو
سلمان:ان شاء الله يا روح امك ماحنا متحركين لين تطلعون
جنا:الله يا زين المويه تحسينها تطيرك
فيصل:الكل بيطيره المسبح الا انتي
جنا:ليش؟
فيصل :لانك سامنه
جنا :حرام عليك !
فيصل:هههههههههههه انتو يالبنات اللي يبي يجننكم يقول سامنه
خالد:كلن يتكلم على اخته الا انا ليون تسوي دايك
لينا:فديت اخوي
سلمان(وتسوي دايت بعد لاكذا تهبل)
طلال : وش فيكم ؟؟
فيصل:نتشحد السندريلات يطلعون
طلال:ممكن صبايا ؟؟ اذا طلعتو لاني ابيه !
البنات خقوووو :ان شاء الله ثواني
خلصو البنات من بعد ما نشفو ريق الشباب
وراحو يلبسون
اليوم الثاني الكل نايم مع الصبح الا الجازي
قاعده على لابها وتسولف والسماعات عليها
خلود حست بهمس
بس رجعت نامت
قامت خلود لقت الجازي فاتحه اللاب وحاطه السماعات ورفعت خلود راسها شوي لقت الجازي فاتحه شات صوتي
خلود من ورى الجازي تدقها
الجازي:ها !!!!
خلود: الجازي:اش هذا ؟
الجازي:امانه لاتعلمين علي
خلود :ليش يا الجازي طحتي من عيني
الجازي والدموع بعينها: خلود اسمعيتي انا بس ادخل اتسلى
خلود:طيب ليه شات ؟ فيه العاب كثيره بالنت تنبسطين عليها اكثر من هالمسخره
انت يالجازي بنت حمايل استحي على وجهك وقبل هذا كله فوقك ربك اللي يشوفك لا تخلين الله اهون الناظرين اليك
الجازي:استغفرالله
خلود:استغفري ربك وحرام صوتك الحلو يسمعه واحد من هذول الذياب
الجازي:استغفرالله ..بس انا كنت اكلم واحد يقول يحبني ويحلف
خلود:هذول كذابين يبدون بالكلام المعسول وبعدين يبانون على حقيقتهم
يا حبيبتي هذول ما عندهم حس وغيره على بنات بلدهم
هذول اصلا اخلاقياتهم بما انها سمحت لهم يدخلون مكان رخيص زي الشات بتسمح لهم يسوون اعظم من كذا
الجازي انتي بنت كبيره وعقلك براسك وحرام اللي قاعده تسوينه احمدي ربك اني
انا اللي شفتك مو غيري ولا بدون نقاش الخبر عند امك شوفي اهلك كيف رح
يتصرفون وقتها معاك
لكن انا ابغاك تحسين بغلطك وتستغفرين ربك وتوعديني ما عاد اشوفك في اشياء زي كذا
الجازي:وعد ان شاء الله حمد الله اللي نور بصيرتي وجابك لي
خلود :يلا انا بروج انام ونزلي هالشي منك <قصدها على اللاب
الجازي:ان شاء الله
ـــــــــــــــــــــــ
الشباب يلعبون كوره في الثيل ومنبسطين
جا سعود يبغى يسجل هدف ركل الكوره الا هي صاكه بساق تركي
تركي طاح من طوله :آآآآآآآآآآآآآآآآه
سعود:تركي
الشباب التمو على تركي وشلوه وودوه للمستشفى
فهد:تركي انت بخير؟
تركي:ايهآآه
فهد :يلا بس ثواني ونوصل
السياره الثانيه فيها الباقين
خالد:لعنبوك يالدفش خير ان شاء الله وش هالركله ؟!
سعود:تحمست وجيت ابي اسجل هدف
خالد:هذا تسميه هدف ؟
دخلو المستشفى وقابلو الدكتور
:مين فيكم ولي امره
فهد بما انه الكبير :انا
الدكتور:لو سمحت ابنك فيه كسر برجله وحنقبسوه لحد اسبوعين بالكتير وتقدرو تاخدوه دالوقتي معاكو وبعد اسبوعين حنفك القبس
فيصل وسلمان كاتمين الضحك لان الدكتور يقول :ابنك
ههههههههههههههههههههههههههههه
فهد:تلايط انت وياه
دخلو على تركي اللي مجبس كلهم سلمو عليه
تركي:لعنبو دفاشتك كسرتني مره وحده
سعود:الجيات اكثر
تركي:لا يا شيخ انا بستنى يكون فيه جيات ؟
خالد:اسكت في البيت مستلم سنتيا وهنا خلاها وجاك
سعود:يالله!! سنتيا اشتقت لها
الشباب:ههههههههههههههههههههههههههههه
رجعو الاستراحه
والحريم سوو مناحه لتركي
الجده:انتو مهبل ولا رجاجيل وش طولكم وعرضكم وتلعبون كوره ؟؟
الشباب:هههههههههههههههههههه
سعود :شباب انتو مهبل ولا رجاجيل ؟
ههههههههههههههههههههههه
ــــــــــــــــــ
اش رح يصير لفهد ؟؟
تركي بيشفى ولا لا؟
سلمان كيف رح يقنع لينا تتغطى ؟
الجواب بالبارت السابع

مشكووووووووووووووووووووووووووره