قوم عاد هم بناة الاهرامات

قام الباحث محمد سمير عطا ببحث اثبت فيه ان قوم عاد هم بناة الاهرامات وليس الفراعنة وهذا هو رابط البحث [ندعوك للتسجيل في المنتدى أو التعريف بنفسك لمعاينة هذا الرابط]
ارجو قراءة البحث وياريت اللى يقرأه يقول رأيه لانى بجد محتارة كتير ومش عارفة هل اقتنع بالكلام ده ولا لأ هو بحث شيق وممتع ومقنع جدا

انا قراته بس مش مقتنعه بالكلام ده عندى احساس انه مش منطقى وبرده مش متأكده بس لو هى دى الحقيقه اكيد هيكون فى دليل
[ندعوك للتسجيل في المنتدى أو التعريف بنفسك لمعاينة هذه الصورة]

بصراحه انا كمان مش عارفه ايه الصح صحيح الفراعنه هم بناة الاهرامات ولا زى ما اكتشف الباحث ان قوم عاد هم بناة الاهرمات واحنا كلنا كنا فاهمين غلط وازاى بعد ده كله نكتشف ان الفراعنه مش هما البناة الاصلين للاهرمات ازاى نصدق ده بجد انا مش قدره اصدق ازاى فجأة نكتشف ان حضارتنا مش احنا اللى عملناها ازاى بجد انا كده اتلغبط خالص بس الكلام اللى الباحث قاله مقنع بس مش قادره اصدق

انا معاكي ياروما ف الموضوع ده لان فعلا ف دلائل بتقول انهم بناة الاهرامات وع اساس ازي الفرعنه قدروا يشيلوا الاحجار لانهم كانو صغيرين وقوم عاد دو كانو كبار جدا اطول واضخم مننا ومن الفرعنه بكتير جدا ولو هتقولو ان الفرعنه كانو بيشيلوا الاحجار ع العجلات ع اساس ان العجلات دي مصنوعه من ايه دي من خشب وكمان الحجر الواحد من الاحجار دي بيساوي طن او اكتر وده من رأيي

عدد المساهمات : 47 تاريخ التسجيل : 09/07/2009

أنا قرأت الكلام بتمعن
والله الراجل جايب أدلة من القرأن قاطعة وأيات دالات
ونسبة كبيرة أن الموضوع شكله صحيح
فلم يذكر القرأن أن الفراعنة كانوا عمالقة
و لكن ذكر قوم عاد وثمود وإرم
والمنطقى أن الحجر الضخم جدا بالنسبة لنا ما هو إلا طوب فى أيديهم يستعمل للبناء و ذالك لضخامة أجسادهم
و أنا مقتنع بذالك أكثر مما قيل فى البناء ان تلك الحجاره جرتها الثيران من الجنوب إلى الشمال
القطار ذو السرعة العاتية يقطع المسافة فى ما يقرب اليوم أما الثور فكان يأخذ المسافة فى كام شهر ولا دى كانت ثيران عداءة؟
أنا مقتنع إلى حد كبير جدا بصحة الموضوع

انا قرات الكلام لكن انا كمان مش مقتنع بكلامه
اولا هو بيقول (إن هذا الحجر المعجز بالنسبة لنا لم يكن إلا طوبة بالنسبة لقوم عاد، أما بالنسبة للفراعنة ذوي الأحجام المماثلة لنا فهو مستحيل تماما، خاصة أنه لم يكن لديهم من أدوات وأجهزة ومعدات ما يمكنهم حتى من تقطيع الحجارة، فما بالنا بشطفها ونقلها ورفعها !
مش غريب انه يقول على الناس اكتشفت الذهب واكتشفت الزراعه وقاموا بحروب وعرفوا التحنيط لم يكن لديهم ادوات واجهزة ومعدات
ثانيا القريه اللى اكتشفت جنب الاهرامات والقريه دى اكتشف انها كانت قريه للعمال اللى بيبنوا الاهرامات لو الهرم سهل يبنى فى يوم كده على اساس انه طوبه بالنسبه ليهم كان ايه لازمتها بناء قريه للعمال
ثالثا ايه الاستعجاب من ان الثيران كانت بتجر الاحجار من الجنوب للشمال نظرا لطول المسافه الهرم استخرج بنائه 20 عام يعنى مفيش داعى للاستغراب
رابعا الممرات اللى موجودة داخل الهرم الممر يساع شخص فى اجسامنا مش شخص طول النخله لو كانوا عاملين ممرات ليهم داخل الهرم على الاقل كانوا طولوه علشان يساعهم
خامسا بقى الصور اللى جايبها للهياكل العظميه الضخمه دى مش مقنعه بالمرة وعمرى ماشوفتها وفى صوره مكتوب مااكثرها فى صعيد مصر اعتقد لو حاجة زى دى فى مصر كانوا حاطوها فى المتحف علشان المصريين يتفرجوا عليها

لا طبعا يا جماعه المصرين القدماء هما بناه الاهرام و كل الشكوك دي غلط جدااااااااااااا كل ده من حقد الناس علينا علشان احنا عندنا الاهرامات العظيمه دي كلها الي هي مش بس اهرامات الجيزه لا في اهرامات كتير تانيه في سقاره و ابو صير و ميدوم و غير كده مناطق كتير فلو مش احنا الي بنينا اهرامات الجيزه هنعرف منين نبني بقيت الاهرامات دي كلها وبعدين اهرام الجيزه مش بس هما اهرام خوفو و خفرع و منكاورع في اكتر من تسع اهرامات في الجيزه و لسه طبعا هنكتشف غيرهم و كل ده المصرين هما الي بنوه و اكبر دليل على ده النقوش الي جوه الاهرامات احنا لازم نبقى اقوى من كده و منشوكش في تاريخ اجدادنا ابداااااااااااااااااااااااااااااا لان دي بدايه الضعف
وأي وطن من غير ماضي ملوش مستقبل وهو ده الي هما عايزين يفهموهلنا ان احنا معندناش ماضي يعني دي طريقه جديده عشان يسطروا علينا بيها
علفكره انا مقريتش الموضوع ومش هقراه لان مجرد قرايتي ليه يبقى انا بشك ان الفراعنه هما بناه الاهرام الحقيقين

الجماعة الموضوع ده خطير جدا جدااااااااااااااااااااااااااااااااااا
ولزم كل واحد يكون إيجابى و يدخل ويقول رأيه

فعلا موضوع جدير بلأهتمام لان دي حرب من نوع جديد هي حرب الحضارات و التاريخ
وانا كمان مقريتش و مش هقرا الموضوع ده

واللة انا بس عاوز اقول
لو ربنا كان اباد قوم عاد بالريح
لية م ابادش الحضارة بتاعتهم
اللي الراجل دة بيقول انها بتاعتهم
.................................................

الكلام ده مش منطقى وبعدين هو عشان يقنع اللى القراء وكان لازم طبعا يجيب ادلة محدش ممكن يشك فيها او يغلطها كاانك بالظبط ماسك كتاب كله غلط ف غلط بس ف الكتاب ده صفحة واحدة غلط هو بقى عمل كده بالظبط

قصدى ف الكتاب ده صفحة واحدة هى اللى صح والكتاب كله غلط ف غلط

[ندعوك للتسجيل في المنتدى أو التعريف بنفسك لمعاينة هذه الصورة]