| شاب جامد | |
|
+5Remo الفارس أبوعبدالله فتحي فرى مان ҳҖҳsweetyy angelҳҖҳ 9 مشترك |
كاتب الموضوع | رسالة |
---|
ҳҖҳsweetyy angelҳҖҳ عضو ماسى
عدد المساهمات : 960 تاريخ التسجيل : 13/06/2009 العمر : 28 الموقع : عالم لايعرفه غيري
| موضوع: شاب جامد السبت 01 أغسطس 2009, 5:41 pm | |
| المشهد الأول
· يدخل أبو طارق إلى حجرة ولده طارق علشان يصحيه يروح الجامعة ويخبط على ظهرهه بالراحه كده أب بقي انتو فاهمين.
الوالد : طارق ... طارق .... قوم يا حبيبى فيفتح الولد عيناً واحدة ينظر بها إلى أبيه فى استغراب
طارق : إيه يا بابا فيه إيه ؟
الوالد :قوم يا حبيبى عشان تلحق تروح كليتك ؟
طارق : يا بابا كلية إيه اللى بتصحينى عشانها وش الفجر
الوالد : وش الفجر إيه بس... يا بنى الساعة داخلة على عشرة ...
قوم يا حبيبى عشان تلحق محاضراتك
طارق : يابابا نفض
الوالد : أعمل إيه
طارق : يعنى كبر يا بابا
الوالد : الله اكبر
طارق : لا يا بابا مش قصدى ... أن بقولك كبر دماغك يعنى
الولد : يا ابنى قوم متتعبنيش .... مش انت عندك محاضرات مهمة النهاردة ؟
طارق : يا بابا مهمة إيه بس ... ده كله فى الكلتشة
الوالد ( متعجباً ) : يعنى إيه كلتشة يا بنى .... انت مش عندك محاضرات مهمة النهاردة
طارق : يا بابا ... فكك من كلام الستينات ده.... أنا مش قادر أفك رموز وشى
الوالد : يا بنى قوم أخوك بيقول ان المحاضرات النهاردة عندك مهمة
طارق : يابابا سيبك منه ... ده واد بيهيس
الوالد : يعنى إيه .... يعني كلامه صح ولا غلط ؟
طارق : يا بابا ... ابنك ده دماغه مخرومة ... عمالة تنقط .... متسمعلوش و لما يكلمك سد ودانك لحسن ياكلها .... و الودان اليومين دول غالية يابابا ... ملهاش قطع غيار
الوالد : يا بنى انت بتتكلم كده ليه ؟
طارق : يعنى بكلمك بالسيم يعنى .... بص يا بابا عشان خاطر ربنا ... سيبنى أنام كمان خمس ست ساعات عشان أقوم فايق .... أنا كنت سهران طول الليل ... سيبنى أأنتخ شوية
الوالد : تأنتخ ؟ ... الله يخرب بيتك مش فاهم منك ولا كلمة لا انت و لا أخوك
طارق : و الله يابابا أنا مأفور خالص و مش قادر ... سيبنى
الوالد : يا بنى كلمنى زى ما بكلمك ... إيه اللى انت بتقوله ده
طارق : يا بابا هو انت عشان صاحى بدرى لازم تصحينى أنا كمان بدرى ،سيبنى يا بابا أنا عارف مصلحتى .
الوالد : مصلحتك ؟ يا بنى انت بقالك ثلاث سنين فى سنة ثانية
طارق : ظلم يا بابا ، الدكاترة بتاعة الكلية حاطينى فى دماغهم لحد ما عفنت
الوالد : (وقد بدأ يتغاظ ) طيب قوم يا معفن ... خد لك دوش و افطر و روح الكلية
طارق : بابا.. اقفل النور و خد الباب وراك .... و أما أقوم نبقى نشوف موضوع الدش ده
الوالد ( بصوت مرتفع ) : أنت حتقوم و لا حقومك بالجزمة
طارق ( يجلس على السرير ) : يا فتاح يا عليم .... الواحد لسة معملش استمورننج و بيتهزأ على الصبح
يخرج الأب و يدخل أخوه وائل فينظر إليه شذراً
طارق : لازم تديها جاز على الصبح .... شعللتها ؟ ... ماشى
وائل : هو اللى بيسألنى
طارق : قوله معرفش ... قوله معندوش زفت محاضرات
وائل : أكذب يعنى ؟
طارق : (يضحك بسخرية ).... لأ إنت متعرفش تكدب ... تحب أقوله انك ساقط ، و منجحتش زى ما قلتله و انك بتعيد السنة من غير ما تعرفه ؟
وائل : ( و قد اصفر وجهه ) لا يا طارق اوعى ....
طارق : طيب يا حلو .... روح هاتلى سجارة من علبة أبوك أعمل بيها دماغ الصباحية
وائل : يخرج سيجارتين من جيبه . خد اثنين أهم ... بس اخلص بسرعة قبل ما ييجى تانى .
طارق : طيب يا إتم .... اختفى من قدامى دلوقت
يخرج وائل ، و يبدأ طارق فى تدخين إحدى السجائر و هو بعد ما زال على السرير
ثم ينظر بجواره على الكمودينو و يتناول التليفون و يتصل بأحد زملائه
طارق : ألو ... أيوه يا هيما .... انت لسة مِكَّحول ... ما تقوم ياواد خليك نشيط
هيما : يا بنى حد يتصل بحد دلوقت مفيش زوق .... الساعة لسة عشرة و نص
طارق : فوق بقى .... إيه النظام ؟ الحياة أخبارها إيه النهاردة ؟
هيما : زى امبارح .... نروح المول ... و ندخل الكافى شوب .... نطلب شيشة ... نشرب لنا كام ستون ..... نعلق حتتين طراى .... أو نلف نعاكس فى المزز
طارق : طيب نتقابل الساعة واحدة .... متحلقليش
هيما : حتعمل إيه دلوقت
طارق : أنا حاخلع من البيت دلوقت و اخرج أصيع لحد ما نتقابل ، عشان أبويا عاملى فيها أبو الغضب ... و لو فضلت موجود حيعملى فيها بروسلى و يضربنى .
هيما : الحمد لله يا عم... أنا أبويا ميت
طارق : يا بختك ... استكانيس براحتك ..... طول عمرك محظوظ .... شاو
يغلق الخط ... و يدخل أخوه وائل
وائل : اوعى يا طارق تقول لابوك .... لحسن يرحلنى
طارق : (ينظر إليه بتعال و كأنه ملك روحه ) خليك حلو معايا أحسنلك ... لحسن أنا لسانى بياكلنى ... و الندالة بتنقح على
وائل : ( باستجداء ) اوعى يا طارق
طارق : طيب روح هاتلى الجل بتاعك ... عشان الجل بتاعى بياكل فى دماغى زى مية النار
وائل : احنا حنبدأ استغلال .... و بعدين انت اللى مابتغسلش دماغك لحد ما باظت
طارق : خلص يا عم الأمور ... روح هاتلى الجل .... إنجز
وائل : يا طارق ما انت عندك إزازة لسة مفتحتهاش
طارق : ياد روح هاتها متبقاش إيحة ... و بعدين انت لابس فانلة فى البرد ده ... عاملى فيها هركليز
وائل : ( يصرخ و هو يجرى خارج الحجرة ) يا نهار اسود ... دا المكوة على القميص
يأخذ طارق نفساً من السيجارة و قبل أن يخرجه من صدره يدخل والده
الوالد : إنت لسة نايم ؟
طارق : ( لا يرد حتى لا يخرج الدخان من فمه فيراه أبوه و يخفى السجارة تحت البطانية )
الوالد : يعنى مش عايز تجيبها لبر .... آدى آخرة دلع أمك . هى اللى فسدتك ... لو مخرجتش من البيت و رحت كليتك حالاً حكسر دماغك دى ... إنت فاهم ؟
طارق : ينظر إلى والده و قد احمرت عيناه و انتفخ وجهه
الوالد : انت بتبص كده ليه يا واد انت .... جتك البلا فى منظرك ... و يخرج الوالد
طارق : يخرج نفسه الذى كتمه حتى كاد أن يموت ، و يسعل بشده
يدخل وائل أخوه فيجده على هذه الحال
وائل : إيه مالك ؟ حتفطس ولا إيه
طارق : روح هاتلى كباية مية أبوك كان حيموتنى .... كنت حسافر
يخرج وائل فيستلقى طارق على السرير يسترجع أنفاسه و يغمض عينيه ... و بعد قليل يرتفع صوت شخيره . خخخخخخخخخخخخخخخخخخخخخ | |
|
| |
فرى مان عضو فعال
عدد المساهمات : 55 تاريخ التسجيل : 03/06/2009 العمر : 34
| موضوع: رد: شاب جامد السبت 01 أغسطس 2009, 6:26 pm | |
| | |
|
| |
أبوعبدالله فتحي عضو فعال
عدد المساهمات : 50 تاريخ التسجيل : 22/07/2009 العمر : 57
| موضوع: رد: شاب جامد السبت 01 أغسطس 2009, 6:52 pm | |
| عيل فأر جاته الغم ******************************** للأسف شباب آخر موضه وطبعا السوء في التربية والسوء في الصداقة واضح وضوح الشمس والمشكله انهم يظنون ان هذا هو التقدم والحضاره وانها روشنه (( دروشه ) و ان شئت تقول معفنه أو مقذره وكل لفظ قبيح يمكن أن تقوله فهو يليق بهم وتجدهم في الشوارع لاشكل لهم سلسله في رقبته مثل رخصة الكلب الوولف وسيجاره في فمه نتن الرائحه وشعر منكوش مثل الشيطان الرجيم وبطلون ساقط سقوط الأخلاق وكأنهم كلاب ضاله لاهدف ولامبالاه وربما لاأهل يبحثون عنهم وحالهم يدعوا للشفقه ربنا يهدي شباب المسلمين ****************************** أما العنوان للمشاركة فغير مناسب بالمره ممكن يكون الوصف غير الجامد أجدى وأنفع | |
|
| |
الفارس نجم المنتدى
عدد المساهمات : 3021 تاريخ التسجيل : 01/08/2009 العمر : 35 الموقع : www.youtube.com
| موضوع: رد: شاب جامد السبت 01 أغسطس 2009, 10:26 pm | |
| دة شاب جامد ده شاب عاوز الحرق | |
|
| |
Remo صاحب مكان
عدد المساهمات : 1658 تاريخ التسجيل : 11/05/2009 العمر : 30
| موضوع: رد: شاب جامد السبت 01 أغسطس 2009, 10:57 pm | |
| ربنا يهدى شباب وشابات اليومين دول لانهم بجد كلهم عايزين .............. المهم ربنا يهدى الجميع ده كمان دلوقتى البنات اصبحت اكتر من الاولاد بشوية وبيقولوا كلام غريب وبيتكلموا بطريقة اغرب ومصطلحات عجيبة ربنا يهديهم | |
|
| |
ҳҖҳsweetyy angelҳҖҳ عضو ماسى
عدد المساهمات : 960 تاريخ التسجيل : 13/06/2009 العمر : 28 الموقع : عالم لايعرفه غيري
| موضوع: رد: شاب جامد السبت 01 أغسطس 2009, 11:10 pm | |
| منورين الموضوع وباالنسبه للاستاذأبوعبدالله فتحي واسم الموضوع شاب جامد كلمه جامد دي مش للتعظيم دي للستهزاء به ومن افعاله مش اكتر وشكر لعليقك | |
|
| |
أبوعبدالله فتحي عضو فعال
عدد المساهمات : 50 تاريخ التسجيل : 22/07/2009 العمر : 57
| موضوع: رد: شاب جامد الأحد 02 أغسطس 2009, 8:47 am | |
| ده كمان دلوقتى البنات اصبحت اكتر من الاولاد بشوية وبيقولوا كلام غريب وبيتكلموا بطريقة اغرب ومصطلحات عجيبة ******************************** هذه من المصايب الكبرى ان بعض البنات يتقمصن صورة الشباب التافه في الكلام التافه ولكن نستطيع ان نقول انهم شرزمة قليلة ولارقابة على ألفاظها من قبل الأهل لأنه ولابد من التلفظ ببعض الكلمات عن طريق الخطأ أمامهم *********************** ربنا يهدي | |
|
| |
المسيو مدير المنتدى
عدد المساهمات : 3770 تاريخ التسجيل : 08/05/2009
| موضوع: رد: شاب جامد الأحد 02 أغسطس 2009, 11:15 am | |
| أولا شكرا لويت أنجل بتاعت المواضيع الساخنة واللى بترفع حرارة المنتدى لـ42 و شرطة الموضوع جد خطير والكلمات دى بئت منتشرة جدا بين الشباب وبيعتبروها موضة وروشنة والعيب على الأهل يعنى الأب المحترم اللى فضل يسمع إبنه ولم يحرك ساكنا هو اللى عايز اللوم و التوبيخ لآنه هو السبب الخفى وراء هذه النتيجة التى وصل لها الولد ده و كما قال رسولنا الكريم كلكم راعى و كلكم مسؤل عن رعيته وهنا قد ترك الراعى رعيته فلا مناص أن يطمع فيها الذئاب merci bien | |
|
| |
Ambassador صاحب مكان
عدد المساهمات : 1328 تاريخ التسجيل : 19/08/2009 العمر : 31 الموقع : في اي منطقه سياسيه
| موضوع: رد: شاب جامد الخميس 20 أغسطس 2009, 3:04 am | |
| شكرااااااااااا على الموضوع الجامد ده بجد فعلا فى كلام كتير الواحد مش بيفهموا دلوقتى بس بجد الواد ده عايز.......................و | |
|
| |
شموس نجم المنتدى
عدد المساهمات : 5818 تاريخ التسجيل : 27/05/2009 العمر : 31 الموقع : avec mes rêves
| موضوع: رد: شاب جامد الخميس 20 أغسطس 2009, 9:22 am | |
| مشكوووووووره على الموضوع الجامد وبعدين مش بس الكلام هو اللى مش بيتفهم اليومين دول كل حاجه فى الدنيا بقت مش مفهومه [ندعوك للتسجيل في المنتدى أو التعريف بنفسك لمعاينة هذه الصورة] | |
|
| |
???? زائر
| موضوع: رد: شاب جامد الأحد 23 أغسطس 2009, 10:41 pm | |
| |
|
| |
Cleopatra نجم المنتدى
عدد المساهمات : 2641 تاريخ التسجيل : 07/09/2009 العمر : 33 الموقع : في اي منطقه اثريه
| موضوع: رد: شاب جامد الثلاثاء 29 سبتمبر 2009, 1:28 pm | |
| مشكووووره على الموضوع و فعلا والولد ده عايز الحرق | |
|
| |
| شاب جامد | |
|